လံာ်ယိၤနါ 3:4 - Sgaw Karen Common Bible

⁴ စီၤယိၤနါစးထီၣ်လဲၤနုာ်လၢဝ့ၢ်ပူၤ, လဲၤတၢ်တနံၤအကျဲဒီးကိးထီၣ်ဝဲ, “အိၣ်တီၢ်ဒၣ်အနံၤလွံၢ်ဆံလၢဝ့ၢ်နံၤနဝ့ကဘၣ်တၢ်မၤဟးဂီၤ ကွံာ်အီၤန့ၣ်လီၤ.”

လံာ်ယိၤနါ 3:4 Iomraidhean Croise

လံာ်စီၤပၤခံဘ့ၣ်တဘ့ၣ် 20:1

ဖဲတၢ်ဆၢကတီၢ်အပူၤအတ့ၤအံၤ, စီၤပၤဃံးစကံယၤဆါထီၣ်ဝဲ ဒီးဘူးတ့ၢ်မးလၢအကသံန့ၣ်လီၤ. စီၤအၤမိာ်အဖိခွါဝံယၡါယၤလဲၤဆူအအိၣ်ဒီးစံးဘၣ်အီၤ, “ယွၤတဲဘၣ်နၤလၢနကဘၣ်သုးကျဲၤပာ်တၢ်ခဲလၢာ်ဘၣ်လီၢ်ဘၣ်စး, မ့ၢ်လၢနတဘျါက့ၤလၢၤဘၣ်အဃိလီၤ. အိၣ်ကတဲာ်ကတီၤနသးလၢနကသံအဂီၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 20:6

ယကဒုးအိၣ်မူဒံးနၤဆူညါတဆံယဲၢ်နံၣ်န့ၣ်လီၤ. ယကမၤပူၤဖျဲးနၤဒီးဝ့ၢ်ယရူၤၡလ့ၣ်အံၤလၢကီၢ်အၤၡူၢ်အစီၤပၤ ဖးဒိၣ်အစုပူၤန့ၣ်လီၤ. ယကဒီဒၣ်အိၣ်ပှိၤဝ့ၢ်အံၤလၢယလၤကပီၤဒၣ်ယဲအဂီၢ်ဒီးလၢတၢ်အၢၣ် လီၤလၢယမၤတ့ၢ်အီၤဒီးယခ့ယပှၤစီၤဒၤဝံးအဃိန့ၣ်လီၤ.”

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယံးရမံယၤ 42:10

‘သုသးမ့ၢ်အိၣ်လၢ သုကအိၣ်ဆိးဘၣ်ဒံးလၢ ကီၢ်အံၤ အပူၤဒီး, ယကမၤထီၣ်သု, ဒီးတမၤလီၤပှီၢ်သုဘၣ်. ယကသူၣ်လီၤဒီး ယတထဲးလီၤကွံာ်ဘၣ်သုဘၣ်. တၢ်ဟးဂီၤလၢ ယဒုးဘၣ်သုန့ၣ် ဒုးသးအုးတ့ၢ်ယၤဒိၣ်မးလီၤ.

လံာ်ယိၤနါ 3:10

ကစၢ်ယွၤထံၣ်တၢ်လၢအဝဲသ့ၣ်မၤဝဲ, ထံၣ်ဝဲလၢအဝဲသ့ၣ်ညိကွံာ်အသးလၢအကျဲအအၢအသီန့ၣ်လီၤ. အန့ၣ်ဒီးအဝဲလဲလိာ်ကွံာ်အတၢ်ပာ်လီၤ အသးဒီးတစံၣ်ညီၣ်ဘၣ်အဝဲသ့ၣ်ဒ်အစံးတ့ၢ်လၢကမၤဝဲအသိးန့ၣ် ဘၣ်.

လံာ်မးသဲ 12:41

လၢမုၢ်စံၣ်ညီၣ်အနံၤန့ၣ်, ပှၤဝ့ၢ်နံၤနဝ့ဖိတဖၣ်ကဆၢထၢၣ်ဒီးပှၤတစိၤအံၤဒီး ကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤ, အဝဲသ့ၣ်ပီၢ်ယၢ်လီၤက့ၤအသး ဒီးဃၣ်လိၤက့ၤအသးဖဲအနၢ်ဟူစီၤယိၤနါအတၢ်စံၣ်တဲၤတဲလီၤန့ၣ်လီၤ. ယစံးဘၣ်တဲဘၣ်သု, တၢ်တမံၤအဒိၣ်န့ၢ်ဒီးစီၤယိၤနါအိၣ်ဖဲအံၤလီၤ.

လံာ်လူၤကၣ် 11:30

ဒ်ဝံယိၤနါမ့ၢ်တၢ်ပနီၣ်တမံၤလၢပှၤနံၤနဝ့ဖိတဖၣ်အဂီၢ်အသိးန့ၣ်, ပှၤကညီဖိခွါကမ့ၢ်တၢ်ပနီၣ်လၢပှၤတစိၤအံၤအဂီၢ်လီၤ.

လံာ်လူၤကၣ် 11:32

လၢမုၢ်စံၣ်ညီၣ်နံၤန့ၣ်, ပှၤနံၤနဝ့ဖိတဖၣ်ကဂဲၤဆၢထၢၣ် ဒီးပာ်တၢ်ကမၣ်ထီဒါသု, အဂ့ၢ်မ့ၢ်လၢအဝဲသ့ၣ်ဃၣ်ကဒါကွံာ်အသးလၢ အတၢ်ဒဲးတူာ်ဒဲးဘးတဖၣ်ဖဲအနၢ်ဟူဘၣ်စီၤယိၤနါစံၣ်တဲၤတဲလီၤတၢ် အဃိလီၤ. ဒီးယစံးဘၣ်သု, ပှၤလၢအဒိၣ်န့ၢ်ဒံးစီၤယိၤနါအိၣ်မးဝဲဖဲအံၤတဂၤလီၤ.

လံာ်သိၣ်လီၤသီလီၤတၢ် 18:22

ဝံတဂၤမ့ၢ်ကတိၤတၢ်လၢယွၤအမံၤအပူၤဒီးတၢ်လၢအဝဲစံးန့ၣ် မ့ၢ်တလၢထီၣ်ပှဲၤထီၣ်ဘၣ်ဒီး, တၢ်န့ၣ်တမ့ၢ်ဘၣ်ယွၤအတၢ်ကစီၣ်ဘၣ်. ဝံန့ၣ်ကတိၤလံတၢ်လၢအစိ ကမီၤဒၣ်အဖီခိၣ်, ဒီးသုတဘၣ်ပျံၤအီၤန့ၣ်ဘၣ်.