လံာ်စီၤယိၤၡူ 10:39 - Sgaw Karen Common Bible

³⁹ ဒီးမၤန့ၢ်အီၤဃုာ်ဒီးအစီၤပၤဒီးဝ့ၢ်လၢအဘူးအတံၢ်တဖၣ်ခဲလၢာ်န့ၣ်လီၤ. အဝဲသ့ၣ်မၤသံပှၤဖဲန့ၣ်ခဲလၢာ်လီၤ. စီၤယိၤၡူမၤဘၣ်ပှၤဝ့ၢ်ဒဘံၢ်ဖိဒီး အစီၤပၤဒ်အမၤဘၣ်တ့ၢ်ဝ့ၢ်ဃ့ဘြိၣ်ဒီးဝ့ၢ်လံးဘနၤအစီၤပၤအသိးန့ၣ်လီၤ.

လံာ်စီၤယိၤၡူ 10:39 Iomraidhean Croise

လံာ်စီၤပၤခံဘ့ၣ်တဘ့ၣ် 10:11

ဝံၤဒီးစီၤယ့ၤဟူမၤသံကွံာ်ကယဲၢ်စီၤအၤဃာ်အဘူးအတံၢ်အဂၤ ခဲလၢာ်လၢအအိၣ်ဆိးလၢဝ့ၢ်ယံးစရ့လးအပူၤဒီးကယဲၢ်အပဒိၣ်ပပှၢ် ခဲလၢာ်, အတံၤသကိးဘူးဘူးတံၢ်တံၢ်တဖၣ်ဒီးအပှၤလုၢ်တၢ်အခိၣ်တဖၣ်န့ၣ် လီၤ. တပာ်လီၤတဲာ်မူဒံးအဝဲသ့ၣ်နီတဂၤဘၣ်.

လံာ်ဧိၤဘါဒယၤ 1:18

စီၤယၤကိာ်အပှၤဟံၣ်ဖိကမၤအသးဒ်မ့ၣ်အူအသိး, စီၤယိၤသးအပှၤဟံၣ်ဖိဒ်မ့ၣ်အူလၣ်အသိး, ဒီးစီၤဧ့ၡီၤအပှၤဟံၣ်ဖိဒ်လီၢ်ခိၣ်ဆၢၣ်အသိးဒီးမ့ၣ်အူကအီၣ် ကွံာ်အီၤတုၤပှၤအမူ တအိၣ်တီၢ်လၢၤဘၣ်လၢစီၤဧ့ၡီၤအပှၤဟံၣ်ဖိအကျါနီတဂၤဘၣ်န့ၣ်လီၤ. အဂ့ၢ်ဒ်အံၤယၤ, ယွၤစံးတ့ၢ်လံတၢ်လံ.

လံာ်သိၣ်လီၤသီလီၤတၢ် 3:3

မၤသးဒ်န့ၣ်ဒီး, ယွၤဟ့ၣ်လီၤကွံာ်စ့ၢ်ကီးစီၤပၤစီၤဧိာ်ဒီး အပှၤဂီၢ်မုၢ်ဆူပစုပူၤဒီးပကျီသံကွံာ်အီၤခဲလၢာ်လီၤ.

လံာ်စီၤယိၤၡူ 10:33

ဝ့ၢ်က့စံၢ်အစီၤပၤဟိရၣ်ဟဲဝဲဒ်သိးအကမၤစၢၤပှၤဝ့ၢ်လၤကံၣ်ဖိ ဘၣ်ဆၣ်ဒီးစီၤယိၤၡူကျီကွံာ်အီၤဒီးအပှၤခဲလၢာ်ဒီးတပျဲအအိၣ်တီၢ်နီတဂၤဘၣ်န့ၣ်လီၤ.

လံာ်စီၤယိၤၡူ 10:37

ဒီးမၤန့ၢ်အီၤ, ဒီးကျီသံကွံာ်စီၤပၤဒီးပှၤကိးဂၤဒဲးလၢအအိၣ်လၢဝ့ၢ်ပူၤ ဃုာ်ဒီးဝ့ၢ်လၢအဘူးအတံၢ်တဖၣ်န့ၣ်လီၤ. အဝဲမၤဟးဂီၤဝ့ၢ်အံၤလၢာ်လၢာ်ဆ့ဆ့ဒ်အမၤတ့ၢ်ဝဲလၢဝ့ၢ် ဧ့းကလိၣ်အသိးန့ၣ်လီၤ. ပှၤတအိၣ်မူတီၢ်လၢဝ့ၢ်ပူၤနီတဂၤဘၣ်.

လံာ်စီၤယိၤၡူ 10:38

ဝံၤဒီး, စီၤယိၤၡူဒီးအသုးမုၢ်ဃၣ်ကဒါက့ၤဆူဝ့ၢ်ဒဘံၢ်ဒီးဒုးအီၤန့ၣ်လီၤ.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:8

အဝဲဖီၣ်န့ၢ်မူဒံးပှၤဧမၤလ့းဖိအစီၤပၤစီၤအၤကးဒီးမၤသံ ကွံာ်ကယဲၢ်ပှၤဂီၢ်မုၢ်ခဲလၢာ်န့ၣ်လီၤ.