လံာ်စီၤယိၤၡူ 10:5 - Sgaw Karen Common Bible

⁵ အန့ၣ်ဒီး, ပှၤအမိၢ်ဖိအစီၤပၤယဲၢ်ဂၤလၢအမ့ၢ်ဝဲစီၤပၤတဖၣ်လၢဝ့ၢ် ယရူၤၡလ့ၣ်, ဃ့ဘြိၣ်, ယၢ်မူသး, လၤကံၣ်ဒီးဧ့းကလိၣ်ပာ်ဖှိၣ်အသုးမုၢ်တဖၣ်, ကဝီၤဃာ်ဝ့ၢ်ကံးဘိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 10:5 Iomraidhean Croise

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်ယံးရမံယၤ 34:7

ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

လံာ်တၢ်ဂံၢ် 13:29

ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

လံာ်စီၤယိၤၡူ 10:16

ပှၤအမိၢ်ဖိအစီၤပၤယဲၢ်ဂၤထွး ထီၣ်ဃ့ၢ်ဝဲဒီးအိၣ်ခူသူၣ်ဝဲလၢတၢ်ကအိပူၤဖဲဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:6

ဒီးပှၤကံးဘိၣ်ဖိတဖၣ်ဆှၢလီၤတၢ် ကစီၣ်ဆူစီၤယိၤၡူလၢအသူၣ်ဒဲလၢဝ့ၢ်ကံးလကၤလးအအိၣ်ဒီးစံး ဝဲ, “တဘၣ်ပာ်တီၢ်ပှၤတဂ့ၤ. ဟဲတဘျီဃီဒီးမၤစၢၤပှၤတက့ၢ်. ဟဲမၤပူၤဖျဲးပှၤလၢပှၤအမိၢ်ဖိအစီၤပၤလၢအအိၣ်လၢကစၢၢ်ခံကလိ လိၤလၢအပာ်ဖှိၣ်အသးဒီးဒုးတၢ်ဒီးပှၤတဖၣ်အစုပူၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:14

ဝ့ၢ်ကိးဝ့ၢ်ဒဲးလၢပှၤဖလ့ၡသးဖိတဖၣ်ဒုးန့ၢ်တ့ၢ်ဝဲလၢဝ့ၢ် ဧ့ကြိၣ်ဒီးဝ့ၢ်ကၤသးအဘၢၣ်စၢၤတဖၣ်ဘၣ်တၢ်ဟ့ၣ်က့ၤအီၤဆူကီၢ် အံၣ်စရ့လး, ဒီးလၢတၢ်န့ၣ်အဃိကီၢ်အံၣ်စရ့လးမၤန့ၢ်က့ၤကယဲၢ်အထံအကီၢ်အလီၢ်အကျဲလီၤ. ဒီးတၢ်ဃူတၢ်ဖိးအိၣ်ဝဲစ့ၢ်ကီးလၢပှၤ အံၣ်စရ့လးဖိတဖၣ်ဒီးပှၤကနၤဧၣ်ဖိတဖၣ်အဘၢၣ်စၢၤန့ၣ်လီၤ.