လံာ်ယိၤနါ 4:6 - Sgaw Karen Common Bible

⁶ ဒီးကစၢ်ယွၤပာ်လီၤမာ်တိတထံးဒီးဒုးကဟုအီၤလၢစီၤယိၤနါအဖီခိၣ်, ဒ်သိးအကလီၤကဒုလၢအခိၣ်, ဒီးကမၤမုာ်အီၤလၢအတၢ်သူၣ်တမုာ်သးတမုာ်န့ၣ်လီၤ. အန့ၣ်ဒီးစီၤယိၤနါသးခုဒိၣ်ဒိၣ်ကလဲာ်လၢမာ်တိတထံးန့ၣ်အဃိလီၤ.

လံာ်ယိၤနါ 4:6 Iomraidhean Croise

လံာ်နီၢ်အ့ၤစတၢ် 5:9

တုၤစီၤဟၤမၣ်အီၣ်တၢ်ဝံၤဒီးဟးထီၣ်န့ၣ်အသူၣ်ခုသးခုဒီးအသူၣ် မုာ်သးမုာ်ဝဲဒၣ်လီၤ. ဘၣ်ဆၣ်ဒီးတုၤအထံၣ်စီၤမၢ်ဒကဲၤလၢနီအကျဲစၢၤ, ဒီးဖဲစီၤမၢ်ဒကဲၤတဂဲၤဆၢထၢၣ်မ့ၢ်ဂ့ၤ, တပာ်ဖျါထီၣ်တၢ်ပနီၣ် လၢအဟ့ၣ်အီၤတၢ်ယူးယီၣ်မ့ၢ်ဂ့ၤဖဲအဝဲက့ၤခီပတာ်ဘၣ်န့ၣ်အသး ထီၣ်ဘၣ်စီၤမၢ်ဒကဲၤန့ၣ်လီၤ.

လံာ်စီၤယိၤဘး 7:2

ဒ်ကုၢ်တဂၤလၢအဆၢန့ၢ်တၢ်ကဒုအသိး, ဒီးဒ်ပှၤမၤတၢ်ဖိတဂၤလၢ အခိးကွၢ်လၢ်အဘူးအလဲအသိးန့ၣ်လီၤ.

တၢ်ကတိၤဒိ. 23:5

နကျိၣ်ဧိၤစ့ဧိၤကလီၤမၢ်ကွံာ်လၢတဖျးမဲာ်အတီၢ်ပူၤ, ဒီးကမၤအသးဒ်အဒံးတဖၣ်အိၣ်ထီၣ်ဝဲဒီးယူၤထီၣ်ကွံာ်ဝဲဒ်လံာ် ကြီကြာ်တဘ့ၣ်အသိးန့ၣ်လီၤ.

လံာ်ယၡါယၤ 39:2

စီၤပၤဃံးစကံယၤတူၢ်လိာ်မုာ်ပှၤဟဲစိာ်တၢ်ကစီၣ်တဖၣ်ဒီးဒုး နဲၣ်အဝဲသ့ၣ်လၢအတၢ်ထူးတၢ်တီၤ, အထူဒီးအစ့တဖၣ်, အတၢ်နၢမူဒီးအသိနၢမူလုၢ်ဒိၣ်ပှ့ၤဒိၣ်တဖၣ်, ဒီးအတၢ်ဒုးသုးအပီးအလီခဲလၢာ်န့ၣ်လီၤ. တၢ်လၢအဝဲတဒုးနဲၣ် အဝဲသ့ၣ်လၢအတၢ်ပာ်ဖှိၣ်အလီၢ်တဖၣ်အပူၤမ့ၢ်ဂ့ၤလၢအဘီအမုၢ် အလီၢ်တပူၤပူၤမ့ၢ်ဂ့ၤန့ၣ်, တအိၣ်နီတမံၤဘၣ်.

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

လံာ်ယိၤနါ 1:17

ဒီးယွၤမၤလိာ်ညၣ်ဖးဒိၣ်တဘ့ၣ်လၢကယူၢ်လီၤကွံာ်စီၤ ယိၤနါလီၤ. ဒီးစီၤယိၤနါအိၣ်ဝဲလၢညၣ်ဖးဒိၣ်အဟၢဖၢပူၤ န့ၣ်သၢနံၤဒီးသၢနၤလီၤ.

လံာ်ယိၤနါ 4:5

အန့ၣ်ဒီးစီၤယိၤနါဟးထီၣ်လၢဝ့ၢ်ပူၤဒီး ဆ့ၣ်နီၤဝဲဖဲအမုၢ်ထီၣ်ဒီးမၤထီၣ်ဒဲတဖျၢၣ်လၢအဂီၢ်ဖဲန့ၣ်လီၤ. ဆ့ၣ်နီၤဝဲလၢဒဲအကဒုပူၤတုၤလၢအ ကထံၣ်ဘၣ်ဝဲတၢ်ကမၤအသးဒီးဝ့ၢ်ဒ်လဲၣ်န့ၣ်လီၤ.

လံာ်ယိၤနါ 4:7

ဘၣ်ဆၣ်လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်ကစၢ် ယွၤမၤလိာ်တၢ်ဖိဃၢ်တဘိလၢကအီၣ်ကွံာ်မာ်တိဒီးအလၣ် လီၤညွံးလီၤဘဲကွံာ်ဝဲလီၤ.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

1 ကရံၣ်သူး 7:30

ပှၤလၢအဟီၣ်အယၢၤတဖၣ်, ဒ်အသူၣ်တအုးအသးတအုး အသိး, ပှၤလၢအနံၤအအ့တဖၣ်ဒ်အသူၣ်တခုသးတခုအသိး, ပှၤလၢအပှ့ၤတၢ်တဖၣ်, ဒ်တၢ်လၢအပှ့ၤဝဲတမ့ၢ်အတၢ်အသိး,