လံာ်စီၤယိၤၡူ 10:20 - Sgaw Karen Common Bible

²⁰ စီၤယိၤၡူဒီးပှၤအံၣ်စရ့လးဖိတဖၣ်မၤသံကွံာ်အဝဲသ့ၣ်ဘူးကလၢာ်, ဘၣ်ဆၣ်အဝဲသ့ၣ်အကျါတနီၤထံၣ်တၢ်ပူၤဖျဲးအလီၢ်ဖဲအက့ၤတုၤလၢ အဝ့ၢ်ခိၣ်ဒူတဖၣ်အပူၤန့ၣ်ဒီးတဘၣ်တၢ်မၤသံအီၤဘၣ်န့ၣ်လီၤ.

လံာ်စီၤယိၤၡူ 10:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:6

လၢတၢ်န့ၣ်အဃိ, စီၤပၤစံးဘၣ်စီၤအဘံၡဲၤဒ်အံၤ, “စီၤၡဘၤကဟ့ၣ်ပှၤတၢ်ကီတၢ်ခဲအါန့ၢ်ဒံးစီၤအးဘၡါလိၣ် တက့ၢ်လီၤ. ဟံးန့ၢ်ယပှၤတဖၣ်ဒီးလဲၤလူၤအီၤတက့ၢ်. မ့တမ့ၢ်ဘၣ်ဒ်န့ၣ်ဒီး, အဝဲကမၤန့ၢ်ဝ့ၢ်လၢအအိၣ်ဒီးတိာ်ဧိၤတာ် ဧိၤတနီၤဒီးပူၤဖျဲးကွံာ်လၢပစုပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:21

စီၤပၤအၤဃာ်လဲၤထီၣ်ဆူတၢ်ဒုးအပျီပူၤဒီးမၤန့ၢ်ကွံာ်ကသ့ၣ် တဖၣ်ဒီးလ့ၣ်ကဟၣ်တဖၣ်ဒီးဒုးတူၢ်ဘၣ်ပှၤစူၤရံဖိတဖၣ်လၢတၢ်ဃၣ် ကွံာ်လၢအနးဒိၣ်မးတမံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:17

စီၤအဘံယၤဒီးအသုးမုၢ်ဒုးနၢၤဒီးမၤဃၣ်ကွံာ်ပှၤအံၣ်စရ့လး ဖိတဖၣ်ဒိၣ်ဒိၣ်မုၢ်မုၢ်, တုၤအံၣ်စရ့လးအပှၤသုးဖိအဂ့ၤကတၢၢ် ယဲၢ်ကလီၢ်ဂၤဘၣ်တၢ်မၤသံကွံာ်အီၤန့ၣ်လီၤ.

လံာ်ယံးရမံယၤ 4:5

အူထီၣ်ကွဲၤသကုၤထံကီၢ်ဒီဘ့ၣ်ညါတက့ၢ်. ကိးထီၣ်ဒိၣ်ဒိၣ် ဒီးဆှံဆှံတက့ၢ်. တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢအကဃ့ၢ်ဆူ ဝ့ၢ်အိၣ်ဒီးအတိာ်ဧိၤတာ်ဧိၤတဖၣ်န့ၣ်တက့ၢ်.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်သိၣ်လီၤသီလီၤတၢ် 20:16

မ့မ့ၢ်, တုၤသုမၤန့ၢ်ဝ့ၢ်တဖၣ်လၢအအိၣ်ဝဲလၢထံကီၢ်လၢယွၤ, သုကစၢ်ယွၤကဟ့ၣ်လီၤသုအပူၤန့ၣ်, မၤသံကွံာ်ပှၤခဲလၢာ်တက့ၢ်.

လံာ်စီၤယိၤၡူ 10:10

ဒီးယွၤဒုးလီၤဘၣ်တၢ်ပျံၤတၢ်ဖုးလၢပှၤအမိၢ်ဖိတဖၣ်အလိၤဖဲ အထံၣ်ဘၣ်အံၣ်စရ့လးအသုးမုၢ်န့ၣ်လီၤ. ပှၤအံၣ်စရ့လးဖိ တဖၣ်မၤသံကွံာ်အဝဲသ့ၣ်ဖဲဝ့ၢ်ကံးဘိၣ်ဒီးလူၤလီၤအဝဲသ့ၣ် လၢကျဲလဲၤဆူဝ့ၢ်ဘ့ၤသဃိရိၣ်, ဒီးကျီကွံာ်အီၤပၢၢ်လၢဝ့ၢ်ဧစ့ ကၤဒီးဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:19

ဘၣ်ဆၣ်ဒီးအိၣ်သုဝဲဖဲန့ၣ်တဂ့ၤ. လူၤထွဲသုဒုၣ်သုဒါတဖၣ်ဒီးဒုးအဝဲသ့ၣ်လၢအလီၢ်ခံတက့ၢ်. တဘၣ်ပျဲအဝဲသ့ၣ်က့ၤဆူအဝ့ၢ်တဖၣ်တဂ့ၤ. ယွၤသုကစၢ်ဟ့ၣ်လီၤသုလၢတၢ်မၤနၢၤအဝဲသ့ၣ်လံ.”

လံာ်စီၤယိၤၡူ 10:21

ဝံၤဒီးစီၤယိၤၡူအပှၤခဲလၢာ်ဟဲက့ၤက့ၤ ပူၤပူၤဖျဲးဖျဲးဆူအအိၣ်လၢသူၣ်ဒဲအလီၢ်ဖဲဝ့ၢ်မးက့ဒၤန့ၣ်လီၤ. ပှၤကတိၤထီဒါပှၤအံၣ်စရ့လးဖိတဖၣ်တဘူၣ်နီတဂၤဒၣ်လဲာ်ဘၣ်န့ၣ် လီၤ.

လံာ်စီၤယိၤၡူ 11:12

စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 8:24

ပှၤအံၣ်စရ့လးဖိတဖၣ်မၤသံကွံာ်အဒုၣ်အဒါ ခဲလၢာ်ဖဲတၢ်လီၢ်လီၤပျီလၢအဝဲသ့ၣ်လူၤဝဲအလီၢ်န့ၣ်လီၤ. ဝံၤဒီး, အဝဲသ့ၣ်က့ၤကဒါက့ၤဆူဝ့ၢ်ဂဲဒီးမၤသံပှၤဖဲန့ၣ် ခဲလၢာ်လီၤ.