လံာ်စီၤယိၤၡူ 10:25 - Sgaw Karen Common Bible

²⁵ ဝံၤဒီးစီၤယိၤၡူစံးဘၣ်အသုးခိၣ်တဖၣ်, “တဘၣ်ပျံၤတၢ်တဂ့ၤဒီးတဘၣ်တ့ၢ်စၢ်လီၤသုဂံၢ်သုဘါတဂ့ၤ. ပာ်ဆူၣ်သုသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, ယွၤကမၤတၢ်ဒ်သိးအံၤဒီးသုဒုၣ်သုဒါခဲလၢာ်န့ၣ်လီၤ.”

လံာ်စီၤယိၤၡူ 10:25 Iomraidhean Croise

စံးထီၣ်ပတြၢၤ 63:9

ဘၣ်ဆၣ်ပှၤလၢအဃုမၤဟးဂီၤယသးသမူန့ၣ်, ကလဲၤလီၤဆူဟီၣ်ခိၣ်အဖီလာ်န့ၣ်လီၤ.

စံးထီၣ်ပတြၢၤ 77:11

ကစၢ်ယွၤဧၢ, ယကသ့ၣ်နီၣ်ထီၣ်က့ၤနတၢ်မၤဖးဒိၣ်တဖၣ် ဒီးယကစံးဘၣ်တဲဘၣ်တၢ်မၤလီၤလးတဖၣ်လၢ နမၤတ့ၢ်လၢအပူၤကွံာ်န့ၣ်လီၤ.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

လံာ်သိၣ်လီၤသီလီၤတၢ် 7:19

သ့ၣ်နီၣ်ထီၣ်တၢ်သံသတြိာ်လီၤပျံၤလီၤဖုးတဖၣ်, လၢသုထံၣ်ဘၣ်တ့ၢ်အီၤလၢသုမဲာ်ချံဒၣ်ဝဲ, တၢ်လီၤလးတဖၣ်ဒီးတၢ်လီၤကမၢကမၣ်တဖၣ်, ယွၤသုကစၢ်ယွၤမၤထူၣ် ဖျဲးသုခီဖျိတၢ်စိတၢ်ကမီၤဖးဒိၣ်ဒီးတၢ်ဂံၢ်ဆူၣ်ဘါဆူၣ်န့ၣ်တက့ၢ်. ဒ်ကျဲတဘိဃီလၢယွၤမၤဟးဂီၤကွံာ်ပှၤအဲၤကူပတူးဖိတဖၣ် အသိးန့ၣ်, အဝဲကမၤဟးဂီၤကွံာ်ကယဲၢ်ပှၤဂီၢ်မုၢ်ခဲလၢာ်အံၤလၢသုပျံၤဘၣ် အီၤခဲအံၤန့ၣ်လီၤ.

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 10:8

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. ယဟ့ၣ်လီၤတ့ၢ်နၤတၢ်မၤနၢၤလံ. ပှၤလၢအဆၢထၢၣ်ထီဒါနၤသ့တအိၣ်နီတဂၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:37

ယွၤအုၣ်က့ၤခီၣ်က့ၤတ့ၢ်ယၤလၢခ့ယုၢ်တဖၣ်ဒီးတၤသူတဖၣ်သတးဒီး အဝဲကအုၣ်က့ၤခီၣ်က့ၤယၤလၢပှၤဖလ့ၡသးဖိတဂၤအံၤအစုပူၤ န့ၣ်လီၤ. စီၤစီလူးစံးဝဲဒၣ်, “ဂ့ၤလံ, လဲၤဒီးမ်ယွၤအိၣ်ဒီးနၤတက့ၢ်.”