လံာ်စီၤယိၤၡူ 1:1 - Sgaw Karen Common Bible

¹ ယွၤအခ့အပှၤစီၤမိၤၡ့သံဝံၤအလီၢ်ခံန့ၣ်, ယွၤကတိၤတၢ်ဒီးပှၤလၢအမၤစၢၤစီၤမိၤၡ့, စီၤယိၤၡူလၢအမ့ၢ်စီၤနိၣ်အဖိခွါန့ၣ်လီၤ.

လံာ်စီၤယိၤၡူ 1:1 Iomraidhean Croise

လံာ်စီၤပၤအခီၣ်ထံးတဘ့ၣ် 19:16

ဖှူစီၤနံၣ်ၡံၤအဖိခွါစီၤယ့ၤဟူဒ်ကီၢ်အံၣ်စရ့လးအစီၤပၤ ဒီးစီၤၡၤဖးလၢဝ့ၢ်အၤဘ့လးမဃိလံၤအဖိခွါစီၤအလံၤၡါဒ် သိးကကဲထီၣ်ဝံတဂၤလၢနလီၢ်တက့ၢ်.

လံာ်စီၤပၤခံဘ့ၣ်တဘ့ၣ် 3:11

စီၤပၤယဟိၡၤဖးသံကွၢ်ဝဲဒၣ်, “ဖဲအံၤ, မ့ၢ်ဝံအိၣ်ဝဲတဂၤဂၤလၢပကသံကွၢ်တၢ်ဆူယွၤခီဖျိအီၤန့ၣ် ဧါ.” စီၤပၤယဟိရၣ်အသုးမုၢ်အသုးခိၣ်တဂၤစံးဆၢဝဲဒၣ်, “စီၤၡၤဖးအဖိခွါစီၤအလံၤၡါအိၣ်ဖဲအံၤလီၤ. အဝဲမ့ၢ်စီၤအ့ၤလံယၤအပှၤမၤစၢၤတၢ်န့ၣ်လီၤ.”

လံာ်စီၤနဃ့မယၤ 8:17

ကယဲၢ်ပှၤဂီၢ်မုၢ်လၢအဟဲက့ၤလၢတၢ်စိာ်မၢကဲကုၢ်အလီၢ်တဖၣ်န့ၣ် ဘှီထီၣ်ဒဲတဖၣ်ဒီးအိၣ်ဝဲလၢအပူၤန့ၣ်လီၤ. တၢ်အံၤမ့ၢ်အဆိကတၢၢ်တဘျီလၢတၢ်မၤအီၤစးထီၣ်ဖဲ စီၤနိၣ်အဖိခွါစီၤယိၤၡူအမုၢ်နံၤတဖၣ်ဝံၤအလီၢ်ခံန့ၣ်လီၤ. ကယဲၢ်ပှၤခဲလၢာ်အသူၣ်ပိၢ်အသးဝးဒီးသူၣ်ဖှံသးညီဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 24:13

စီၤမိၤၡ့ဒီးအပှၤမၤစၢၤအီၤစီၤယိၤၡူကတဲာ်ကတီၤအသးဒီး စီၤမိၤၡ့စးထီၣ်လဲၤထီၣ်ဆူကစၢၢ်စီဆှံအလိၤန့ၣ်လီၤ.

လံာ်တၢ်ဂံၢ် 11:28

အန့ၣ်ဒီးစီၤနိၣ်အဖိခွါစီၤယိၤၡူလၢအမၤစၢၤတ့ၢ်စီၤမိၤၡ့ စးထီၣ်လၢအသးစၢ်လံၤလံၤတဂၤန့ၣ်စံးဘၣ်စီၤမိၤၡ့, “တၢ်ဒိၣ်ဧၢ, တြီအီၤတက့ၢ်.”

လံာ်တၢ်ဂံၢ် 12:7

ဖဲယကတိၤတၢ်ဒီးယခ့ယပှၤစီၤမိၤၡ့န့ၣ်လီၤဆီဝဲဒၣ်လီၤ. ယပာ်အီၤလၢကယဲၢ်ယပှၤဂီၢ်မုၢ်အံၣ်စရ့လးခဲလၢာ်အခိၣ်န့ၣ်လီၤ.

လံာ်တၢ်ဂံၢ် 13:16

အဝဲသ့ၣ်မ့ၢ်ပှၤကွၢ်ဟုၣ်ကွၢ်စုးတၢ်လၢစီၤမိၤၡ့မၢလီၤအီၤဒ် သိးကလဲၤဃုထံၣ်သ့ၣ်ညါကီၢ်အဂ့ၢ်န့ၣ်လီၤ. အဝဲလဲလိာ်ကွံာ်စီၤနိၣ်အဖိခွါစီၤဟိၤၡံအမံၤဆူစီၤယိၤ ၡူန့ၣ်လီၤ.

လံာ်လူၤကၣ် 16:10

ပှၤတဂၤလၢ်လၢ်လၢအတီဝဲလၢတၢ်ဂ့ၢ်အဆံးဖိတဖၣ်အပူၤန့ၣ်, ကတီစ့ၢ်ကီးဝဲလၢတၢ်ဂ့ၢ်အဒိၣ်တဖၣ်အပူၤလီၤ. ပှၤတဂၤလၢ်လၢ်လၢ အတတီလၢတၢ်ဂ့ၢ်အဆံးဖိတဖၣ်အပူၤန့ၣ်ကတတီစ့ၢ်ကီးဝဲလၢတၢ်ဂ့ၢ် အဒိၣ်တဖၣ်အပူၤလီၤ.

မၤတၢ် 7:45

ဒဲန့ၣ်ဘၣ်တၢ်ဟ့ၣ်လီၤအီၤဆူပမိၢ်ပၢ်ဖံဖုလၢပျၢၤတဖၣ် အစုပူၤတဆီဘၣ်တဆီ, ဒီးအဝဲသ့ၣ်စိာ်ဃုာ်ဝဲဖဲအလဲၤတၢ်ဒီး စီၤယိၤၡူဒီးမၤန့ၢ်ဝဲပှၤကလုာ်လၢကစၢ်ယွၤဟီထီၣ်ကွံာ်အီၤတဖၣ် အထံအကီၢ်န့ၣ်လီၤ. ဒီးဒဲန့ၣ်အိၣ်ဝဲဖဲကီၢ်န့ၣ်အပူၤတုၤလီၤလၢ စီၤဒၤဝံးအစိၤတစုလီၤ.

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

လံာ်သိၣ်လီၤသီလီၤတၢ် 1:38

ဘၣ်ဆၣ်ဒီးဒုးဆူၣ်ထီၣ်ပှၤမၤစၢၤနၤ, စီၤနိၣ်အဖိခွါစီၤယိၤၡူ အတၢ်ပာ်လီၤသးန့ၣ်တက့ၢ်. အဝဲကဆှၢပှၤအံၣ်စရ့လးဖိလၢကလဲၤ မၤန့ၢ်ထံကီၢ်န့ၣ်အဂီၢ်လီၤ.

လံာ်သိၣ်လီၤသီလီၤတၢ် 31:23

အန့ၣ်ဝံၤဒီးယွၤကတိၤဃီၤတၢ်ဆူစီၤနိၣ်အဖိခွါစီၤယိၤၡူ အအိၣ်ဒီးစံးဘၣ်အီၤ, “အိၣ်ဒီးတၢ်နာ်အဂၢၢ်အကျၢၤဒီးပာ်လီၤနသးကျၢၤမုဆှုတက့ၢ်. နကဘၣ်ဆှၢနုာ်ကီၢ်အံၣ်စရ့လးအပှၤဂီၢ်မုၢ်ဆူကီၢ်တဘ့ၣ်လၢယအၢၣ် လီၤတ့ၢ်အဝဲသ့ၣ်လၢယကဟ့ၣ်အီၤအပူၤ, ဒီးယကအိၣ်ဒီးနၤန့ၣ်လီၤ.”

လံာ်သိၣ်လီၤသီလီၤတၢ် 31:3

ယွၤ, သုကစၢ်ယွၤအကစၢ်ဒၣ်ဝဲကလဲၤတၢ်လၢသုမဲာ်ညါဒီးမၤဟး ဂီၤကွံာ်ပှၤကလုာ်တဖၣ်လၢအအိၣ်ဆိးဖဲန့ၣ်, ဒ်သိးသုမၤန့ၢ်အဝဲသ့ၣ်အထံအကီၢ်ကသ့ဝဲ, ဒီးဒ်ယွၤစံးတ့ၢ် ဝဲအသိးန့ၣ်, စီၤယိၤၡူကကဲထီၣ်သုခိၣ်သုနၢ်န့ၣ်လီၤ.

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

လံာ်သိၣ်လီၤသီလီၤတၢ် 34:12

တၢ်အဒိၣ်အမုၢ်ဒီးတၢ်လီၤပျံၤတဖၣ်လၢစီၤမိၤၡ့မၤတ့ၢ်ဝဲလၢ ကယဲၢ်အံၣ်စရ့လးအမဲာ်ညါန့ၣ်, ဝံအဂၤမၤတ့ၢ်အီၤတသ့ နီတစု, နီတဂၤဘၣ်.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

တံတူး 1:1

လံာ်ပရၢအံၤဟဲလၢ, ကစၢ်ယွၤအခ့အပှၤဒီးယ့ၣ်ၡူးခရံာ်အပှၤ တၢ်မၢဖိစီၤပီလူးအအိၣ်လီၤ. ယဘၣ်တၢ်ဃုထၢဒီးမၢလီၤယၤဒ်သိးယကမၤစၢၤကစၢ်ယွၤ အပှၤဃုထၢဖိတဖၣ်အတၢ်စူၢ်တၢ်နာ်, ဒီးဆှၢအဝဲသ့ၣ်ဆူတၢ်မ့ၢ်တၢ်တီလၢအဘၣ်တၢ်သိၣ်လိအီၤလၢ ပတၢ်ဘူၣ်တၢ်ဘါ,

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

လံာ်စီၤယိၤၡူ 1:15

တုၤအနုာ်လီၤမၤန့ၢ်တၢ်လီၢ်လၢထံကျိယၢ်ဒ့ၣ်အမုၢ်နုာ်တကပၤလၢ ယွၤသုကစၢ်ဟ့ၣ်လီၤအဝဲသ့ၣ်န့ၣ်လီၤ. ဖဲပှၤအံၣ်စရ့လးဖိအဒူၣ်ခဲလၢာ်မၤန့ၢ်အလီၢ်အိၣ်လီၢ်ဆိးလၢ အဂီၢ်လံဒီး, သုကဟဲက့ၤဒီးအိၣ်ဆိးဖဲအံၤလၢသုလီၢ်ဒၣ် သုဝဲလၢထံကျိယၢ်ဒ့ၣ်အမုၢ်ထီၣ်တကပၤ, လၢယွၤအခ့အပှၤစီၤမိၤၡ့ဟ့ၣ်လီၤသုန့ၣ်လီၤ.”

လံာ်စီၤယိၤၡူ 1:2

အဝဲစံးဝဲ, “ယခ့ယပှၤစီၤမိၤၡ့သံလံ. အိၣ်ကတဲာ်ကတီၤသုသးခဲအံၤ, နၤဒီးပှၤအံၣ်စရ့လးဖိခဲလၢာ်, ဒီးလဲၤခီဂာ်ထံကျိယၢ်ဒ့ၣ်ဒီးလဲၤနုာ်ဆူကီၢ်လၢယဟ့ၣ်လီၤ အဝဲသ့ၣ်န့ၣ်တက့ၢ်.

လံာ်စီၤယိၤၡူ 12:6

စီၤပၤခံဂၤအံၤဘၣ်တၢ်မၤနၢၤအီၤလၢစီၤမိၤၡ့ဒီးပှၤအံၣ်စရ့လးဖိ န့ၣ်လီၤ. ယွၤအခ့အပှၤစီၤမိၤၡ့ဟ့ၣ်လီၤအကီၢ်ဆူရူၤဘ့ၣ်ဒီးကးအဒူၣ် ဖိတဖၣ်ဒီးမနၤၡ့ၣ်အဒူၣ်တဝာ်လၢအတၢ်န့ၢ်သါအဂီၢ်န့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.