လံာ်စီၤယိၤၡူ 10:8 - Sgaw Karen Common Bible

⁸ ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. ယဟ့ၣ်လီၤတ့ၢ်နၤတၢ်မၤနၢၤလံ. ပှၤလၢအဆၢထၢၣ်ထီဒါနၤသ့တအိၣ်နီတဂၤဘၣ်.”

လံာ်စီၤယိၤၡူ 10:8 Iomraidhean Croise

လံာ်စီၤပၤအခီၣ်ထံးတဘ့ၣ် 20:13

အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 3:2

ဘၣ်ဆၣ်ဒီးယွၤစံးဘၣ်ယၤ, ပျံၤအီၤတဂ့ၤ. ယကဟ့ၣ်လီၤအီၤ, အပှၤတဖၣ်, ဒီးကယဲၢ်အလီၢ်ကဝီၤခဲလၢာ်ဆူနအိၣ်န့ၣ်လီၤ. မၤအီၤတမံၤဃီဒ်နမၤဘၣ်တ့ၢ်ပှၤဧၣ်မိၣ်ဖိတဖၣ်အစီၤပၤလၢအပၢ တၢ်လၢဝ့ၢ်ဃ့ၡဘိၣ်, စီၤစံဃိၣ်, အသိးန့ၣ်တက့ၢ်.

လံာ်သိၣ်လီၤသီလီၤတၢ် 7:24

အဝဲကဟ့ၣ်လီၤကွံာ်အဝဲသ့ၣ်အစီၤပၤတဖၣ်ဆူသုစုပူၤန့ၣ်လီၤ. သုကမၤသံကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်သးပ့ၤနီၣ်ကွံာ် အီၤန့ၣ်လီၤ. ပှၤမၤတံာ်တာ်သုတသ့ဘၣ်နီတဂၤဘၣ်. သုကမၤဟးဂီၤကွံာ်ပှၤကိးဂၤဒဲးန့ၣ်လီၤ.

လံာ်စီၤယိၤၡူ 10:25

ဝံၤဒီးစီၤယိၤၡူစံးဘၣ်အသုးခိၣ်တဖၣ်, “တဘၣ်ပျံၤတၢ်တဂ့ၤဒီးတဘၣ်တ့ၢ်စၢ်လီၤသုဂံၢ်သုဘါတဂ့ၤ. ပာ်ဆူၣ်သုသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, ယွၤကမၤတၢ်ဒ်သိးအံၤဒီးသုဒုၣ်သုဒါခဲလၢာ်န့ၣ်လီၤ.”

လံာ်စီၤယိၤၡူ 10:9

စီၤယိၤၡူဒီးအသုးမုၢ်ဟးထီၣ်လၢဝ့ၢ်ကံးလကၤလးဒီးလဲၤဝဲ ဒီနၤညါဆူဝ့ၢ်ကံးဘိၣ်ဒီးသတူၢ်ကလာ်ဒုးပှၤအမိၢ်ဖိတဖၣ်န့ၣ်လီၤ.

လံာ်စီၤယိၤၡူ 11:6

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. အဂ့ၢ်မ့ၢ်လၢခဲမုၢ်ဆ့ၣ်ဒ်သိးအံၤအဆၢကတီၢ်န့ၣ်ယကမၤသံအဝဲ သ့ၣ်ခဲလၢာ်ဒီးဟ့ၣ်လီၤအီၤလၢအံၣ်စရ့လးအစုပူၤအဃိန့ၣ် လီၤ. သုကဘၣ်ကျီတဲာ်အကသ့ၣ်တဖၣ်အခီၣ်ထူၣ်ဒီးဒွဲၣ်အူ ထီၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.”

လံာ်စီၤယိၤၡူ 8:1

ယွၤစံးဘၣ်စီၤယိၤၡူ, “ဟံးန့ၢ်ပှၤသုးဖိခဲလၢာ်ဒီးနၤဒီးလဲၤထီၣ်ဆူဝ့ၢ်ဂဲတ က့ၢ်. တဘၣ်ပျံၤတၢ်တဂ့ၤ, တဘၣ်သးဟးဂီၤတဂ့ၤ. ယကဟ့ၣ်နၤတၢ်မၤနၢၤလၢဝ့ၢ်ဂဲအစီၤပၤအဖီ ခိၣ်န့ၣ်လီၤ. အပှၤဂီၢ်မုၢ်, အဝ့ၢ်ဒီးအကီၢ်ကကဲထီၣ်နတၢ်လီၤ.

လံာ်ပှၤစံၣ်ညီၣ်ကွီၢ် 6:16

ဒီးယွၤစံးဆၢဝဲ, “နမၤတၢ်တမံၤန့ၣ်သ့, မ့ၢ်လၢယမၤစၢၤနၤအဃိန့ၣ်လီၤ. နကတီၢ်သဘှံးပှၤမံးဒယၣ်ဖိတဖၣ်ညီညီဒ်အဝဲသ့ၣ်မ့ၢ်ပှၤတဂၤဧိၤ အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 7:9

လၢမုၢ်နၤအဝဲန့ၣ်ကစၢ်ယွၤမၤလိာ်စီၤကံးဒဧိၣ်စံးဝဲ, “ဂဲၤဆၢထၢၣ်ဒီးလဲၤဒုးပှၤသူၣ်ဒဲအလီၢ်န့ၣ်တက့ၢ်. ယကဟ့ၣ်လီၤနၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:47

ဒီးပှၤအိၣ်ဖဲအံၤကိးဂၤကထံၣ်ဝဲလၢယွၤတလိၣ်ဘၣ်နးတဖၣ်မ့ၢ် ဂ့ၤဘီတဖၣ်မ့ၢ်ဂ့ၤလၢကအုၣ်က့ၤခီၣ်က့ၤအပှၤဂီၢ်မုၢ်အဂီၢ်ဘၣ် န့ၣ်လီၤ. အဝဲမၤန့ၢ်မၤနၢၤတၢ်လၢတၢ်ဒုးတၢ်ယၤအပူၤ, ဒီးအဝဲကပာ်လီၤသုလၢပစိကမီၤအဖီလာ်လီၤ.”