လံာ်စီၤယိၤၡူ 10:40 - Sgaw Karen Common Bible

⁴⁰ စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 10:40 Iomraidhean Croise

လံာ်စီၤပၤအခီၣ်ထံးတဘ့ၣ် 15:29

တဘျီဃီန့ၣ်, အဝဲစးထီၣ်တၢ်မၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်န့ၣ်လီၤ. ဒ်တၢ်လၢယွၤစံးတ့ၢ်ဝဲခီဖျိ အခ့အပှၤ, ပှၤၡံလိၤဖိဝံအဃံယၤအသိးန့ၣ်, ကယဲၢ်စီၤယၤရၤဘၣ်အပှၤဟံၣ်ဖိဃီဖိခဲလၢာ်ဘၣ်တၢ်မၤသံကွံာ် အီၤန့ၣ်လီၤ. ပှၤတအိၣ်လီၤတဲာ်တ့ၢ်နီတဂၤဘၣ်.

လံာ်စီၤနဃ့မယၤ 9:24

အဝဲသ့ၣ်မၤနၢၤကွံာ်ကီၢ်ကနၤဧၣ်ဒီးနမၤနၢၤကွံာ် ပှၤအိၣ်ဖဲန့ၣ်တဖၣ်န့ၣ်လီၤ. နဟ့ၣ်နပှၤဂီၢ်မုၢ်လၢတၢ်စိတၢ်ကမီၤလၢကမၤ ကီၢ်ကနၤဧၣ်အပှၤဂီၢ်မုၢ်ဒီးအစီၤပၤတဖၣ် ဒ်အသးဒၣ်ဝဲအသိးန့ၣ်လီၤ.

စံးထီၣ်ပတြၢၤ 9:17

ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

လံာ်တၢ်ဟးထီၣ်ကွံာ် 34:12

မၤတၢ်အၢၣ်လီၤအီလီၤဒီးပှၤဂီၢ်မုၢ်လၢသုလဲၤနုာ်ဆူအထံအကီၢ်ပူၤန့ၣ်နီတမံၤတဂ့ၤ. အဂ့ၢ်ဒ်အံၤ, တၢ်န့ၣ်ကဲထီၣ်တၢ်သံအပျံၤသကွီၤလၢသုဂီၢ်သ့ဝဲဒၣ်လီၤ.

လံာ်တၢ်ဂံၢ် 13:17

ဖဲစီၤမိၤၡ့ဆှၢလီၤအဝဲသ့ၣ်န့ၣ်အဝဲစံးဘၣ်အဝဲသ့ၣ်, “လဲၤတၢ်ဖဲအံၤဆူကလံၤစိးတခီတုၤဆူကီၢ်ကနၤဧၣ်န့ၣ် အကလံၤထံးအပူၤဝံၤဒီး, လဲၤဆူကီၢ်အိၣ်လၢတၢ်လူၢ်ခိၣ်တဖၣ်အဒီခိၣ်တက့ၢ်.

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 2:34

တကတီၢ်ဃီန့ၣ် ပဂုာ်န့ၢ်ဒီး မၤဟးဂီၤကွံာ်ကယဲၢ်ဝ့ၢ်ခဲလၢာ်ဒီး မၤသံကွံာ်ပှၤပိာ်ခွါတဖၣ်, ပှၤပိာ်မုၣ်တဖၣ်ဒီး ဖိသၣ်တဖၣ်ကိးဂၤဒဲးန့ၣ်လီၤ. ပတပျဲပှၤအိၣ်မူလီၤတဲာ်နီတဂၤဘၣ်.

လံာ်သိၣ်လီၤသီလီၤတၢ် 7:24

အဝဲကဟ့ၣ်လီၤကွံာ်အဝဲသ့ၣ်အစီၤပၤတဖၣ်ဆူသုစုပူၤန့ၣ်လီၤ. သုကမၤသံကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်သးပ့ၤနီၣ်ကွံာ် အီၤန့ၣ်လီၤ. ပှၤမၤတံာ်တာ်သုတသ့ဘၣ်နီတဂၤဘၣ်. သုကမၤဟးဂီၤကွံာ်ပှၤကိးဂၤဒဲးန့ၣ်လီၤ.

လံာ်စီၤယိၤၡူ 10:35

တနံၤဃီအဝဲသ့ၣ်မၤန့ၢ်ဝ့ၢ်န့ၣ်ဒီးမၤသံပှၤဖဲန့ၣ်ကိးဂၤဒဲး, ဒ်အမၤတ့ၢ်ဝဲလၢဝ့ၢ်လၤကံၣ်အသိးန့ၣ်လီၤ.

လံာ်စီၤယိၤၡူ 10:37

ဒီးမၤန့ၢ်အီၤ, ဒီးကျီသံကွံာ်စီၤပၤဒီးပှၤကိးဂၤဒဲးလၢအအိၣ်လၢဝ့ၢ်ပူၤ ဃုာ်ဒီးဝ့ၢ်လၢအဘူးအတံၢ်တဖၣ်န့ၣ်လီၤ. အဝဲမၤဟးဂီၤဝ့ၢ်အံၤလၢာ်လၢာ်ဆ့ဆ့ဒ်အမၤတ့ၢ်ဝဲလၢဝ့ၢ် ဧ့းကလိၣ်အသိးန့ၣ်လီၤ. ပှၤတအိၣ်မူတီၢ်လၢဝ့ၢ်ပူၤနီတဂၤဘၣ်.

လံာ်စီၤယိၤၡူ 10:39

ဒီးမၤန့ၢ်အီၤဃုာ်ဒီးအစီၤပၤဒီးဝ့ၢ်လၢအဘူးအတံၢ်တဖၣ်ခဲလၢာ်န့ၣ်လီၤ. အဝဲသ့ၣ်မၤသံပှၤဖဲန့ၣ်ခဲလၢာ်လီၤ. စီၤယိၤၡူမၤဘၣ်ပှၤဝ့ၢ်ဒဘံၢ်ဖိဒီး အစီၤပၤဒ်အမၤဘၣ်တ့ၢ်ဝ့ၢ်ဃ့ဘြိၣ်ဒီးဝ့ၢ်လံးဘနၤအစီၤပၤအသိးန့ၣ်လီၤ.

လံာ်စီၤယိၤၡူ 11:16

စီၤယိၤၡူမၤန့ၢ်ကီၢ်ခဲလၢာ်, ကီၢ်လၢကစၢၢ်ကလိအလိၤဒီးအဂံၢ်ထံးတဖၣ်, ကီၢ်လၢကလံၤစိးဒီးကလံၤထံး, ကိၡ့ၣ်ဒီကီၢ်ညါဒီးကီၢ်လၢအဃ့ထီလၢအကလံၤထံး, ဃုာ်ဒီးထံကျိယၢ်ဒ့ၣ်အတၢ်ပၢၤခိၣ်န့ၣ်လီၤ.

လံာ်စီၤယိၤၡူ 12:8

တၢ်နီၤလီၤအံၤမ့ၢ်ဝဲကစၢၢ်ကလိအကီၢ်, မုၢ်နုာ်ကစၢၢ်ဂံၢ်ထံးတဖၣ်, ထံကျိယၢ်ဒ့ၣ်အတၢ်ပၢၤခိၣ်ဒီး အကစၢၢ်ဂံၢ်ထံးတဖၣ်မုၢ်ထီၣ်အတၢ်ပၤလီၤတဖၣ်, ဒီးကီၢ်လၢအဃ့ထီလၢကလံၤထံးန့ၣ်လီၤ. ကီၢ်အံၤမ့ၢ်တ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိအလီၢ်အိၣ်လီၢ်ဆိးန့ၣ်လီၤ.

လံာ်စီၤယိၤၡူ 18:21

ဝ့ၢ်တဖၣ်လၢအဘၣ်ဃးဒီးဘံၣ်ယၤမံၣ်အဒူၣ်, ဒ်အဒူၣ်ဖိထၢဖိ အိၣ်ဝဲအသိးန့ၣ်မ့ၢ်ဝဲ, ယရံၤဃိ, ဘ့ၤသဃါကလၤ, ဧ့မဲးကစံး,

လံာ်စီၤယိၤၡူ 6:17

ဝ့ၢ်ဒီးကယဲၢ်မ့ၢ်တၢ်လၢအအိၣ်လၢအပူၤခဲလၢာ်ကဘၣ်တၢ်မၤဟးဂီၤ ကွံာ်အီၤဒ်အမ့ၢ်တၢ်လုၢ်မၤဘူၣ်လၢယွၤအဂီၢ်န့ၣ်လီၤ. ထဲဒၣ်ပှၤဃဲသဲမုၣ်နီၢ်ရၤဃးဒီးပှၤလၢအအိၣ်ဒီးအီၤခဲ လၢာ်လၢအဟံၣ်ပူၤကမူဝဲ, မ့ၢ်လၢအဝဲပာ် ခူသူၣ်ပပှၤကွၢ်ဟုၣ်ကွၢ်စုးတၢ်တဖၣ်လၢပမၢလီၤအီၤအဃိန့ၣ် လီၤ.

လံာ်စီၤယိၤၡူ 8:2

နကဘၣ်မၤဝ့ၢ်ဂဲဒီးအစီၤပၤဒ်နမၤဝ့ၢ်ယရံၤဃိဒီးအစီၤ ပၤအသိးန့ၣ်လီၤ. ဘၣ်ဆၣ်ဒီးတဘျီအံၤသုကဟံးန့ၢ်အတၢ်ဖိတၢ်လံၤဒီးအဆၣ်ဖိကီၢ် ဖိတဖၣ်လၢသုဂီၢ်ဒၣ်သုဝဲန့ၣ်လီၤ. ကတဲာ်ကတီၤသုသးလၢတၢ်ခူသူၣ်အပူၤလၢသုကဒုးဝ့ၢ်အံၤလၢအလီၢ် ခံတက့ၢ်.”

လံာ်စီၤယိၤၡူ 8:27

ပှၤအံၣ်စရ့လးဖိဟံးန့ၢ်ဆၣ်ဖိကီၢ်ဖိဒီးတၢ်ဖိတၢ်လံၤတဖၣ်လၢ အမၤန့ၢ်ဝဲလၢဝ့ၢ်ပူၤလၢအဂီၢ်ဒၣ်ဝဲဒ်ယွၤစံးဘၣ်စီၤယိၤၡူအသိးန့ၣ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.