လံာ်စီၤယိၤၡူ 11:14 - Sgaw Karen Common Bible

¹⁴ ပှၤအံၣ်စရ့လးဖိတဖၣ်ဟံးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဒီးဆၣ်ဖိ ကီၢ်ဖိလၢဝ့ၢ်တဖၣ်အံၤအပူၤဒီးပာ်အီၤလၢအဂီၢ်ဒၣ်ဝဲလီၤ. မ့မ့ၢ်ပှၤကညီန့ၣ်မၤသံကွံာ်ဝဲခဲလၢာ်လၢနးဒီးတပာ်မူတီၢ်ဝဲနီတဂၤဘၣ်န့ၣ်လီၤ.

လံာ်စီၤယိၤၡူ 11:14 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:25

စီၤယဟိၡၤဖးဒီးအပှၤသုးဖိတဖၣ်ဟဲနုာ်လၢကဟံးန့ၢ်တၢ်ဂုာ် န့ၢ်တဖၣ်ဒီးအဝဲသ့ၣ်ထံၣ်ဘၣ်ဂီၤဘုၣ်ဂီၤဖံးအါအါဂီၢ်ဂီၢ်, တၢ်လၢပှၤသူအီၤအလီၢ်အိၣ်တဖၣ်, တၢ်ကူတၢ်ကၤဒီးတၢ်ပီးတၢ်လီလုၢ်ဒိၣ်ပှ့ၤဒိၣ်အဂုၤအဂၤတဖၣ်န့ၣ်လီၤ. အဝဲသ့ၣ်ထၢဖှိၣ်တၢ်ဂုာ်န့ၢ်ယံာ်ဝဲသၢသီ, ဘၣ်ဆၣ်, တၢ်အိၣ်ဝဲ ဂီၢ်မုၢ်ဂီၢ်ပၤတုၤဒၣ်လဲာ်အဝဲသ့ၣ်က့ၤစိာ်တၢ်တန့ၢ်ခဲလၢာ်ဘၣ်န့ၣ်လီၤ.

လံာ်တၢ်ဂံၢ် 31:9

ကီၢ်အံၣ်စရ့လးအပှၤဂီၢ်မုၢ်ဖီၣ်န့ၢ်ပှၤမံးဒယၣ်ဖိပိာ်မုၣ်တဖၣ် ဒီးအဖိသၣ်တဖၣ်, ဟံးန့ၢ်ကွံာ်အဝဲသ့ၣ်အဂီၤဘုၣ်ဂီၤဖံး, ဒီးအဝဲ သ့ၣ်အသိအဖုတဖၣ်, ဂုာ်န့ၢ်ကယဲၢ်အဝဲသ့ၣ်အတၢ်စုလီၢ်ခီၣ်ခိၣ်ခဲ လၢာ်,

လံာ်သိၣ်လီၤသီလီၤတၢ် 20:14

ဘၣ်ဆၣ်ဒီး, လၢသုကစၢ်ဒၣ်သုဝဲအဂီၢ်, သုဟံးန့ၢ်, ပိာ်မုၣ်တဖၣ်, ဖိသၣ်တဖၣ်, ဆၣ်ဖိကီၢ်ဖိအဒၢဒီးတၢ်အဂၤခဲလၢာ် လၢဝ့ၢ်ပူၤသ့ဝဲလီၤ. တၢ်လၢအဘၣ်ဃးဒီးသုဒုၣ်သုဒါတဖၣ်ခဲလၢာ်န့ၣ်, သုသူအီၤသ့ဝဲလီၤ. ယွၤဟ့ၣ်လီၤတၢ်န့ၣ်ဆူသုစုပူၤလီၤ.

လံာ်သိၣ်လီၤသီလီၤတၢ် 20:16

မ့မ့ၢ်, တုၤသုမၤန့ၢ်ဝ့ၢ်တဖၣ်လၢအအိၣ်ဝဲလၢထံကီၢ်လၢယွၤ, သုကစၢ်ယွၤကဟ့ၣ်လီၤသုအပူၤန့ၣ်, မၤသံကွံာ်ပှၤခဲလၢာ်တက့ၢ်.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 11:11

အဝဲသ့ၣ်ကျီသံကွံာ်ပှၤဖဲန့ၣ်ခဲလၢာ်လၢနးန့ၣ်လီၤ. ပှၤအိၣ်မူတီၢ်တအိၣ်နီတဂၤဘၣ်ဒီးဘၣ်တၢ်ဒွဲၣ်အူထီၣ်အီၤလၢ မ့ၣ်အူန့ၣ်လီၤ.

လံာ်စီၤယိၤၡူ 11:13

ဘၣ်ဆၣ်ဒီးပှၤအံၣ်စရ့လးဖိတဖၣ်တဒွဲၣ်အူထီၣ်ဝ့ၢ်တဖၣ်လၢ အဘၣ်တၢ်သူၣ်ထီၣ်အီၤလၢတၢ်စိခိၣ်န့ၣ်ဘၣ်. စီၤယိၤၡူဒွဲၣ်ဒၣ်ထဲဝ့ၢ်ဃါစိၢ်တဖျၢၣ်ဧိၤန့ၣ်လီၤ.

လံာ်စီၤယိၤၡူ 11:15

ဒ်ယွၤမၤလိာ်တ့ၢ်အခ့အပှၤစီၤမိၤၡ့အသိး, စီၤမိၤၡ့မၤလိာ်တ့ၢ်စီၤယိၤၡူဒီးစီၤယိၤၡူမၤဝဲဒ်န့ၣ်အသိးလီၤ. တၢ်လၢယွၤမၤလိာ်တ့ၢ်စီၤမိၤၡ့ခဲလၢာ်န့ၣ်, အဝဲတပာ်လီၤတဲာ်ဝဲနီတမံၤဘၣ်.

လံာ်စီၤယိၤၡူ 8:2

နကဘၣ်မၤဝ့ၢ်ဂဲဒီးအစီၤပၤဒ်နမၤဝ့ၢ်ယရံၤဃိဒီးအစီၤ ပၤအသိးန့ၣ်လီၤ. ဘၣ်ဆၣ်ဒီးတဘျီအံၤသုကဟံးန့ၢ်အတၢ်ဖိတၢ်လံၤဒီးအဆၣ်ဖိကီၢ် ဖိတဖၣ်လၢသုဂီၢ်ဒၣ်သုဝဲန့ၣ်လီၤ. ကတဲာ်ကတီၤသုသးလၢတၢ်ခူသူၣ်အပူၤလၢသုကဒုးဝ့ၢ်အံၤလၢအလီၢ် ခံတက့ၢ်.”

လံာ်စီၤယိၤၡူ 8:27

ပှၤအံၣ်စရ့လးဖိဟံးန့ၢ်ဆၣ်ဖိကီၢ်ဖိဒီးတၢ်ဖိတၢ်လံၤတဖၣ်လၢ အမၤန့ၢ်ဝဲလၢဝ့ၢ်ပူၤလၢအဂီၢ်ဒၣ်ဝဲဒ်ယွၤစံးဘၣ်စီၤယိၤၡူအသိးန့ၣ်လီၤ.