လံာ်စီၤယိၤၡူ 1:18 - Sgaw Karen Common Bible

¹⁸ ပှၤတဂၤလၢ်လၢ်လၢအထီဒါနတၢ်စိတၢ်ကမီၤ, ဒီးတစူၢ်ဘၣ်နတၢ်မၤလိာ်တမံၤလၢ်လၢ်န့ၣ်, ကဘၣ်တၢ်မၤသံအီၤလီၤ. ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်.”

လံာ်စီၤယိၤၡူ 1:18 Iomraidhean Croise

လံာ်စီၤဧ့စြၤ 10:4

တၢ်အံၤမ့ၢ်နမူနဒါလၢနဘၣ်မၤအီၤန့ၣ်လီၤ. ဂဲၤဆၢထၢၣ်ဒီးမၤဝံၤအီၤတက့ၢ်. ပအိၣ်လၢနလီၢ်ခံလီၤ.”

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

လံာ်သိၣ်လီၤသီလီၤတၢ် 17:12

ပှၤတဂၤလၢ်လၢ်လၢအတစူၢ်ဘၣ်ပှၤစံၣ်ညီၣ်ကွီၢ်မ့ၢ်ဂ့ၤ, ပှၤလုၢ်တၢ်အခိၣ်လၢအဘၣ်မူဘၣ်ဒါမ့ၢ်ဂ့ၤဘူၣ်န့ၣ်, ကဘၣ်တၢ်မၤသံအီၤလီၤ. လၢကျဲဒ်အံၤန့ၣ်သုကသုးကွံာ်တၢ်အၢတၢ်သီအံၤလၢကီၢ်အံၣ်စရ့ လးအပူၤန့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

လံာ်စီၤယိၤၡူ 1:17

ဒ်ပဒိကနၣ်စီၤမိၤၡ့ထီဘိအသိးန့ၣ်ပကစူၢ်နၤဒီးမ်ယွၤနကစၢ် ယွၤကအိၣ်ဒီးနၤဒ်အအိၣ်တ့ၢ်ဒီးစီၤမိၤၡ့အသိးန့ၣ်တက့ၢ်.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:12

အန့ၣ်ဝံၤဒီးကီၢ်အံၣ်စရ့လးအပှၤဂီၢ်မုၢ်စံးဘၣ်စီၤၡမူၤအ့လး, “ပှၤလၢအစံးတ့ၢ်ဝဲလၢစီၤစီလူးတကြၢးကဲထီၣ်ဘၣ်ပစီၤပၤ ဘၣ်န့ၣ်အိၣ်ဖဲလဲၣ်. ဟ့ၣ်လီၤအဝဲသ့ၣ်လၢပစုပူၤတက့ၢ်. ဒီးပကမၤသံကွံာ်အဝဲသ့ၣ်န့ၣ်လီၤ.”