လံာ်စီၤယိၤၡူ 10:2 - Sgaw Karen Common Bible

² ပှၤဝ့ၢ်ယရူၤၡလ့ၣ်ဖိတဖၣ်ပျံၤ တၢ်ဖုးတၢ်ဒိၣ်မးလၢတၢ်ဂ့ၢ်အံၤအဃိန့ၣ်လီၤ. အဂ့ၢ်မ့ၢ်လၢကံးဘိၣ်မ့ၢ်ဝ့ၢ်လၢအဒိၣ်ထဲသိးဝ့ၢ်အဂၤတဖၣ်လၢ အအိၣ်ဒီးအစီၤပၤ, ဒီးမ့ၢ်ဝ့ၢ်လၢအဒိၣ်န့ၢ်ဒံးဝ့ၢ်ဂဲဒီးအပှၤတဖၣ်မ့ၢ်ပှၤလၢ အဒုးတၢ်သ့အဃိန့ၣ်လီၤ.

လံာ်စီၤယိၤၡူ 10:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

တၢ်ကတိၤဒိ. 10:24

ပှၤတီပှၤလိၤမၤန့ၢ်တၢ်လၢအဆၢန့ၢ်ဘၣ်ဝဲလီၤ. မ့မ့ၢ်, ပှၤတတီတလိၤကဒိးန့ၢ်ဘၣ်တၢ်လၢအပျံၤဝဲအဒိၣ်ကတၢၢ်န့ၣ် လီၤ.

လံာ်သိၣ်လီၤသီလီၤတၢ် 11:25

ဖဲသုလဲၤတၢ်တပူၤလၢ်လၢ်လၢကီၢ်ပူၤန့ၣ်, ယွၤ, သုကစၢ်ယွၤကဒုးပျံၤဘၣ်ဖုးဘၣ်ပှၤဂီၢ်မုၢ်လၢသု, ဒ်အဝဲအၢၣ်လီၤတ့ၢ်လံဝဲအသိး, ဒီးပှၤလၢအတြီသုသ့န့ၣ်တအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 2:25

စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.

လံာ်သိၣ်လီၤသီလီၤတၢ် 28:10

အန့ၣ်ဒီး, ကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢ, ကထံၣ်လၢယွၤဃုထၢတ့ၢ်သုဒ်သိးသုကမ့ၢ်အကစၢ်ဒၣ်ဝဲ အပှၤဂီၢ်မုၢ်, ဒီးအဝဲသ့ၣ်ကပျံၤဘၣ်သုန့ၣ်လီၤ.

ဧ့ၤဘြံၤ 10:27

မ့မ့ၢ်အိၣ်တ့ၢ်ဒၣ်ထဲတၢ်အိၣ်ခိးကွၢ်လၢ်, လၢတၢ်ပျံၤတၢ်ဖုးအပူၤ, တၢ်စံၣ်ညီၣ်လၢအကဟဲဝဲဒီးမ့ၣ်အူဖးဒိၣ်လၢအကအီၣ်ကွံာ် ကစၢ်ယွၤအဒုၣ်အဒါတဖၣ်န့ၣ်လီၤ.

ဧ့ၤဘြံၤ 10:31

တၢ်လီၤနုာ်ဘၣ်ဆူ ကစၢ်ယွၤလၢအမူဝဲတဂၤအစုပူၤန့ၣ်, မ့ၢ်တၢ်လၢအလီၤပျံၤလီၤဖုးဒိၣ်မးလီၤ.

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.

လံာ်စီၤယိၤၡူ 9:3

ဘၣ်ဆၣ်ဒီးပှၤကံးဘိၣ်ဖိလၢအမ့ၢ် ပှၤဃံၤဝံဖိတဖၣ်နၢ်ဟူတၢ်လၢစီၤယိၤၡူမၤတ့ၢ်ဘၣ်ဝ့ၢ်ယရံၤဃိဒီးဝ့ၢ်ဂဲ,

လံာ်စီၤၡမူၤအ့လးအခီၣ်ထံးတဘ့ၣ် 27:5

စီၤဒၤဝံးစံးဘၣ်စီၤအၤကံၣ်, “နမ့မ့ၢ်ယတံၤသကိးဒီးပျဲ ယဟံးန့ၢ်ဝ့ၢ်ဖိတဝ့ၢ်လၢယကအိၣ်ကဆိးလၢအပူၤတက့ၢ်. တၢ်ဒိၣ်ဧၢ, အတွးတအိၣ်ဘၣ်လၢယဂီၢ်လၢယကအိၣ်ဆိးဒီးနၤလၢဝ့ၢ်ခိၣ်အပူၤဘၣ်.