လံာ်စီၤယိၤၡူ 1:7 - Sgaw Karen Common Bible

⁷ ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤယိၤၡူ 1:7 Iomraidhean Croise

လံာ်စီၤပၤအခီၣ်ထံးတဘ့ၣ် 2:2

ယတၢ်သံအဆၢကတီၢ်ဟဲတုၤလံ. အိၣ်ဒီးတၢ်နာ်န့ၢ်အီၤနသးဒီးတၢ် ပာ်လီၤသးသပှၢ်ပှၢ်,

လံာ်စီၤပၤအခီၣ်ထံးတဘ့ၣ် 2:3

ဒီးမၤတၢ်လၢယွၤ, နကစၢ်ယွၤမၤလိာ်နၤလၢနကဘၣ်မၤန့ၣ်တက့ၢ်. စူၢ်ကယဲၢ်အဝဲအတၢ်ဘူၣ်ထီၣ်ဘါထီၣ်အတၢ်သိၣ်တၢ်သီဒီးအတၢ်မၤလိာ် တဖၣ်လၢအအိၣ်ကွဲးအသးလၢစီၤမိၤၡ့အတၢ်သိၣ်တၢ်သီအလံာ်ပူၤဒ် သိးဖဲနလဲၤတၢ်တပူၤလၢ်လၢ်န့ၣ်, နကဘီၣ်ထီၣ်ညီထီၣ်လၢကယဲၢ်တၢ်လၢနမၤခဲလၢာ်အပူၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 22:2

စီၤယိၤၡံယၤမၤတ့ၢ်တၢ်လၢအဘၣ်ယွၤအသးန့ၣ်လီၤ. အဝဲပိာ်ထွဲအပၢ်ဖးဒိၣ်လၢပျၢၤစီၤပၤစီၤဒၤဝံးအဒိအတဲာ် အခံဒီးစူၢ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဃံးဃံးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:13

နမ့ၢ်စူၢ်ကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယွၤဟ့ၣ်လီၤ စီၤမိၤၡ့လၢကီၢ်အံၣ်စရ့လးအဂီၢ်ဒီးနကအိၣ်ဒီးတၢ်မၤနၢၤ န့ၣ်လီၤ. ပာ်လီၤနသးကျၢၤမုဆှုအိၣ်ဒီးတၢ်နာ်န့ၢ်လီၤနသးတက့ၢ်. ဒီးမ်နသုတပျဲတၢ်မၤပျံၤမၤဖုးနၤနီတမံၤတဂ့ၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:7

မ့မ့ၢ်, သုဂံၢ်သုဘါကဘၣ်ဆူၣ်ဒီးသုတဘၣ်သးဟးဂီၤဘၣ်. တၢ်မၤလၢသုမၤန့ၣ်ကအိၣ်ဒီးအဘူးအလဲန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:5

ဖဲအဝဲအတၢ်ဘူၣ်တၢ်ဘါအပှၤဟ့ၣ်ကူၣ်တၢ်စီၤစကၤရယၤအိၣ်မူဒံး အခါန့ၣ်စီၤဧူးစံယါမၤတ့ၢ်ယွၤအတၢ်လၢတၢ်သူၣ်တီသးရၤအပူၤ, ဒီးကစၢ်ယွၤဆိၣ်ဂ့ၤအီၤန့ၣ်လီၤ.

လံာ်စီၤယိၤဘး 1:8

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤ ဘးတဂၤလၢနသးစ့ၢ်ကီးဧါ.” လၢဟီၣ်ခိၣ်ချၢန့ၣ်ပှၤအတီအလိၤ ဒီးပှၤအဂ့ၤဒ်သိးဒီးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟးဆှဲးတၢ်အၢတဂၤန့ၣ်လီၤ.

စံးထီၣ်ပတြၢၤ 80:19

ယွၤ, သ့တၢ်လၢာ်အကစၢ်ဧၢ, ဒုးဟဲက့ၤပှၤတက့ၢ်. ဒုးထံၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

တၢ်ကတိၤဒိ. 4:27

ဟးဆှဲးတၢ်အၢတၢ်သီဒီးလဲၤတၢ်ဆူညါလိၤလိၤတက့ၢ်. သုးကွံာ်နခီၣ်ခါတကါဒၣ်လဲာ်လၢကျဲအဘၣ်တဂ့ၤ.

တၢ်ကတိၤဒိ. 8:20

ယလဲၤတၢ်လၢကျဲတီကျဲလိၤအပူၤ ဒီးယပိာ်ထွဲတၢ်စံၣ်ညီၣ်တီအကျဲတဖၣ်လီၤ.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်တၢ်ဂံၢ် 27:23

ဒ်ယွၤမၤလိာ်တ့ၢ်ဝဲအသိး, စီၤမိၤၡ့ပာ်ထီၣ်အစုတဖၣ်လၢစီၤ ယိၤၡူအခိၣ်ဖီခိၣ်ဒီးဘိးဘၣ်သ့ၣ်ညါထီၣ်အီၤဒ်ပှၤတဂၤလၢ ကထီၣ်က့ၤလၢအလီၢ်န့ၣ်လီၤ.

လံာ်သိၣ်လီၤသီလီၤတၢ် 11:8

စူၢ်ကယဲၢ်တၢ်တဖၣ်လၢယမၤလိာ်တ့ၢ်သုတနံၤအံၤန့ၣ်တက့ၢ်. အန့ၣ်တစုသုခီဂာ်ထံကျိကသ့ဝဲဒီးမၤန့ၢ်ဘၣ်ကီၢ်လၢဘူးထီၣ် လၢသုကလဲၤနုာ်လီၤဆူအပူၤန့ၣ်လီၤ.

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 28:14

ဘၣ်ဆၣ်သုတဘၣ်လဲၤကပာ်ကွံာ်အီၤလၢကျဲနီတဘိမ့ၢ်ဂ့ၤ, ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, နီတစုဘၣ်.

လံာ်သိၣ်လီၤသီလီၤတၢ် 29:8

ဟံးန့ၢ်ကွံာ်အဝဲသ့ၣ်အထံအကီၢ်, ဒီးနီၤဖးလီၤအီၤဆူဒူၣ် တဖၣ်လၢအမ့ၢ်ရူၤဘ့ၣ်အဒူၣ်, ကးအဒူၣ်ဒီးမနၤၡ့ၣ်အဒူၣ်တဝာ်အအိၣ်န့ၣ်လီၤ.

လံာ်သိၣ်လီၤသီလီၤတၢ် 29:9

စူၢ်ကယဲၢ်တၢ်အၢၣ်လီၤအီလီၤအံၤအတၢ်ဂ့ၢ်တၢ်ကျိၤတဖၣ်လၢ တၢ်ပာ်လီၤအီၤန့ၣ်လၢတၢ်သူၣ်တီသးရၤအပူၤဒ်သိးသုကအိၣ်ဒီးတၢ်ကဲ ထီၣ်လိၣ်ထီၣ်လၢတၢ်ခဲလၢာ်လၢသုမၤအီၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 31:7

အန့ၣ်ဝံၤဒီးစီၤမိၤၡ့ကိးထီၣ်စီၤယိၤၡူဒီးစံးဘၣ်အီၤလၢ ကယဲၢ်ကီၢ်အံၣ်စရ့လးအပှၤဂီၢ်မုၢ်အမဲာ်ညါ, “ပာ်လီၤနသးကျၢၤမုဆှု ဒီးအိၣ်ဒီးတၢ်နာ်အဂၢၢ်အကျၢၤတက့ၢ်. နမ့ၢ်ပှၤတဂၤလၢကဘၣ်ဆှၢနပှၤဂီၢ်မုၢ်အံၤဒ်သိးကမၤန့ၢ်ထံကီၢ် လၢယွၤအၢၣ်လီၤတ့ၢ်ဝဲလၢကဟ့ၣ်လီၤအဝဲသ့ၣ်အမိၢ်ပၢ်ဖံဖု လၢပျၢၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 4:2

မၤအါထီၣ်တၢ်လၢယမၤလိာ်တ့ၢ်သုနီတမံၤတဂ့ၤ. ဒီးထုးကွံာ်တၢ်နီတမံၤတဂ့ၤ. စူၢ်ယွၤ, သုကစၢ်ယွၤအတၢ်မၤ လိာ်တဖၣ်လၢယဟ့ၣ်လီၤသုန့ၣ်တက့ၢ်.

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

လံာ်စီၤယိၤၡူ 1:1

ယွၤအခ့အပှၤစီၤမိၤၡ့သံဝံၤအလီၢ်ခံန့ၣ်, ယွၤကတိၤတၢ်ဒီးပှၤလၢအမၤစၢၤစီၤမိၤၡ့, စီၤယိၤၡူလၢအမ့ၢ်စီၤနိၣ်အဖိခွါန့ၣ်လီၤ.

လံာ်စီၤယိၤၡူ 1:8

ပလီၢ်နသးလၢလံာ်တၢ်သိၣ်တၢ်သီအံၤကဘၣ်တၢ်ဖးအီၤထီ ဘိလၢသုတၢ်ဘူၣ်တၢ်ဘါအပူၤတက့ၢ်. မၤလိဆိကမိၣ်အီၤမုၢ်ဆါဆဲးလၢမုၢ်နၤ, ဒီးမၤလီၤတံၢ်လၢ နကစူၢ်တၢ်ကွဲးအသးလၢအပူၤကိးထံၣ်ဒဲးန့ၣ်တက့ၢ်. အန့ၣ်ဒီးနကဘီၣ်ထီၣ်ညီထီၣ်ဒီးနမၤတၢ်ခဲလၢာ်ကကဲထီၣ်လိၣ်ထီၣ် ဝဲလီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 11:15

ဒ်ယွၤမၤလိာ်တ့ၢ်အခ့အပှၤစီၤမိၤၡ့အသိး, စီၤမိၤၡ့မၤလိာ်တ့ၢ်စီၤယိၤၡူဒီးစီၤယိၤၡူမၤဝဲဒ်န့ၣ်အသိးလီၤ. တၢ်လၢယွၤမၤလိာ်တ့ၢ်စီၤမိၤၡ့ခဲလၢာ်န့ၣ်, အဝဲတပာ်လီၤတဲာ်ဝဲနီတမံၤဘၣ်.

လံာ်စီၤယိၤၡူ 23:6

လၢတၢ်န့ၣ်အဃိဒီး, အိၣ်ဂၢၢ်ကျၢၤလၢသုကဟံးဃာ်ဒီး မၤကယဲၢ်တၢ်ကွဲးအသးလၢစီၤမိၤၡ့အလံာ်တၢ်သိၣ်တၢ်သီအပူၤ, ဒီးဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသုသုတဃၣ်ကွံာ်သုသးတဂ့ၤ.