လံာ်စီၤယိၤၡူ 10:32 - Sgaw Karen Common Bible

³² ဒီးယွၤဟ့ၣ်လီၤဝ့ၢ်လၤကံၣ်ဆူပှၤအံၣ်စရ့လးဖိအစုပူၤ ဒီးမၤန့ၢ်မၤနၢၤဝဲလၢတၢ်ဒုးခံသီ တသီန့ၣ်လီၤ. ဒ်အဝဲသ့ၣ်မၤတ့ၢ်ဝဲလၢဝ့ၢ်လံးဘနၤအသိး, တဒုးပူၤဖျဲးပှၤနီတဂၤဘၣ်ဒီးမၤသံပှၤခဲလၢာ်လၢဝ့ၢ်ပူၤန့ၣ်လီၤ.

လံာ်စီၤယိၤၡူ 10:32 Iomraidhean Croise

လံာ်တၢ်ဟးထီၣ်ကွံာ် 17:13

လၢကျဲဒ်အံၤန့ၣ်, စီၤယိၤၡူမၤနၢၤမၤဃၣ်ကွံာ်ပှၤဧမၤလ့းဖိ တဖၣ်လၢာ်လၢာ်ဆ့ဆ့န့ၣ်လီၤ.

လံာ်ယၡါယၤ 37:8

ကီၢ်အၤၡူၢ်အသုးခိၣ်သ့ၣ်ညါထွဲဝဲလၢစီၤပၤဖးဒိၣ်ဟးထီၣ် တ့ၢ်လံလၢဝ့ၢ်လၤကံၣ်ဒီးလဲၤဒုးတၢ်ထီဒါဝ့ၢ်တံးဘနၤလၢ အအိၣ်ဘူးဖဲန့ၣ်လီၤ. အန့ၣ်ဒီး, အဝဲလဲၤဝဲဖဲန့ၣ်လၢကကတိၤသကိးတၢ်ဒီးအီၤအဂီၢ်လီၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:31

တၢ်အံၤဝံၤဒီးစီၤယိၤၡူဒီးအသုးမုၢ်လဲၤထီၣ်လၢဝ့ၢ်လံးဘနၤဆူဝ့ၢ်လၤ ကံၣ်, ကဝီၤဃာ်ဝ့ၢ်ဒီးဒုးအီၤန့ၣ်လီၤ.

လံာ်စီၤယိၤၡူ 10:33

ဝ့ၢ်က့စံၢ်အစီၤပၤဟိရၣ်ဟဲဝဲဒ်သိးအကမၤစၢၤပှၤဝ့ၢ်လၤကံၣ်ဖိ ဘၣ်ဆၣ်ဒီးစီၤယိၤၡူကျီကွံာ်အီၤဒီးအပှၤခဲလၢာ်ဒီးတပျဲအအိၣ်တီၢ်နီတဂၤဘၣ်န့ၣ်လီၤ.

လံာ်စီၤယိၤၡူ 11:12

စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.