လံာ်ယိၤနါ 3:9 - Sgaw Karen Common Bible

⁹ ဘၣ်တဘၣ်ကစၢ်ယွၤကလဲလိာ်က့ၤအသး, ဘၣ်တဘၣ်အဝဲကဆိ ကတီၢ်ကွံာ်အတၢ်သးဒိၣ်ဒီးပတတုၤလၢတၢ်ဟးဂီၤလၢၤဘၣ်.”

လံာ်ယိၤနါ 3:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:22

စီၤဒၤဝံးစံးဆၢဝဲ, “မ့ၢ်လီၤ. ဖဲအဝဲအိၣ်မူဒံးဝဲအခါန့ၣ် ယဒုၣ်တၢ်အီၣ်တၢ်အီဒီးဟီၣ်တၢ်ယၢၤတၢ်လီၤ. ယဆိကမိၣ်လၢယွၤကသးကညီၤယၤဒီးတပျဲဖိသၣ်သံဘၣ်န့ၣ်လီၤ.

စံးထီၣ်ပတြၢၤ 106:45

လၢအဝဲသ့ၣ်အဂီၢ် ယွၤသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤဒီး လၢအတၢ်အဲၣ်ဒိၣ်ဝဲအဃိ, အဝဲထိၣ်ကဆှၣ်လီၤက့ၤအသးန့ၣ်လီၤ.

စံးထီၣ်ပတြၢၤ 85:3

နဆိကတီၢ်နတၢ်သးဒိၣ်ထီၣ်ဘၣ်အဝဲသ့ၣ်, ဒီးနဃၣ်က့ၤနတၢ်သးကဲၤထီၣ်န့ၣ်လီၤ.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

လံာ်ယံးရမံယၤ 26:13

သုကဘၣ်လဲလိာ်ကွံာ်ကျဲလၢ သုအိၣ်မူအီၤဒီးတၢ်တဖၣ် လၢ သုမၤအီၤ, ဒီးသုကဘၣ်စူၢ်ယွၤ, သုကစၢ်ယွၤန့ၣ်လီၤ. သုမ့ၢ်မၤအီၤဒီး, အဝဲကလဲလိာ်ကွံာ် အတၢ်ပာ်လီၤသးဘၣ်ဃးတၢ်မၤဟးဂီၤလၢ အဝဲစံးတ့ၢ်ဝဲလၢ ကဒုးလီၤဘၣ်အီၤလၢသုလိၤန့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်ယိၤနါ 1:15

အန့ၣ်ဒီးအဝဲသ့ၣ်ဟံးထီၣ်စီၤယိၤနါ, ဒီးတ့ၢ်လီၤကွံာ်အီၤဆူ ပီၣ်လဲၣ်ပူၤဒီးပီၣ်လဲၣ်အိၣ်ဂၢၢ်က့ၤတကီၢ်ခါန့ၣ်လီၤ.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:5

သုကဘၣ်မၤတၢ်ဂီၤသိအသးတၢ်အချံထီၣ်ဒီးညိးဒီးယုၢ်ဖိ လၢအမၤဟးဂီၤသုကီၢ်ဒီးသုကဘၣ်ဟ့ၣ်တၢ်လၤကပီၤဆူ ကီၢ်အံၣ်စရ့လးအကစၢ်ယွၤအအိၣ်န့ၣ်လီၤ. ဘၣ်သ့ၣ်သ့ၣ်အဝဲကဆိကတီၢ်တၢ်စံၣ်ညီၣ်သု, သုကစၢ်တဖၣ်ဒီးသုကီၢ်လီၤ.