လံာ်စီၤယိၤၡူ 1:6 - Sgaw Karen Common Bible

⁶ ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 1:6 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:12

အိၣ်ဒီးတၢ်ဂံၢ်ဆူၣ်ဘါဆူၣ်ဒီးတၢ်သူၣ်ဒူသးဒူတက့ၢ်. မ်ပဒုးတၢ်ဆူၣ်ဆူၣ်လၢပပှၤဂီၢ်မုၢ်အဂီၢ်ဒီးလၢပကစၢ်ယွၤ အဝ့ၢ်တဖၣ်အဂီၢ်န့ၣ်တက့ၢ်. ဒီးမ်တၢ်ဘၣ်ယွၤအသးလၢထီၣ်ပှဲၤထီၣ်ဝဲန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:2

ယတၢ်သံအဆၢကတီၢ်ဟဲတုၤလံ. အိၣ်ဒီးတၢ်နာ်န့ၢ်အီၤနသးဒီးတၢ် ပာ်လီၤသးသပှၢ်ပှၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 22:13

နမ့ၢ်စူၢ်ကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယွၤဟ့ၣ်လီၤ စီၤမိၤၡ့လၢကီၢ်အံၣ်စရ့လးအဂီၢ်ဒီးနကအိၣ်ဒီးတၢ်မၤနၢၤ န့ၣ်လီၤ. ပာ်လီၤနသးကျၢၤမုဆှုအိၣ်ဒီးတၢ်နာ်န့ၢ်လီၤနသးတက့ၢ်. ဒီးမ်နသုတပျဲတၢ်မၤပျံၤမၤဖုးနၤနီတမံၤတဂ့ၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:10

နကဘၣ်သ့ၣ်ညါလၢယွၤဃုထၢတ့ၢ်နၤလၢနကသူၣ်ထီၣ်အတၢ်လုၢ်ဟံၣ်စီ ဆှံအဂီၢ်န့ၣ်လီၤ. ခဲကနံၣ်အံၤမၤအီၤ, ဒီးမၤအီၤအိၣ်ဒီးတၢ်ပာ်လီၤသးကျၢၤမုဆှုတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:7

မ့မ့ၢ်, သုဂံၢ်သုဘါကဘၣ်ဆူၣ်ဒီးသုတဘၣ်သးဟးဂီၤဘၣ်. တၢ်မၤလၢသုမၤန့ၣ်ကအိၣ်ဒီးအဘူးအလဲန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:11

အအံၤမ့ၢ်တၢ်လၢအဝဲသ့ၣ်မၤဆၢက့ၤပှၤန့ၣ်လီၤ. အဝဲသ့ၣ်ဟဲထီၣ်ဒ်သိးကဟီထီၣ်ကွံာ်ပှၤလၢထံကီၢ်လၢနဟ့ၣ်ပှၤ အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:7

နမ့ၢ်ပကစၢ်ယွၤလီၤ. ဖဲနပှၤဂီၢ်မုၢ်အံၣ်စရ့လးဟဲနုာ်ဆူကီၢ် အံၤအပူၤန့ၣ်, နဟီထီၣ်ကွံာ်ပှၤဂီၢ်မုၢ်လၢအအိၣ်ဆိးဖဲအံၤဒီးဟ့ၣ်လီၤထံ ဧိၤကီၢ်ဧိၤဆူနတံၤသကိးအစၢၤအသွဲၣ်တဖၣ်ဒ်သိးကမ့ၢ်အဝဲသ့ၣ် အတၢ်လီၤစိၤလီၤထီန့ၣ်လီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်ဃးကဲ 2:4

ဘၣ်ဆၣ်ခဲအံၤသးဟးဂီၤနီတဂၤတဂ့ၤ. မၤတၢ်တက့ၢ်. အဂ့ၢ်ဒ်အံၤ, ယအိၣ်ဒီးသုလီၤ.

လံာ်စကၤရယၤ 8:9

အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

လံာ်တၢ်ဂံၢ် 33:53

ဟံးန့ၢ်ကီၢ်န့ၣ်ဒီးသူၣ်လီၤဆီလီၤသုသးဖဲအပူၤန့ၣ်တက့ၢ်. အဂ့ၢ်ဒ်အံၤ, ယဟ့ၣ်လီၤတၢ်န့ၣ်လၢသုလီၤ.

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

လံာ်သိၣ်လီၤသီလီၤတၢ် 1:21

ကွၢ်တကၢ်. ကီၢ်လၢယွၤပကစၢ်ယွၤဟ့ၣ်လီၤသုန့ၣ်, အိၣ်ဖဲန့ၣ်လီၤ. လဲၤဒီးမၤန့ၢ်အီၤဒ်အဝဲမၤလိာ်တ့ၢ်ဝဲအသိး န့ၣ်တက့ၢ်. မၤယံာ်မၤနီၢ်သုသးဒီးပျံၤတၢ်တဂ့ၤ.

လံာ်သိၣ်လီၤသီလီၤတၢ် 1:8

ကယဲၢ်တၢ်ခဲလၢာ်အံၤမ့ၢ်ကီၢ်လၢယၤ, ယွၤ, အၢၣ်လီၤတ့ၢ်လၢကဟ့ၣ် အီၤဆူသုမိၢ်ပၢ်ဖံဖုလၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်ဒီးဆူအဝဲသ့ၣ်အစၢၤအသွဲၣ်တဖၣ် အအိၣ်န့ၣ်လီၤ. လဲၤဒီးမၤန့ၢ်အီၤတက့ၢ်.”

လံာ်သိၣ်လီၤသီလီၤတၢ် 11:8

စူၢ်ကယဲၢ်တၢ်တဖၣ်လၢယမၤလိာ်တ့ၢ်သုတနံၤအံၤန့ၣ်တက့ၢ်. အန့ၣ်တစုသုခီဂာ်ထံကျိကသ့ဝဲဒီးမၤန့ၢ်ဘၣ်ကီၢ်လၢဘူးထီၣ် လၢသုကလဲၤနုာ်လီၤဆူအပူၤန့ၣ်လီၤ.

လံာ်သိၣ်လီၤသီလီၤတၢ် 31:23

အန့ၣ်ဝံၤဒီးယွၤကတိၤဃီၤတၢ်ဆူစီၤနိၣ်အဖိခွါစီၤယိၤၡူ အအိၣ်ဒီးစံးဘၣ်အီၤ, “အိၣ်ဒီးတၢ်နာ်အဂၢၢ်အကျၢၤဒီးပာ်လီၤနသးကျၢၤမုဆှုတက့ၢ်. နကဘၣ်ဆှၢနုာ်ကီၢ်အံၣ်စရ့လးအပှၤဂီၢ်မုၢ်ဆူကီၢ်တဘ့ၣ်လၢယအၢၣ် လီၤတ့ၢ်အဝဲသ့ၣ်လၢယကဟ့ၣ်အီၤအပူၤ, ဒီးယကအိၣ်ဒီးနၤန့ၣ်လီၤ.”

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

လံာ်စီၤယိၤၡူ 1:18

ပှၤတဂၤလၢ်လၢ်လၢအထီဒါနတၢ်စိတၢ်ကမီၤ, ဒီးတစူၢ်ဘၣ်နတၢ်မၤလိာ်တမံၤလၢ်လၢ်န့ၣ်, ကဘၣ်တၢ်မၤသံအီၤလီၤ. ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်.”

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 10:25

ဝံၤဒီးစီၤယိၤၡူစံးဘၣ်အသုးခိၣ်တဖၣ်, “တဘၣ်ပျံၤတၢ်တဂ့ၤဒီးတဘၣ်တ့ၢ်စၢ်လီၤသုဂံၢ်သုဘါတဂ့ၤ. ပာ်ဆူၣ်သုသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, ယွၤကမၤတၢ်ဒ်သိးအံၤဒီးသုဒုၣ်သုဒါခဲလၢာ်န့ၣ်လီၤ.”

လံာ်စီၤယိၤၡူ 13:6

အဝဲအံၤပၣ်ဃုာ်ဒီးပှၤစံဒိၣ်ဖိအကီၢ်ခဲလၢာ်, ပှၤစံဒိၣ်ဖိလၢအအိၣ်လၢကစၢၢ်ကလိလၢလဘၤနိၣ်ဒီး မံးစြဖိးမၤယံၣ်အဘၢၣ်စၢၤန့ၣ်လီၤ. ယကဟီထီၣ်ကွံာ်ပှၤသ့ၣ်တဖၣ်အံၤခဲ လၢာ်ဖဲပှၤအံၣ်စရ့လးဖိတဖၣ်ဟဲထီၣ်ဝဲအခါန့ၣ်လီၤ. နကဘၣ်နီၤဖးထံဧိၤကီၢ်ဧိၤလၢပှၤအံၣ်စရ့လးဖိတဖၣ်အကျါဒ်ယမၤ လိာ်တ့ၢ်နၤအသိးန့ၣ်လီၤ.

လံာ်စီၤယိၤၡူ 18:3

စီၤယိၤၡူစံးဘၣ်ပှၤအံၣ်စရ့လးဖိ, “မ့ၢ်သုကခိးဒံးတၢ်ဆံးယံာ်တချုးလၢသုလဲၤနုာ်ဒီးမၤန့ၢ် ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လဲၣ်.

လံာ်စီၤယိၤၡူ 21:43

သတးဒီးယွၤဟ့ၣ်လီၤပှၤအံၣ်စရ့လးဖိလၢထံကီၢ်ခဲလၢာ်ဒ်အအၢၣ် လီၤတ့ၢ်ဝဲလၢအကဟ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဖဲအဝဲသ့ၣ်မၤန့ၢ်ထံကီၢ်ခဲလၢာ်လံဒီးအဝဲသ့ၣ်အိၣ်ဝဲ ဆိးဝဲဖဲန့ၣ်န့ၣ်လီၤ.

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 4:9

ဒီးပှၤဖလ့ၡသးဖိသ့ၣ်ဧၢ, အိၣ်ဒီးသးဒူတက့ၢ်. ဒုးတၢ်ဒ်ပှၤပိာ်ခွါတဖၣ်အသိးတက့ၢ်. မ့တမ့ၢ်ဘၣ်ဒီးပကကဲထီၣ်ပှၤဧ့ၤဘြံၤဖိတဖၣ်အကုၢ်, ဒ်အမ့ၢ်တ့ၢ်ပကုၢ်တဖၣ်အသိးလီၤ. မၤသးဒ်န့ၣ်ဒီးဒုးတၢ်ဒ်ပှၤပိာ်ခွါတဖၣ်အသိးတက့ၢ်.