လံာ်စီၤယိၤၡူ 10:10 - Sgaw Karen Common Bible

¹⁰ ဒီးယွၤဒုးလီၤဘၣ်တၢ်ပျံၤတၢ်ဖုးလၢပှၤအမိၢ်ဖိတဖၣ်အလိၤဖဲ အထံၣ်ဘၣ်အံၣ်စရ့လးအသုးမုၢ်န့ၣ်လီၤ. ပှၤအံၣ်စရ့လးဖိ တဖၣ်မၤသံကွံာ်အဝဲသ့ၣ်ဖဲဝ့ၢ်ကံးဘိၣ်ဒီးလူၤလီၤအဝဲသ့ၣ် လၢကျဲလဲၤဆူဝ့ၢ်ဘ့ၤသဃိရိၣ်, ဒီးကျီကွံာ်အီၤပၢၢ်လၢဝ့ၢ်ဧစ့ ကၤဒီးဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:15

အဝဲခးထီၣ်အပျၢ်တဖၣ်ဒီးမၤလီၤပြံလီၤပြါကွံာ်အဒုၣ်အဒါတဖၣ် န့ၣ်လီၤ. လၢလီဝၢ်ဒံးအတၢ်ကပြ့ၢ်တဖၣ်န့ၣ်အဝဲဒုးဃ့ၢ်ကွံာ်အဝဲသ့ၣ် လီၤ.

လံာ်စီၤပၤအခီၣ်ထံးတဘ့ၣ် 9:17

ဒီးစီၤၡလိၤမိၤသူၣ်ထီၣ်ကဒါက့ၤဝ့ၢ်န့ၣ်လီၤ.) လၢတၢ်သူတၢ်မၤဆူၣ်မၤနၢၤအတၢ်မၤအပူၤန့ၣ်စီၤၡလိၤမိၤသူၣ် ထီၣ်ကဒါက့ၤစ့ၢ်ကီးဝ့ၢ်ဘ့ၤသဃိရိၣ်အလာ်ခီ,

လံာ်ကွဲးနီၣ်တၢ်ခံဘ့ၣ်တဘ့ၣ် 14:12

ယွၤမၤနၢၤကွံာ်ပှၤကူၤၡးဖိအသုးမုၢ်, ဖဲစီၤအၤစါဒီးပှၤ ယူဒၤသုးမုၢ်ဟဲထီၣ်ဒုးအဝဲသ့ၣ်န့ၣ်လီၤ. အဝဲသ့ၣ်ထွးထီၣ်ဃ့ၢ်ကွံာ်ဝဲ,

လံာ်ကွဲးနီၣ်တၢ်ခံဘ့ၣ်တဘ့ၣ် 25:13

ဖဲအခါန့ၣ်, ပှၤအံၣ်စရ့လးအသုးဖိတဖၣ်လၢစီၤအမၤစယါတပျဲဘၣ် အီၤလၢကလဲၤဆူတၢ်ဒုးဒီးအီၤန့ၣ်, လဲၤထီၣ်ဒုးကီၢ်ယူဒၤအဝ့ၢ်တဖၣ်ဖဲဝ့ၢ်ၡၤမရံဒီးဝ့ၢ်ဘ့ၤသဃိ ရိၣ်အဘၢၣ်စၢၤ, မၤသံကွံာ်ပှၤပိာ်ခွါအဂၤ သၢကထိ ဒီးမၤန့ၢ်တၢ်ဂုာ်န့ၢ်အါအါဂီၢ်ဂီၢ်န့ၣ်လီၤ.

စံးထီၣ်ပတြၢၤ 18:14

အဝဲခးအပျၢ်တဖၣ်ဒီးမၤလီၤပြံလီၤပြါ အဒုၣ်အဒါတဖၣ်, ဒုးဃ့ၢ်ကွံာ်အဝဲသ့ၣ်လၢ အတၢ်မၤကပြ့ၢ်ထီၣ်လီဝၢ်ဒံးန့ၣ်လီၤ.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

စံးထီၣ်ပတြၢၤ 68:14

တုၤတၢ်သ့တၢ်လၢာ်ကစၢ်ယွၤမၤလီၤပြံလီၤပြါ စီၤပၤတဖၣ်လၢကစၢၢ်စၤလမိၣ်အလိၤန့ၣ်ဒီး အဝဲဒုးဟဲစူၤလီၤမူခိၣ်ဖီဖဲန့ၣ်လီၤ.

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

လံာ်ယၡါယၤ 28:21

ယွၤကဒုးတၢ်ဒ်အမၤတ့ၢ်ဝဲဖဲကစၢၢ်ပရၤစံၣ်ဒီးလၢကံးဘိၣ် အကစၢၢ်ကဆူးအသိး, ဒ်သိးအကမၤတၢ်လၢအတိာ်မၤဝဲလီၤ. အဂ့ၢ်ဒ်အံၤ, အတၢ်မၤတဖၣ်ကဖျါလီၤလိၢ်လီၤလးဝဲလီၤ. အဝဲကမၤဝံၤအတၢ်မၤ, အတၢ်မၤလၢပနၢ်ပၢၢ်အဂ့ၢ်တသ့န့ၣ်လီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယံးရမံယၤ 34:7

ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

လံာ်စကၤရယၤ 14:3

ဒီးယွၤကဟးထီၣ်ဒီးဒုးတၢ်ထီဒါပှၤကလုာ်တဖၣ်န့ၣ်, ဒ်အဝဲဒုးတ့ၢ်ဝဲလၢခါပူၤကွံာ်တဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 7:23

ယွၤကဟ့ၣ်လီၤကွံာ်သုဒုၣ်သုဒါတဖၣ်ဆူသုစုပူၤဒီးမၤပျံၤ အီၤဒိၣ်ဒိၣ်ကလဲာ်တုၤလၢအဝဲသ့ၣ်ဘၣ်တၢ်မၤဟးဂီၤကွံာ်အီၤတစု န့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:9

စီၤယိၤၡူဒီးအသုးမုၢ်ဟးထီၣ်လၢဝ့ၢ်ကံးလကၤလးဒီးလဲၤဝဲ ဒီနၤညါဆူဝ့ၢ်ကံးဘိၣ်ဒီးသတူၢ်ကလာ်ဒုးပှၤအမိၢ်ဖိတဖၣ်န့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 15:35

ယၢ်မူသး, ဧဒူးလၣ်, စိကိၤ, ဧစ့ကၤ, ၡၤရယံၣ်, ဧဒံသၣ်, ကဒ့ရၤ, ဒီးကဒ့ရိၤသံၣ်န့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.

လံာ်စီၤယိၤၡူ 15:41

ကဒ့ရိၣ်, ဘ့ၤသဒၤကိၣ်, နၤဧမၣ်, ဒီးမးက့ဒၤန့ၣ်လီၤ. မ့ၢ်ဝ့ၢ်တဆံဃုဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.

လံာ်စီၤယိၤၡူ 16:3

ဝံၤဒီးလဲၤလီၤလၢမုၢ်နုာ်တကပၤဆူ ပှၤယးဖလ့တံၤဖိအကီၢ်တုၤလီၤလၢဝ့ၢ်ဘ့ၤသဃိရိၣ်လၢလာ်ခီ, ဝံၤဒီးဆူဝ့ၢ်က့စ့ၢ်ဒီးလဲၤကတၢၢ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်စီၤယိၤၡူ 16:5

အအံၤမ့ၢ်ပှၤအ့ဖရဲၣ်ဖိအဒူၣ်ဖိထၢဖိတဖၣ်အထံကီၢ် န့ၣ်လီၤ. အကီၢ်ဆၢစးထီၣ်အသးဖဲဝ့ၢ်ဧးတၤရိးအးဒၤလၢမုၢ်ထီၣ်တခီတုၤ ဆူဝ့ၢ်ဘ့ၤသဃိရိၣ်လၢထးခီ,

လံာ်စီၤယိၤၡူ 21:22

ကံးဘစဲၣ်, ဒီးဘ့ၤသဃိရိၣ်, ဃုာ်ဒီးအတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:15

ဖဲစီၤဘါရးဒုးတၢ်ဃုာ်ဒီးအသုးမုၢ်န့ၣ်ယွၤမၤသဘံၣ်ဘုၣ်စီၤစံစရၤ အလ့ၣ်ကဟၣ်ဒုးသုးတဖၣ်ဒီးအပှၤသုးဖိတဖၣ်လီၤ. စီၤစံစရၤစံၣ်လီၤလၢအလ့ၣ်ကဟၣ်ဒုးသုးအဖီခိၣ်ဒီးဃ့ၢ်ဝဲလၢအခီၣ်လီၤ.

လံာ်ပှၤစံၣ်ညီၣ်ကွီၢ် 4:16

စီၤဘါရးလူၤထွဲလ့ၣ်ကဟၣ်ဒုးသုးတဖၣ်ဒီးပှၤသုးဖိတဖၣ်အခံ တုၤဆူပှၤကလုာ်ဂၤတဖၣ်အဝ့ၢ်ဃရိၡ့းဒီးစီၤစံစရၤအသုးမုၢ် ဒီဖုဘၣ်တၢ်မၤသံကွံာ်အီၤခဲလၢာ်လီၤ. ပှၤတအိၣ်လီၤတဲာ်ဘၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 5:20

ဆၣ်ဧိၤဖီဧိၤတဖၣ်ဒုးတၢ်လၢမူကပိာ်လိၤ ဖဲအသုးအသးခီဂာ်မူကပိာ်လိၤန့ၣ်လီၤ. အဝဲသ့ၣ်ဒုးတၢ်ထီဒါစီၤစံစရၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:18

အဂၤတဖုလဲၤဆူဝ့ၢ်ဘ့ၤသဃိရၣ်ဒီးအဂၤတဖုလဲၤဆူကီၢ်ဆၢလၢ အကွၢ်စိဃီၤစဘိဧံၣ်အတၢ်တြီၤဒီးပှၢ်မုၢ်ကနၢန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:1

ပှၤဖလ့ၡသးဖိတဖၣ်ပာ်ဖှိၣ်ထီၣ်အသးဖဲဝ့ၢ်ၡိကိၤ, ဝ့ၢ်တဝ့ၢ်လၢအအိၣ်လၢကီၢ်ယူဒၤအပူၤန့ၣ်လီၤ. အဝဲသ့ၣ်သူၣ်ထီၣ်အဒဲဖဲတၢ်လီၢ်ကိးဝဲလၢအ့ဖ့းစဒးမံၣ်လၢ အအိၣ်ဖဲၡိကိၤဒီးဝ့ၢ်ဧစ့ကၤအဘၢၣ်စၢၤန့ၣ်လီၤ.