လံာ်ယိၤနါ 3:5 - Sgaw Karen Common Bible

⁵ ဒီးပှၤနံၤနဝ့ဖိတဖၣ်နာ်ကစၢ်ယွၤအတၢ်ကစီၣ်လီၤ. လၢတၢ်န့ၣ်အဃိ, အဝဲသ့ၣ်ဘိးဘၣ်သ့ၣ်ညါတၢ်ဒုၣ်တၢ်အီၣ်, ဒီးပှၤခဲလၢာ်, ပှၤအဒိၣ်တုၤလၢပှၤအဆံးသိးထီၣ်ဆ့ကၤထၢၣ်သွ့ဒ်သိးကပာ်ဖျါ ထီၣ်ဝဲလၢအဝဲသ့ၣ်ပီၢ်ယၢ်လီၤက့ၤလံအသးန့ၣ်လီၤ.

လံာ်ယိၤနါ 3:5 Iomraidhean Croise

လံာ်စီၤပၤခံဘ့ၣ်တဘ့ၣ် 19:1

တုၤစီၤဃံးစကံယၤနၢ်ဟူအဝဲသ့ၣ်အတၢ်ပာ်ဖျါထီၣ်တဘျီဃီန့ၣ်, အဝဲဖှီယာ်အဆ့တဖၣ်လၢတၢ်သူၣ်အုးသးအုးအပူၤ, ကၤထီၣ်ဆ့ကၤထၢၣ်တၢ်ကံးညာ်, ဒီးလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

လံာ်စီၤဧ့စြၤ 8:21

ဖဲအၤဟဝၤထံကျိအကပၤန့ၣ်, ယဟ့ၣ်လီၤယကလုၢ်လၢပဝဲ ခဲလၢာ်ပကဒုၣ်တၢ်အီၣ်တၢ်အီဒီးဆီၣ်လီၤပသးလၢပကစၢ်ယွၤအမဲာ် ညါ, ဒီးဃ့အီၤလၢကဆှၢပှၤလၢပတၢ်လဲၤအပူၤဒီးကဒီဒၣ်အိၣ်ပှိၤပှၤ ဒီးပဖိတဖၣ်ဒီးကယဲၢ်တၢ်လၢအအိၣ်ဒီးပှၤတဖၣ်န့ၣ်လီၤ.

လံာ်နီၢ်အ့ၤစတၢ် 4:1

တုၤစီၤမၢ်ဒကဲၤသ့ၣ်ညါဘၣ်တၢ်မၤအသးခဲလၢာ်ဒီး, အဝဲဖှီအကူအသိးလၢတၢ်သူၣ်ကိၢ်သးဂီၤနးမးအပူၤလီၤ. အန့ၣ်ဝံၤဒီးအဝဲကူထီၣ်သိးထီၣ်ဆ့ကၤထၢသွ့, ဖှံအခိၣ်ဒီးဖၣ်ဆါဒီးဟးလၢဝ့ၢ်ပူၤ, ဒီးဟီၣ်ဝဲဒိၣ်ဒိၣ် ကလဲာ်လၢတၢ်သူၣ်အုးသးအုးအပူၤ,

လံာ်တၢ်ဟးထီၣ်ကွံာ် 33:6

မၤသးဒ်န့ၣ်ဒီး, ဖဲအဝဲသ့ၣ်ဟးထီၣ်ကွံာ်လၢကစၢၢ်စံၤနါဝံၤ အလီၢ်ခံန့ၣ်ကီၢ်အံၣ်စရ့လးအပှၤဂီၢ်မုၢ်တကယၢကယဲလၢၤဘၣ်အသး လၢတၢ်မျၢ်လုၢ်ဒိၣ်ပှ့ၤဒိၣ်တဖၣ်လၢၤဘၣ်.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 36:9

ဖဲစီၤယိၤၡံယၤ အဖိခွါ ကီၢ်ယူဒၤအစီၤပၤ စီၤယဟိၤယါကံၣ်အနံၣ် ပှဲၤထီၣ်ယဲၢ်နံၣ်တနံၣ်, လါခွံလါတလါအပူၤန့ၣ်, ပှၤဂီၢ်မုၢ် ဒုၣ်တၢ်အီၣ် ဒ်သိးကန့ၢ်ဘၣ်ယွၤအတၢ်ကွၢ်မဲာ် အဂီၢ်န့ၣ်လီၤ. တၢ်ဒုၣ်တၢ်အီၣ်အံၤ ဘၣ်တၢ်မၤအီၤလၢ ပှၤခဲလၢာ် လၢအအိၣ် လၢဝ့ၢ်ယရူၤၡလ့ၣ်အပူၤ ဃုာ်ဒီး, ပှၤခဲ လၢာ်လၢ အဟဲဖဲန့ၣ်လၢ ကီၢ်ယူဒၤအဝ့ၢ်တဖၣ်အပူၤ န့ၣ်လီၤ.

လံာ်ယံးရမံယၤ 42:1

အန့ၣ်ဒီး, သုးမုၢ်အခိၣ်အနၢ်ခဲလၢာ်, ဃုာ်ဒီးစီၤကါရ့ၤအဖိခွါ စီၤယိဃၤန့ၣ်, ဒီးစီၤဟိၤၡၤယၤအဖိခွါ စီၤယစါနယၤ ဟဲဝဲဒီး ပှၤဂီၢ်မုၢ်စးထီၣ်လၢ အဆံးကတၢၢ်ပၢၢ်တုၤလၢအဒိၣ်ကတၢၢ်,

လံာ်ယံးရမံယၤ 42:8

လၢတၢ်န့ၣ်အဃိ ယကိးဖှိၣ်စီၤယိဃၤနၣ်, ကယဲၢ်သုးမုၢ်သံၣ်ဘိ အခိၣ်အနၢ်လၢအအိၣ်ဒီးအီၤခဲလၢာ်, ဒီးပှၤဂီၢ်မုၢ်အဂၤခဲလၢာ်န့ၣ်လီၤ.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်ယိၤအ့လး 1:14

ဘိးဘၣ်သ့ၣ်ညါလၢတၢ်ဒုၣ်တၢ်အီၣ်တၢ်အီအဂီၢ်, ကိးတၢ်အိၣ်ဖှိၣ်ရိဖှိၣ်, ကိးဖှိၣ်ပှၤခိၣ်ပှၤနၢ်တဖၣ် ဒီးယူဒၤအပှၤဂီၢ်မုၢ်ခဲလၢာ် ဆူယွၤအတၢ်လုၢ်ဟံၣ်အပူၤဒီးကိးထီၣ်ဆူ ယွၤအအိၣ်တက့ၢ်.

လံာ်ယိၤနါ 3:7

အဝဲဆှၢလီၤတၢ်ဘိးဘၣ်သ့ၣ်ညါဆူဝ့ၢ်နံၤနဝ့ဒီဝ့ၢ်အပူၤ, “အအံၤမ့ၢ်စီၤပၤဒီးအပဒိၣ်တဖၣ်စံၣ်ညီၣ်ခါလီၤအကလုၢ်န့ၣ် လီၤ. အဃိ ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ဂီၤဘုၣ်ဂီၤဖံးမ့ၢ်ဂ့ၤ, သိဒီးမဲာ်တဲးလဲးမ့ၢ်ဂ့ၤ, မ်အသုတအီၣ်ကွၢ်တၢ်နီတမံၤတဂ့ၤ. မ်အသုတအီၣ်အဆၣ်ဒီးအသုတအီထံတဂ့ၤ.

လံာ်မးသဲ 12:41

လၢမုၢ်စံၣ်ညီၣ်အနံၤန့ၣ်, ပှၤဝ့ၢ်နံၤနဝ့ဖိတဖၣ်ကဆၢထၢၣ်ဒီးပှၤတစိၤအံၤဒီး ကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤ, အဝဲသ့ၣ်ပီၢ်ယၢ်လီၤက့ၤအသး ဒီးဃၣ်လိၤက့ၤအသးဖဲအနၢ်ဟူစီၤယိၤနါအတၢ်စံၣ်တဲၤတဲလီၤန့ၣ်လီၤ. ယစံးဘၣ်တဲဘၣ်သု, တၢ်တမံၤအဒိၣ်န့ၢ်ဒီးစီၤယိၤနါအိၣ်ဖဲအံၤလီၤ.

လံာ်လူၤကၣ် 11:32

လၢမုၢ်စံၣ်ညီၣ်နံၤန့ၣ်, ပှၤနံၤနဝ့ဖိတဖၣ်ကဂဲၤဆၢထၢၣ် ဒီးပာ်တၢ်ကမၣ်ထီဒါသု, အဂ့ၢ်မ့ၢ်လၢအဝဲသ့ၣ်ဃၣ်ကဒါကွံာ်အသးလၢ အတၢ်ဒဲးတူာ်ဒဲးဘးတဖၣ်ဖဲအနၢ်ဟူဘၣ်စီၤယိၤနါစံၣ်တဲၤတဲလီၤတၢ် အဃိလီၤ. ဒီးယစံးဘၣ်သု, ပှၤလၢအဒိၣ်န့ၢ်ဒံးစီၤယိၤနါအိၣ်မးဝဲဖဲအံၤတဂၤလီၤ.

မၤတၢ် 27:25

လၢတၢ်န့ၣ်အဃိ, တံၤသကိးသ့ၣ်ဧၢ, ပာ်ဆူၣ်သုသးတက့ၢ်. အဂ့ၢ်ဒ်အံၤယနာ်ကစၢ်ယွၤလၢတၢ်ကမၤအသးဒ်ယဘၣ် တၢ်စံးဘၣ်တဲဘၣ်ယၤအသိးန့ၣ်လီၤ.

မၤတၢ် 8:10

ပှၤကိးဂၤဒဲး, စးထီၣ်လၢပှၤဒိၣ်ပှၤပှၢ်တုၤလီၤလၢပှၤပတီၢ်မုၢ်လၢဝ့ၢ်န့ၣ် အပူၤဒိကနၣ်အီၤလၢတၢ်သးစၢၢ်ဆၢအပူၤလီၤ. အဝဲသ့ၣ်တဖၣ်စံးဝဲလၢစီၤၡံမိၣ်မ့ၢ်ကစၢ်ယွၤအစိကမီၤလၢ အဘၣ်တၢ်ကိးအီၤလၢတၢ်စိကမီၤဖးဒိၣ်န့ၣ်လီၤ.

ဧ့ၤဘြံၤ 11:1

တၢ်စူၢ်တၢ်နာ်မ့ၢ်တၢ်လၢအမၤဂၢၢ်မၤကျၢၤတၢ်လၢပမုၢ်လၢ်ပဝဲ တဖၣ်ဒီးဒုးသ့ၣ်ညါလီၤတံၢ်ပှၤတၢ်တဖၣ်လၢပထံၣ်အီၤတသ့ဘၣ် န့ၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”