လံာ်စီၤယိၤၡူ 10:29 - Sgaw Karen Common Bible

²⁹ တၢ်အံၤဝံၤဒီး, စီၤယိၤၡူဒီးအသုးမုၢ်လဲၤထီၣ်လၢဝ့ၢ်မးက့ ဒၤဆူဝ့ၢ်လံးဘနၤဒီးဒုးတၢ်ဒီးပှၤဝ့ၢ်လံးဘနၤဖိန့ၣ်လီၤ.

လံာ်စီၤယိၤၡူ 10:29 Iomraidhean Croise

လံာ်စီၤပၤခံဘ့ၣ်တဘ့ၣ် 19:8

ကီၢ်အၤၡူၢ်အသုးခိၣ်သ့ၣ်ညါဘၣ်ဝဲလၢစီၤပၤဖးဒိၣ်ဟးထီၣ် ကွံာ်လၢဝ့ၢ်လၤကံၣ်ဒီးဒုးတၢ်ထီဒါဝ့ၢ်အိၣ်ဘူးလၢအမ့ၢ်လံး ဘနၤန့ၣ်လီၤ. လၢတၢ်န့ၣ်အဃိ, အဝဲလဲၤဖဲန့ၣ်လၢကကူၣ်သကိးဖးသကိးအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:22

စးထီၣ်လၢန့ၣ်လံၤလံၤကီၢ်အဒိၣ်သဘျ့ထီၣ်ကွံာ်လၢယူဒၤအဖီလာ် န့ၣ်လီၤ. ဖဲတကတီၢ်ဃီအပူၤအတ့ၤန့ၣ်, ဝ့ၢ်လံးဘနၤပူထီၣ်စ့ၢ်ကီးတၢ်န့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:10

လၢန့ၣ်လံၤလံၤကီၢ်အဒိၣ်အိၣ်သဘျ့ထီၣ်ကွံာ်လၢကီၢ်ယူဒၤန့ၣ် လီၤ. တကတီၢ်ဃီအံၤ, ဝ့ၢ်လံးဘနၤစ့ၢ်ကီးပူထီၣ်ထီဒါကွံာ်တၢ်, မ့ၢ်လၢစီၤယဟိရၣ်ညိကွံာ်ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအဃိန့ၣ်လီၤ.

လံာ်ယၡါယၤ 37:8

ကီၢ်အၤၡူၢ်အသုးခိၣ်သ့ၣ်ညါထွဲဝဲလၢစီၤပၤဖးဒိၣ်ဟးထီၣ် တ့ၢ်လံလၢဝ့ၢ်လၤကံၣ်ဒီးလဲၤဒုးတၢ်ထီဒါဝ့ၢ်တံးဘနၤလၢ အအိၣ်ဘူးဖဲန့ၣ်လီၤ. အန့ၣ်ဒီး, အဝဲလဲၤဝဲဖဲန့ၣ်လၢကကတိၤသကိးတၢ်ဒီးအီၤအဂီၢ်လီၤ.

လံာ်ယံးရမံယၤ 52:1

စီၤစံးဒကံယၤအသးအိၣ် ခံဆံတနံၣ်ဖဲအဝဲကဲထီၣ် ကီၢ်ယူဒၤအစီၤပၤဒီး အဝဲပၢတ့ၢ်တၢ်လၢ ဝ့ၢ်ယရူၤၡလ့ၣ်အပူၤတဆံတနံၣ်လီၤ. အဝဲအမိၢ်အမံၤမ့ၢ်ဝဲ နီၢ်ဃမူတလး, လၢအမ့ၢ်ဝဲ စီၤယံးရမံယၤလၢ အအိၣ်ဝဲလၢဝ့ၢ်လံးဘနၤတခီအဖိမုၣ်န့ၣ်လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:30

ဒီးယွၤဟ့ၣ်လီၤစ့ၢ်ကီးဝ့ၢ်လံးဘနၤဒီးအစီၤပၤဆူပှၤအံၣ်စရ့လးဖိအစု ပူၤန့ၣ်လီၤ. အဝဲသ့ၣ်တဒုးပူၤဖျဲးပှၤနီတဂၤဘၣ်ဒီးမၤသံပှၤခဲ လၢာ်လၢဝ့ၢ်ပူၤန့ၣ်လီၤ. ဒ်အဝဲသ့ၣ်မၤတ့ၢ်ဝ့ၢ်ယရံၤဃိအစီၤပၤအသိး, မၤဝ့ၢ်လံးဘနၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 15:42

အိၣ်စ့ၢ်ကီးဒီးလံးဘနၤ, ဧ့သ့ၢ်, ဧၤၡၣ်, ယံးဖတၤ, အါနၤ, နစံာ်,

လံာ်စီၤယိၤၡူ 21:13

လၢဝ့ၢ်ဃ့ဘြိၣ် (တၢ်ပူၤဖျဲးအဝ့ၢ်အကျါတဝ့ၢ်) အမဲာ်ညါ, ဝ့ၢ်လၢလာ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤဆူပှၤလုၢ်တၢ်အခိၣ် စီၤအၤဟရိၣ်အစၢၤအသွဲၣ်တဖၣ်န့ၣ်လီၤ. လံးဘနၤ,

လံာ်စီၤယိၤၡူ 6:21

အဝဲသ့ၣ်မၤသံပှၤကိးဂၤဒဲးလၢဝ့ၢ် အပူၤလၢနးတဖၣ်ပှၤပိာ်ခွါ, ပှၤပိာ်မုၣ်, ပှၤသးစၢ်ဒီးပှၤသးပှၢ်တဖၣ်န့ၣ်လီၤ. အဝဲသ့ၣ်မၤသံစ့ၢ်ကီးကျီၢ်တဖၣ်, သိတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်စီၤယိၤၡူ 8:2

နကဘၣ်မၤဝ့ၢ်ဂဲဒီးအစီၤပၤဒ်နမၤဝ့ၢ်ယရံၤဃိဒီးအစီၤ ပၤအသိးန့ၣ်လီၤ. ဘၣ်ဆၣ်ဒီးတဘျီအံၤသုကဟံးန့ၢ်အတၢ်ဖိတၢ်လံၤဒီးအဆၣ်ဖိကီၢ် ဖိတဖၣ်လၢသုဂီၢ်ဒၣ်သုဝဲန့ၣ်လီၤ. ကတဲာ်ကတီၤသုသးလၢတၢ်ခူသူၣ်အပူၤလၢသုကဒုးဝ့ၢ်အံၤလၢအလီၢ် ခံတက့ၢ်.”

လံာ်စီၤယိၤၡူ 8:29

ဒီးအဝဲစၢသံဝ့ၢ်ဂဲအစီၤပၤလၢသ့ၣ်တထူၣ်အလိၤဒီးပာ်အစိၣ် ဒ်န့ၣ်တုၤမုၢ်ဟါလီၤန့ၣ်လီၤ. တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ်လၢအစိၣ်ကဘၣ်တၢ်သုးကွံာ် အီၤဒီးအစိၣ်ဘၣ်တၢ်ကွံာ်လီၤကွံာ်အီၤဖဲဝ့ၢ်အတြဲၤအခီၣ်ထံး ဒီးဘၣ်တၢ်မၤဘၢအီၤလၢလၢၢ်ကိၢ်လိၢ်ဖးဒိၣ်တဖၣ်ဒီးအိၣ်ဝဲတုၤမုၢ်မဆါတနံၤအံၤန့ၣ်လီၤ.