လံာ်စီၤယိၤၡူ 10:13 - Sgaw Karen Common Bible

¹³ ဒီးမုၢ်န့ၣ်အိၣ်ဂၢၢ်တပၢၢ်ဒီးလါန့ၣ်အိၣ်ကတီၢ်ဝဲ တုၤလီၤလၢပှၤဂီၢ်မုၢ်မၤနၢၤကွံာ်အဒုၣ်အဒါတဖၣ်န့ၣ်လီၤ. တၢ်ဂ့ၢ်အံၤကွဲးအသးလၢလံာ်ယၤၡၣ်အပူၤလၢမုၢ်န့ၣ် ဆၢထၢၣ်ဂၢၢ်တပၢၢ်လၢမူခိၣ်အသးကံၢ်ပူၤဒီးဒီနံၤညါန့ၣ် တလီၤနုာ်ဝဲဘၣ်.

လံာ်စီၤယိၤၡူ 10:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:18

ဒီးမၤလိာ်ဝဲလၢတၢ်ကသိၣ်လိန့ၢ်ပှၤကီၢ်ယူဒၤအပှၤဂီၢ်မုၢ်န့ၣ်လီၤ. (တၢ်န့ၣ်ဘၣ်တၢ်ကွဲးနီၣ်ကွဲးဃါအီၤလၢစီၤယၤၡၣ်အလံာ်ပူၤန့ၣ်လီၤ.)

လံာ်စီၤပၤခံဘ့ၣ်တဘ့ၣ် 20:10

စီၤဃံးစကံယၤစံးဆၢဝဲဒၣ်, “တၢ်ဒုးလဲၤတၢ်ကဒုဆူညါအတီၤ တဆံန့ၣ်တကီဘၣ်. မ်အက့ၤကဒါက့ၤအတီၤတဆံတက့ၢ်.”

လံာ်နီၢ်အ့ၤစတၢ် 8:13

လံာ်အံၤကဘၣ်တၢ်ဘိးဘၣ်သ့ၣ်ညါအီၤဒ်တၢ်သိၣ်တၢ်သီအသိး ဒီးကဘၣ်တၢ်ဒုးသ့ၣ်ညါပှၤကိးဂၤဒဲးလၢကီၢ်ဆၣ်ကိးဘ့ၣ်ဒဲးအပူၤ, ဒ်သိးပှၤယူဒၤဖိကအိၣ်ကတဲာ်ကတီၤအသးလၢက ဟ့ၣ်ကၣ်က့ၤအဒုၣ်အဒါဖဲမုၢ်တနံၤန့ၣ်တုၤဃီၤဝဲလီၤ.

လံာ်စီၤယိၤဘး 9:7

အဝဲတြီဃာ်မုၢ်ဒ်သိး အသုတဟဲထီၣ်တဂ့ၤဒီး ဆၣ်တဖၣ်ဒ်သိး သုတကပီၤထီၣ်လၢ မုၢ်နၤခီတဂ့ၤ န့ၣ်သ့ဝဲလီၤ.

စံးထီၣ်ပတြၢၤ 148:3

မုၢ်ဒီးလါသ့ၣ်ဧၢ, စံးထီၣ်ပတြၢၤအီၤတက့ၢ်. တၢ်ကပီၤအဆၣ်ဧိၤဖီဧိၤခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 19:4

နာ်သက့အတၢ်ကစီၣ်လဲၤသကုၤဟီၣ်ခိၣ်, ဒီးအကလုၢ်ကထါတဖၣ် လဲၤတုၤဟီၣ်ခိၣ်အကတၢၢ်လီၤ. ကစၢ်ယွၤသူၣ်ထီၣ်တၢ်အိၣ်တၢ်ဆိးအလီၢ်လၢမူခိၣ် လၢမုၢ်အဂီၢ်,

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 38:8

ကွၢ်ကွၢ်, ယကဒုးက့ၤကဒါက့ၤတၢ်ကဒုလၢအတီၤတဖၣ်လၢအလဲၤ လီၤပူၤကွံာ်တ့ၢ်လၢစီၤအၤဃးအမုၢ်အနၣ်ရံၣ်အလိၤ, ကက့ၤကဒါက့ၤအတီၤဆံဆဲၣ်တီၤလီၤ.” ဒီးမုၢ်န့ၣ်က့ၤက့ၤကဒါက့ၤဆံဆဲၣ်တီၤလၢအလဲၤလီၤပူၤကွံာ် တ့ၢ်ဝဲလီၤ.

လံာ်ယိၤအ့လး 2:10

ဟီၣ်ခိၣ်ဟူးဝးဝဲဒီးမူကပိာ်လိၤဆှဲးဆှိးဝဲလၢအဝဲသ့ၣ်အမဲာ်ညါလီၤ. မုၢ်ဒီးလါခံးလီၤဝဲဒီးဆၣ်ဧိၤဖီဧိၤတဖၣ်တကပီၤလၢၤဘၣ်.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်ယိၤအ့လး 3:15

မုၢ်ဧိၤလါဧိၤခံးလီၤဝဲဒီးဆၣ်ဧိၤဖီဧိၤတကပီၤထီၣ်လၢၤဘၣ်န့ၣ်လီၤ.

လံာ်ဃဘးကူာ် 3:11

ဖဲတၢ်ကပီၤထီၣ်သလ့ၢ်ကလာ်လၢနပျၢ်ယူၤချ့မး ဒီးနဘီဧိၤနးဧိၤလၢအကတြ့ၣ်တဖၣ်အတၢ်ခးကပီၤန့ၣ်, မုၢ်ဒီးလါဆၢထၢၣ်ဂၢၢ်တပၢၢ်လီၤ.

လံာ်တၢ်ဂံၢ် 21:14

လၢတၢ်န့ၣ်အဃိယွၤအတၢ်ဒုးတၢ်ယၤတဖၣ်အလံာ်စံးလၢတၢ်န့ၣ် အဂ့ၢ်စံးဝဲ, “ဝ့ၢ်ဝာ်ဟ့ာ်လၢကီၢ်စူာ်အလီၢ်ကဝီၤပူၤဒီးတၢ်တြီၤတဖၣ်, ထံကျိအၢ်နိၣ်,

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

မၤတၢ် 2:20

မုၢ်ကခံးလီၤကွံာ်, ဒီးလါကထီၣ်ဂီၤဒ်တၢ်သွံၣ်အသိး, တချုးကစၢ်အမုၢ်နံၤဖးဒိၣ်လၢအပှဲၤဒီး တၢ်လၤကပီၤတုၤဃီၤဒံးဘၣ်န့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်စီၤယိၤၡူ 10:14

မုၢ်နံၤဒ်သိးအံၤလၢသီမ့ၢ်ဂ့ၤ, လၢခံမ့ၢ်ဂ့ၤတအိၣ်နီတဘျီဘၣ်. အဂ့ၢ်ဒ်အံၤယွၤဒိကနၣ်ပှၤကညီအကလုၢ်ဒီးဒုးတၢ်လၢပှၤအံၣ်စရ့လးဖိအဂီၢ် န့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

လံာ်ပှၤစံၣ်ညီၣ်ကွီၢ် 16:28

တုၤနုၤတစု, စီၤၡံၣ်ၡိၣ်ဘါထုကဖၣ်, “တၢ်ဒိၣ်ကစၢ်ဧၢ, သ့ၣ်နီၣ်ထီၣ်က့ၤလၢ်ယၤတက့ၢ်. ကစၢ်ယွၤဧၢ, ဟ့ၣ်ယၤတၢ်ဂံၢ်တၢ်ဘါထဲအအံၤတစု ဒ်သိးယကဟ့ၣ်ကၣ်ပှၤဖလ့ၡသးဖိတဖၣ်လၢယမဲာ်ချံခံဖျၢၣ်အဂီၢ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 5:2

စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.