လံာ်စီၤယိၤၡူ 10:42 - Sgaw Karen Common Bible

⁴² ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 10:42 Iomraidhean Croise

စံးထီၣ်ပတြၢၤ 118:6

ယွၤအိၣ်ဒီးယၤဒီးယတပျံၤဘၣ်တၢ်ဘၣ်. ပှၤကညီမၤယၤကသ့မနုၤလဲၣ်.

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 80:3

ကစၢ်ယွၤဧၢ, ဒုးဟဲက့ၤပှၤ, ဒုးနဲၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

လံာ်တၢ်ဟးထီၣ်ကွံာ် 14:14

ယွၤကဒုးတၢ်လၢသုဂီၢ်ဒီးဖဲန့ၣ်အလီၢ်တအိၣ်လၢသုကမၤတၢ်နီ တမံၤဘၣ်.”

လံာ်တၢ်ဟးထီၣ်ကွံာ် 14:25

ယွၤမၤကတံာ်ကွံာ်အဝဲသ့ၣ်အလ့ၣ်ကဟၣ်အပၣ်တဖၣ်ဒ်သိးကသုးအသးအိၣ် ဒီးတၢ်ကီတၢ်ခဲဖးဒိၣ်န့ၣ်လီၤ. ပှၤအဲၤကူပတူးဖိတဖၣ်စံးဝဲ, “ယွၤဒုးတၢ်လၢပှၤအံၣ်စရ့လးဖိတဖၣ်အဂီၢ်ထီဒါပှၤလီၤ. မ်ပဟးထီၣ်ကွံာ်လၢတၢ်လီၢ်ဖဲအံၤတက့ၢ်.”

လံာ်ယၡါယၤ 43:4

ယကဟ့ၣ်လီၤကွံာ်ပှၤဒီကလုာ်ခဲလၢာ်ခဲဆ့လၢတၢ်အုၣ်က့ၤခီၣ်က့ၤ နသးသမူအဂီၢ်လီၤ. အဂ့ၢ်ဒ်အံၤ, နမ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်, ဒီးမ့ၢ်စ့ၢ်ကီးလၢယအဲၣ်နၤဒီးဟ့ၣ်နၤတၢ်လၤကပီၤအဃိန့ၣ် လီၤ.

လံာ်သိၣ်လီၤသီလီၤတၢ် 20:4

ယွၤ, သုကစၢ်ယွၤကလဲၤဃုာ်ဒီးသုဒီးကဟ့ၣ်သုတၢ်မၤနၢၤန့ၣ် လီၤ.

လံာ်စီၤယိၤၡူ 10:14

မုၢ်နံၤဒ်သိးအံၤလၢသီမ့ၢ်ဂ့ၤ, လၢခံမ့ၢ်ဂ့ၤတအိၣ်နီတဘျီဘၣ်. အဂ့ၢ်ဒ်အံၤယွၤဒိကနၣ်ပှၤကညီအကလုၢ်ဒီးဒုးတၢ်လၢပှၤအံၣ်စရ့လးဖိအဂီၢ် န့ၣ်လီၤ.

လံာ်စီၤယိၤၡူ 10:43

တၢ်အံၤဝံၤဒီး, စီၤယိၤၡူဒီးအသုးမုၢ်က့ၤကဒါက့ၤဆူသူၣ်ဒဲအလီၢ်လၢ ဝ့ၢ်ကံးလကၤလးန့ၣ်လီၤ.