လံာ်စီၤယိၤၡူ 10:30 - Sgaw Karen Common Bible

³⁰ ဒီးယွၤဟ့ၣ်လီၤစ့ၢ်ကီးဝ့ၢ်လံးဘနၤဒီးအစီၤပၤဆူပှၤအံၣ်စရ့လးဖိအစု ပူၤန့ၣ်လီၤ. အဝဲသ့ၣ်တဒုးပူၤဖျဲးပှၤနီတဂၤဘၣ်ဒီးမၤသံပှၤခဲ လၢာ်လၢဝ့ၢ်ပူၤန့ၣ်လီၤ. ဒ်အဝဲသ့ၣ်မၤတ့ၢ်ဝ့ၢ်ယရံၤဃိအစီၤပၤအသိး, မၤဝ့ၢ်လံးဘနၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:30 Iomraidhean Croise

လံာ်စီၤပၤခံဘ့ၣ်တဘ့ၣ် 10:11

ဝံၤဒီးစီၤယ့ၤဟူမၤသံကွံာ်ကယဲၢ်စီၤအၤဃာ်အဘူးအတံၢ်အဂၤ ခဲလၢာ်လၢအအိၣ်ဆိးလၢဝ့ၢ်ယံးစရ့လးအပူၤဒီးကယဲၢ်အပဒိၣ်ပပှၢ် ခဲလၢာ်, အတံၤသကိးဘူးဘူးတံၢ်တံၢ်တဖၣ်ဒီးအပှၤလုၢ်တၢ်အခိၣ်တဖၣ်န့ၣ် လီၤ. တပာ်လီၤတဲာ်မူဒံးအဝဲသ့ၣ်နီတဂၤဘၣ်.

လံာ်တၢ်ဂံၢ် 32:22

ဒီးဟံးန့ၢ်ကီၢ်န့ၣ်ဒ်အတၢ်စုလီၢ်ခီၣ်ခိၣ်အသိးန့ၣ်လီၤ. အန့ၣ်ဝံၤဒီးသုဟဲက့ၤသ့ဝဲလီၤ. အဂ့ၢ်ဒ်အံၤ, သုကဘၣ်မၤလၢထီၣ်ပှဲၤထီၣ်သုမူသုဒါဆူယွၤဒီး ဆူသုဒီပုၢ်ဝဲၢ်ပှၤအံၣ်စရ့လးဖိကဒဲကဒဲတဖၣ်အအိၣ်န့ၣ်လီၤ. အန့ၣ်ဒီး, ယွၤကသ့ၣ်ညါအၢၣ်လီၤလၢထံကျိယၢ်ဒ့ၣ်အမုၢ်ထီၣ်အကီၢ် အံၤမ့ၢ်သုတၢ်န့ၣ်လီၤ.

လံာ်သိၣ်လီၤသီလီၤတၢ် 2:33

ဘၣ်ဆၣ် ယွၤပကစၢ်ယွၤဒုးလီၤဘၣ်အီၤဆူ ပတၢ်စိတၢ်ကမိၤအပူၤ, ဒီးပမၤသံကွံာ်အီၤ, အဖိခွါတဖၣ်ဒီး အပှၤကညီတဖၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:29

တၢ်အံၤဝံၤဒီး, စီၤယိၤၡူဒီးအသုးမုၢ်လဲၤထီၣ်လၢဝ့ၢ်မးက့ ဒၤဆူဝ့ၢ်လံးဘနၤဒီးဒုးတၢ်ဒီးပှၤဝ့ၢ်လံးဘနၤဖိန့ၣ်လီၤ.

လံာ်စီၤယိၤၡူ 10:31

တၢ်အံၤဝံၤဒီးစီၤယိၤၡူဒီးအသုးမုၢ်လဲၤထီၣ်လၢဝ့ၢ်လံးဘနၤဆူဝ့ၢ်လၤ ကံၣ်, ကဝီၤဃာ်ဝ့ၢ်ဒီးဒုးအီၤန့ၣ်လီၤ.

လံာ်စီၤယိၤၡူ 11:12

စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 8:24

ပှၤအံၣ်စရ့လးဖိတဖၣ်မၤသံကွံာ်အဒုၣ်အဒါ ခဲလၢာ်ဖဲတၢ်လီၢ်လီၤပျီလၢအဝဲသ့ၣ်လူၤဝဲအလီၢ်န့ၣ်လီၤ. ဝံၤဒီး, အဝဲသ့ၣ်က့ၤကဒါက့ၤဆူဝ့ၢ်ဂဲဒီးမၤသံပှၤဖဲန့ၣ် ခဲလၢာ်လီၤ.

လံာ်စီၤယိၤၡူ 8:29

ဒီးအဝဲစၢသံဝ့ၢ်ဂဲအစီၤပၤလၢသ့ၣ်တထူၣ်အလိၤဒီးပာ်အစိၣ် ဒ်န့ၣ်တုၤမုၢ်ဟါလီၤန့ၣ်လီၤ. တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ်လၢအစိၣ်ကဘၣ်တၢ်သုးကွံာ် အီၤဒီးအစိၣ်ဘၣ်တၢ်ကွံာ်လီၤကွံာ်အီၤဖဲဝ့ၢ်အတြဲၤအခီၣ်ထံး ဒီးဘၣ်တၢ်မၤဘၢအီၤလၢလၢၢ်ကိၢ်လိၢ်ဖးဒိၣ်တဖၣ်ဒီးအိၣ်ဝဲတုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 9:3

ဘၣ်ဆၣ်ဒီးပှၤကံးဘိၣ်ဖိလၢအမ့ၢ် ပှၤဃံၤဝံဖိတဖၣ်နၢ်ဟူတၢ်လၢစီၤယိၤၡူမၤတ့ၢ်ဘၣ်ဝ့ၢ်ယရံၤဃိဒီးဝ့ၢ်ဂဲ,