လံာ်စီၤယိၤၡူ 11:12 - Sgaw Karen Common Bible

¹² စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 11:12 Iomraidhean Croise

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်စီၤယိၤၡူ 10:20

စီၤယိၤၡူဒီးပှၤအံၣ်စရ့လးဖိတဖၣ်မၤသံကွံာ်အဝဲသ့ၣ်ဘူးကလၢာ်, ဘၣ်ဆၣ်အဝဲသ့ၣ်အကျါတနီၤထံၣ်တၢ်ပူၤဖျဲးအလီၢ်ဖဲအက့ၤတုၤလၢ အဝ့ၢ်ခိၣ်ဒူတဖၣ်အပူၤန့ၣ်ဒီးတဘၣ်တၢ်မၤသံအီၤဘၣ်န့ၣ်လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:30

ဒီးယွၤဟ့ၣ်လီၤစ့ၢ်ကီးဝ့ၢ်လံးဘနၤဒီးအစီၤပၤဆူပှၤအံၣ်စရ့လးဖိအစု ပူၤန့ၣ်လီၤ. အဝဲသ့ၣ်တဒုးပူၤဖျဲးပှၤနီတဂၤဘၣ်ဒီးမၤသံပှၤခဲ လၢာ်လၢဝ့ၢ်ပူၤန့ၣ်လီၤ. ဒ်အဝဲသ့ၣ်မၤတ့ၢ်ဝ့ၢ်ယရံၤဃိအစီၤပၤအသိး, မၤဝ့ၢ်လံးဘနၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:32

ဒီးယွၤဟ့ၣ်လီၤဝ့ၢ်လၤကံၣ်ဆူပှၤအံၣ်စရ့လးဖိအစုပူၤ ဒီးမၤန့ၢ်မၤနၢၤဝဲလၢတၢ်ဒုးခံသီ တသီန့ၣ်လီၤ. ဒ်အဝဲသ့ၣ်မၤတ့ၢ်ဝဲလၢဝ့ၢ်လံးဘနၤအသိး, တဒုးပူၤဖျဲးပှၤနီတဂၤဘၣ်ဒီးမၤသံပှၤခဲလၢာ်လၢဝ့ၢ်ပူၤန့ၣ်လီၤ.

လံာ်စီၤယိၤၡူ 10:35

တနံၤဃီအဝဲသ့ၣ်မၤန့ၢ်ဝ့ၢ်န့ၣ်ဒီးမၤသံပှၤဖဲန့ၣ်ကိးဂၤဒဲး, ဒ်အမၤတ့ၢ်ဝဲလၢဝ့ၢ်လၤကံၣ်အသိးန့ၣ်လီၤ.

လံာ်စီၤယိၤၡူ 10:37

ဒီးမၤန့ၢ်အီၤ, ဒီးကျီသံကွံာ်စီၤပၤဒီးပှၤကိးဂၤဒဲးလၢအအိၣ်လၢဝ့ၢ်ပူၤ ဃုာ်ဒီးဝ့ၢ်လၢအဘူးအတံၢ်တဖၣ်န့ၣ်လီၤ. အဝဲမၤဟးဂီၤဝ့ၢ်အံၤလၢာ်လၢာ်ဆ့ဆ့ဒ်အမၤတ့ၢ်ဝဲလၢဝ့ၢ် ဧ့းကလိၣ်အသိးန့ၣ်လီၤ. ပှၤတအိၣ်မူတီၢ်လၢဝ့ၢ်ပူၤနီတဂၤဘၣ်.

လံာ်စီၤယိၤၡူ 11:13

ဘၣ်ဆၣ်ဒီးပှၤအံၣ်စရ့လးဖိတဖၣ်တဒွဲၣ်အူထီၣ်ဝ့ၢ်တဖၣ်လၢ အဘၣ်တၢ်သူၣ်ထီၣ်အီၤလၢတၢ်စိခိၣ်န့ၣ်ဘၣ်. စီၤယိၤၡူဒွဲၣ်ဒၣ်ထဲဝ့ၢ်ဃါစိၢ်တဖျၢၣ်ဧိၤန့ၣ်လီၤ.

လံာ်စီၤယိၤၡူ 11:15

ဒ်ယွၤမၤလိာ်တ့ၢ်အခ့အပှၤစီၤမိၤၡ့အသိး, စီၤမိၤၡ့မၤလိာ်တ့ၢ်စီၤယိၤၡူဒီးစီၤယိၤၡူမၤဝဲဒ်န့ၣ်အသိးလီၤ. တၢ်လၢယွၤမၤလိာ်တ့ၢ်စီၤမိၤၡ့ခဲလၢာ်န့ၣ်, အဝဲတပာ်လီၤတဲာ်ဝဲနီတမံၤဘၣ်.

လံာ်စီၤယိၤၡူ 13:6

အဝဲအံၤပၣ်ဃုာ်ဒီးပှၤစံဒိၣ်ဖိအကီၢ်ခဲလၢာ်, ပှၤစံဒိၣ်ဖိလၢအအိၣ်လၢကစၢၢ်ကလိလၢလဘၤနိၣ်ဒီး မံးစြဖိးမၤယံၣ်အဘၢၣ်စၢၤန့ၣ်လီၤ. ယကဟီထီၣ်ကွံာ်ပှၤသ့ၣ်တဖၣ်အံၤခဲ လၢာ်ဖဲပှၤအံၣ်စရ့လးဖိတဖၣ်ဟဲထီၣ်ဝဲအခါန့ၣ်လီၤ. နကဘၣ်နီၤဖးထံဧိၤကီၢ်ဧိၤလၢပှၤအံၣ်စရ့လးဖိတဖၣ်အကျါဒ်ယမၤ လိာ်တ့ၢ်နၤအသိးန့ၣ်လီၤ.

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

လံာ်စီၤယိၤၡူ 8:31

အဝဲမၤတၢ်အံၤဒ်ယွၤအခ့အပှၤစီၤမိၤၡ့မၤလိာ်ပှၤအံၣ်စရ့လးဖိတဖၣ်လၢစီၤမိၤၡ့အလံာ်တၢ်သိၣ်တၢ်သီအပူၤအသိးလၢအစံးဝဲ, တၢ်လုၢ်လီၢ်လၢအဘၣ်တၢ်မၤအီၤလၢလၢၢ်တဖၣ်လၢအတဘၣ်တၢ်ဒီၣ်တဲာ် အီၤလၢထး” န့ၣ်လီၤ. ဒီးလၢတၢ်လုၢ်လီၢ်အံၤန့ၣ်အဝဲသ့ၣ်လုၢ်တၢ်လုၢ်မ့ၣ် အူလၢယွၤအဂီၢ်ဒီးလုၢ်တၢ်လုၢ်မၤဃူမၤဖိးတၢ်တဖၣ်လီၤ.

လံာ်စီၤယိၤၡူ 8:8

သုဒုးန့ၢ်ဝ့ၢ်ဝံၤဒီး, ဒွဲၣ်အူထီၣ်အီၤလၢမ့ၣ်အူဒ်ယွၤမၤလိာ်တ့ၢ်သုအသိးန့ၣ်တက့ၢ်. အအံၤမ့ၢ်တၢ်မၤလိာ်တဖၣ်လၢသုဂီၢ်န့ၣ်လီၤ.”

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.