လံာ်စီၤယိၤၡူ 10:16 - Sgaw Karen Common Bible

¹⁶ ပှၤအမိၢ်ဖိအစီၤပၤယဲၢ်ဂၤထွး ထီၣ်ဃ့ၢ်ဝဲဒီးအိၣ်ခူသူၣ်ဝဲလၢတၢ်ကအိပူၤဖဲဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:16 Iomraidhean Croise

စံးထီၣ်ပတြၢၤ 68:12

“စီၤပၤတဖၣ်ဒီး အသုးမုၢ်တဖၣ်ဃ့ၢ်ကွံာ်ဝဲ, ဃ့ၢ်ကွံာ်ဝဲ,” ဒီးပိာ်မုၣ်လၢအအိၣ်ဒၣ်တၢ်လၢဟံၣ်ပူၤန့ၣ် နီၤဖးတၢ်ဂုာ်န့ၢ်,

စံးထီၣ်ပတြၢၤ 68:13

လၢအမ့ၢ်, ထိၣ်လွံၢ်အဂီၤတဖၣ်လၢ တၢ်ကးဘၢအီၤဒီးစ့, အိၣ်ဒီးအဒံးဆ့လၢ အကတြ့ၣ်ဒီးသူန့ၣ်လီၤ. (လၢတၢ်ဒုးတၢ်ယၤအမုၢ်နံၤန့ၣ် ဘၣ်မနုၤသုဝဲတနီၤအိၣ်မံလီၤလၢသိကရၢၢ်ပူၤလဲၣ်)

လံာ်ဧၤမိၣ် 9:2

အဝဲသ့ၣ်မ့ၢ်ခူၣ်လီၤဝဲအကျဲဆူပှၤသံအကီၢ်ပူၤဒၣ်လဲာ်ယကဖီၣ် န့ၢ်အီၤလီၤ. အဝဲသ့ၣ်မ့ၢ်ထီၣ်ဆူမူခိၣ်ဒၣ်လဲာ်ယကထုးလီၤအီၤလီၤ.

လံာ်မံကၤ 7:17

အဝဲသ့ၣ်ကစွါဝဲလၢဖၣ်ကမူၣ်အကျါဒ်ဂုၢ်တဖၣ်အသိး, ကဟဲထီၣ်လၢအတိာ်ဧိၤတာ်ဧိၤတဖၣ်အပူၤလၢတၢ် ကနိးကစုာ်ဒီးတၢ်ပျံၤတၢ်ဖုးအပူၤလီၤ. အဝဲသ့ၣ်ကဃၣ်အသးဆူ ယွၤ, ပကစၢ်ယွၤအအိၣ်လၢတၢ်ပျံၤတၢ်ဖုးအပူၤလီၤ.

လံာ်စီၤယိၤၡူ 10:15

အန့ၣ်ဝံၤဒီး, စီၤယိၤၡူဒီးအသုးမုၢ်က့ၤကဒါက့ၤဆူသူၣ်ဒဲ အလီၢ်လၢဝ့ၢ်ကံးလကၤလးန့ၣ်လီၤ.

လံာ်စီၤယိၤၡူ 10:17

ပှၤထံၣ်အဝဲသ့ၣ်ဒီးအဝဲသ့ၣ်အိၣ်ခူသူၣ်ဖဲလဲၣ်န့ၣ်ပှၤတဲဘၣ်စီၤယိၤၡူ န့ၣ်လီၤ.

လံာ်စီၤယိၤၡူ 10:5

အန့ၣ်ဒီး, ပှၤအမိၢ်ဖိအစီၤပၤယဲၢ်ဂၤလၢအမ့ၢ်ဝဲစီၤပၤတဖၣ်လၢဝ့ၢ် ယရူၤၡလ့ၣ်, ဃ့ဘြိၣ်, ယၢ်မူသး, လၤကံၣ်ဒီးဧ့းကလိၣ်ပာ်ဖှိၣ်အသုးမုၢ်တဖၣ်, ကဝီၤဃာ်ဝ့ၢ်ကံးဘိၣ်ဒီးဒုးအီၤန့ၣ်လီၤ.

လံာ်လီၣ်ဖျါ 6:15

တုၤနုၤတစု, ဟီၣ်ခိၣ်အစီၤပၤတဖၣ်, ပှၤပၢတၢ်ပြးတၢ်တဖၣ်ဒီးသုးခိၣ်သုးနၢ်တဖၣ်, ပှၤထူးပှၤတီၤဒီးပှၤဂံၢ်ဆူၣ်ဘါဆူၣ်တဖၣ်, ဒီးပှၤအဂၤကိးဂၤဒဲး, ကုၢ်ဒီးပှၤသဘျ့, အိၣ်ခူသူၣ်ဝဲဒၣ်လၢလၢၢ်ကအိပူၤတဖၣ်ဒီးလၢလၢၢ်ဧိၤလ့ ဧိၤလၢကစၢၢ်ဒီခိၣ်တဖၣ်အဖီလာ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:2

ပှၤမံးဒယၣ်ဖိတဖၣ်အဂံၢ်အဘါဆူၣ်န့ၢ်ဒံးအံၣ်စရ့လး, ဒီးအံၣ်စရ့လးအပှၤဂီၢ်မုၢ်ပာ်ခူသူၣ်အသးလၢလၢၢ်ကအိလ့ကအိတဖၣ်အပူၤ ဒီးတၢ်လီၢ်ပူၤဖျဲးအဂၤတဖၣ်လၢကစၢၢ်ကလိအကျါန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:6

အန့ၣ်ဝံၤဒီးအဝဲသ့ၣ်ဒုးတၢ်ထီဒါပှၤအံၣ်စရ့လးဖိတဖၣ်လၢတၢ် ဒုးဆူၣ်ဆူၣ်ကိၤကိၤတခါဒီးဒုးကဲထီၣ် တၢ်လီၤပျံၤလီၤဖုးဖးဒိၣ်တမံၤလၢအဝဲသ့ၣ်အဂီၢ်လီၤ. ပှၤအံၣ်စရ့လးဖိတနီၤပာ်ခူသူၣ်အသးလၢလၢၢ်ကအိဒီးတၢ်ပူၤ တဖၣ်အပူၤမ့ၢ်ဂ့ၤ, လၢလ့ကျါမ့ၢ်ဂ့ၤ, တၢ်ပူၤဖိတဖၣ်အပူၤ, ဒီးထံပူၤတဖၣ်အပူၤမ့ၢ်ဂ့ၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:3

အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:8

အန့ၣ်ဝံၤဒီးစီၤဒၤဝံးဟးထီၣ်လၢအလီၢ်ဒီးကိးအီၤလီၤ, “နဲဒၣ်စီၤပၤဖးဒိၣ်ဧၢ” ဒီးစီၤစီလူးဃၣ်တရံးအသးဒီး စီၤဒၤဝံးတီၤလီၤဆူဟီၣ်ခိၣ်လိၤအိၣ်ဒီးတၢ်ယူးယီၣ်,