လံာ်စီၤယိၤၡူ 10:4 - Sgaw Karen Common Bible

⁴ “ဟဲဒီးမၤစၢၤယၤဒ်သိးပကဒုးပှၤကံးဘိၣ်ဖိမ့ၢ်လၢအမၤ တၢ်ဃူတၢ်ဖိးဒီးစီၤယိၤၡူဒီးပှၤအံၣ်စရ့လးဖိတဖၣ်အဃိတက့ၢ်.”

လံာ်စီၤယိၤၡူ 10:4 Iomraidhean Croise

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်ယိၤဟၣ် 15:19

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.

မၤတၢ် 21:28

အဝဲသ့ၣ်ကိးထီၣ်ဝဲ, “အံၣ်စရ့လးဖိသ့ၣ်ဧၢ, မၤစၢၤပှၤတက့ၢ်. ပှၤတဂၤအံၤမ့ၢ်ပှၤတဂၤဃီလၢအလဲၤသကုၤဆးဒးဒီးသိၣ်လိပှၤ ကိးဂၤဒဲးတၢ်လၢအထီဒါပှၤအံၣ်စရ့လးဖိ, စီၤမိၤၡ့အတၢ်သိၣ်တၢ်သီ, ဒီးတၢ်လုၢ်ဟံၣ်တဖျၢၣ်အံၤန့ၣ်လီၤ. ဒီးခဲကနံၣ်အံၤ, အဝဲဟဲကိးဃုာ်ဒၣ်လဲာ်ပှၤကလုာ်ဂၤတနီၤဆူတၢ်လုၢ်ဟံၣ်တဖျၢၣ် အံၤအပူၤ, ဒီးမၤဘၣ်အၢတၢ်လီၢ်စီဆှံအဝဲအံၤန့ၣ်လံ.”

၂ တံၤမသ့း 3:12

ပှၤကိးဂၤဒဲးလၢအသးအိၣ်အိၣ်မူတၢ်အဲၣ်ထူအဲၣ်ယွၤ အတၢ်အိၣ်မူလၢယ့ၣ်ၡူးခရံာ်အပူၤန့ၣ်, ကဘၣ်တၢ်မၤအၢမၤနးအီၤလီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

လံာ်စီၤယိၤၡူ 10:1

တုၤဝ့ၢ်ယရူၤၡလ့ၣ်အစီၤပၤအဒိၤနံၤစ့ဒ့းနၢ်ဟူဝဲလၢစီၤယိၤၡူ မၤန့ၢ်ဒီးမၤဟးဂီၤဝ့ၢ်ဂဲလၢာ်လၢာ်ဆ့ဆ့ဒီးမၤသံအစီၤပၤဒ်အ မၤတ့ၢ်ဝဲလၢဝ့ၢ်ယရံၤဃိဒီးအစီၤပၤအသိး, ဒီးပှၤကံးဘိၣ်ဖိ တဖၣ်မၤဃူမၤဖိးအသးဒီးပှၤ အံၣ်စရ့လးဖိတဖၣ်ဒီးအိၣ်ဆိးလၢအဝဲသ့ၣ်အကျါလံန့ၣ်,

လံာ်စီၤယိၤၡူ 10:5

အန့ၣ်ဒီး, ပှၤအမိၢ်ဖိအစီၤပၤယဲၢ်ဂၤလၢအမ့ၢ်ဝဲစီၤပၤတဖၣ်လၢဝ့ၢ် ယရူၤၡလ့ၣ်, ဃ့ဘြိၣ်, ယၢ်မူသး, လၤကံၣ်ဒီးဧ့းကလိၣ်ပာ်ဖှိၣ်အသုးမုၢ်တဖၣ်, ကဝီၤဃာ်ဝ့ၢ်ကံးဘိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 9:15

ဒီးစီၤယိၤၡူမၤတၢ်ဃူတၢ်ဖိးအတၢ်အၢၣ်လီၤအီလီၤဒီးအဝဲ သ့ၣ်လၢအကပျဲအဝဲသ့ၣ်အိၣ်မူအဂီၢ်န့ၣ်လီၤ. ဒီးပှၤအံၣ်စရ့လးဖိအခိၣ်အနၢ်တဖၣ်ဆိၣ်လီၤအသးလၢအကဟံးဃာ် ဂၢၢ်ကျၢၤတၢ်အၢၣ်လီၤအီလီၤအံၤန့ၣ်လီၤ.

၁ ပ့းတရူး 4:4

သတးဒီးခဲအံၤ, ပှၤတသ့ၣ်ညါယွၤတဖၣ်ကမၢကမၣ်ဝဲဒၣ်လၢ သုတမၤဃုာ်ဒီးအဝဲသ့ၣ်လၢအတၢ်အိၣ်မူအရၢၢ်အစၢၢ်, ဒီးအတၢ်တပလီၢ်အသးအပူၤ, ဒီးလၢတၢ်န့ၣ်အဃိအဝဲသ့ၣ်ဒုၣ်ဒွဲၣ်စံးအၢသုန့ၣ်လီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.