လံာ်စီၤယိၤၡူ 1:17 - Sgaw Karen Common Bible

¹⁷ ဒ်ပဒိကနၣ်စီၤမိၤၡ့ထီဘိအသိးန့ၣ်ပကစူၢ်နၤဒီးမ်ယွၤနကစၢ် ယွၤကအိၣ်ဒီးနၤဒ်အအိၣ်တ့ၢ်ဒီးစီၤမိၤၡ့အသိးန့ၣ်တက့ၢ်.

လံာ်စီၤယိၤၡူ 1:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:17

တၢ်ဒိၣ်ဧၢ, ယစံးလီၤယသးလၢနတၢ်အၢၣ်လီၤအီလီၤန့ၣ်, ကမၤပူၤဖျဲးယၤလီၤ. အဂ့ၢ်ဒ်အံၤ, စီၤပၤန့ၣ်လီၤဂာ်ဒီးကစၢ်ယွၤအကလူးတဂၤဒီးနီၤ ဖးတၢ်ဂ့ၤဒီးတၢ်အၢအဆၢသ့ဝဲဒၣ်န့ၣ်လီၤ. မ်ယွၤ, နကစၢ်ယွၤအိၣ်ဒီးနၤတက့ၢ်.”

လံာ်စီၤပၤအခီၣ်ထံးတဘ့ၣ် 1:37

ဒ်ယွၤအိၣ်တ့ၢ်လံဒီးတၢ်ဒိၣ်ကစၢ်စီၤပၤအသိး, မ်အဝဲဒၣ်အိၣ်စ့ၢ်ကီးဒီးစီၤၡလိၤမိၤဒီးဒုးဘီၣ်ထီၣ်ညီ ထီၣ်အတၢ်ပၢတၢ်ပြးဒိၣ်န့ၢ်အါန့ၢ်ဒံးနတၢ်ပၢတၢ်ပြးန့ၣ်တ က့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

စံးထီၣ်ပတြၢၤ 20:1

မ်ယွၤစံးဆၢနၤလၢ တၢ်မၤကိၢ်မၤဂီၤအမုၢ်တနံၤတက့ၢ်. မ်စီၤယၤကိာ်အကစၢ်ယွၤအမံၤ ကခိးတြီကွံာ်တၢ်အၢလၢနၤတက့ၢ်.

စံးထီၣ်ပတြၢၤ 20:4

မ်အဟ့ၣ်နၤလၢနသးအတၢ်ဆၢန့ၢ်, ဒီးမၤလၢပှဲၤနတၢ်ကူၣ်ထီၣ်ဖးလီၤခဲလၢာ်တက့ၢ်.

စံးထီၣ်ပတြၢၤ 20:9

ယွၤဧၢဟ့ၣ်တၢ်မၤနၢၤလၢစီၤပၤန့ၣ်တက့ၢ်. တုၤပကိးထီၣ်နၤဒီးစံးဆၢပှၤတက့ၢ်.

လံာ်တၢ်ဂံၢ် 27:18

ယွၤစံးဘၣ်စီၤမိၤၡ့, “ကိးန့ၢ်စီၤနိၣ်အဖိခွါပှၤတဂၤလၢ အကူၣ်သ့ကူၣ်ဘၣ်မၤတၢ်သ့, စီၤယိၤၡူ, ဒီးပာ်နစုတဖၣ်လၢအခိၣ်လိၤတက့ၢ်.

လံာ်တၢ်ဂံၢ် 27:20

ဟ့ၣ်အီၤလၢနတၢ်စိတၢ်ကမီၤဒၣ်နဲတနီၤ, ဒ်သိးကီၢ်အံၣ်စရ့လး အကမျၢၢ်ဒီဖုကစူၢ်အကလုၢ်န့ၣ်တက့ၢ်.

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

လံာ်စီၤယိၤၡူ 1:16

အဝဲသ့ၣ်စံးဆၢက့ၤစီၤယိၤၡူ, “ပကမၤတၢ်ခဲလၢာ်လၢနစံးဘၣ်တဲဘၣ်ပှၤဒီးပကလဲၤတၢ်တပူၤလၢ် လၢ်ဖဲနမၢလီၤပှၤန့ၣ်လီၤ.

လံာ်စီၤယိၤၡူ 1:18

ပှၤတဂၤလၢ်လၢ်လၢအထီဒါနတၢ်စိတၢ်ကမီၤ, ဒီးတစူၢ်ဘၣ်နတၢ်မၤလိာ်တမံၤလၢ်လၢ်န့ၣ်, ကဘၣ်တၢ်မၤသံအီၤလီၤ. ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်.”

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 4:14

ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:37

ယွၤအုၣ်က့ၤခီၣ်က့ၤတ့ၢ်ယၤလၢခ့ယုၢ်တဖၣ်ဒီးတၤသူတဖၣ်သတးဒီး အဝဲကအုၣ်က့ၤခီၣ်က့ၤယၤလၢပှၤဖလ့ၡသးဖိတဂၤအံၤအစုပူၤ န့ၣ်လီၤ. စီၤစီလူးစံးဝဲဒၣ်, “ဂ့ၤလံ, လဲၤဒီးမ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 20:13

အဝဲမ့ၢ်တိာ်သူၣ်ပာ်သးလၢကမၤဆါနၤဒီး, ယမ့ၢ်တဒုးသ့ၣ်ညါနၤလၢတၢ်ဂ့ၢ်အံၤဒီးမၤပူၤဖျဲးနၤန့ၣ်, မ်ယွၤတီၢ်သံကွံာ်ယၤတက့ၢ်. မ်ယွၤအိၣ်ဒီးနၤဒ်အအိၣ်တ့ၢ် လံဒီးယပၢ်အသိးန့ၣ်တက့ၢ်.