လံာ်ယိၤနါ 3:3 - Sgaw Karen Common Bible

³ အန့ၣ်သတးဒီးစီၤယိၤနါဒိကနၣ်ယွၤဒီးလဲၤဆူဝ့ၢ်နံၤနဝ့, ဝ့ၢ်လၢအဒိၣ်ဝဲလဲၢ်ဝဲတုၤဒၣ်လဲာ်တၢ်ဘၣ်လဲၤခီဝဲလၢခီၣ်သၢသီ န့ၣ်လီၤ.

လံာ်ယိၤနါ 3:3 Iomraidhean Croise

လံာ်တၢ်ကဲထီၣ်အခီၣ်ထံး 22:3

ဒီးလၢခံတနံၤဂီၤဂီၤန့ၣ်စီၤအၤဘြၤဟၣ်တိသ့ၣ်ဖးသ့ၣ်မုၣ် လၢကလုၢ်တၢ်ပာ်တၢ်အဂီၢ်ဒီးပဒၢးထီၣ်အီၤလၢအကသ့ၣ်ယီၤအလိၤဝံၤ ကိးဝဲစီၤအံၤစဲးဒီးအခ့အပှၤခံဂၤဃုာ်ဒီးအီၤန့ၣ်လီၤ. အဝဲသ့ၣ်စးထီၣ်လဲၤတၢ်ဆူတၢ်လီၢ်လၢကစၢ်ယွၤတဲတ့ၢ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:8

ဒီးနီၢ်ရၤဃ့လးစံးဝဲ, “ယဒုးတၢ်ဒုးလၢအဆူၣ်ဒီးယဒီပုၢ် ဝဲၢ်မုၣ်လီၤ. ဘၣ်ဆၣ်ယမၤနၢၤအီၤလံ.” ဒီးယုၢ်န့ၢ်ဝဲအမံၤလၢစီၤနးသၤလံလီၤ.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

စံးထီၣ်ပတြၢၤ 80:10

အဝဲဒၣ်မၤပှဲၤတၢ်လူၢ်တဖၣ်ဒီး အကဒုဒီးအဒ့တဖၣ် လီၤကဒုဘၣ်သ့ၣ်ဆှိုအ့ရ့းဖးဒိၣ်တဖၣ်လီၤ.

လံာ်ယၡါယၤ 37:37

အန့ၣ်ဒီး, ပှၤအၤၡူၢ်ဖိအစီၤပၤဖးဒိၣ်စၤနဃ့ရံာ်ဂုၤက့ၤဆူ အလီၢ်ခံဒီးက့ၤကဒါက့ၤဆူဝ့ၢ်နံၤနဝ့န့ၣ်လီၤ.

လံာ်ယိၤနါ 1:2

“လဲၤဆူဝ့ၢ်နံၤနဝ့လၢအမ့ၢ်ဝ့ၢ်ဖးဒိၣ်တဖျၢၣ်န့ၣ်ခဲအံၤ, ဒီးကတိၤတၢ်ထီဒါအီၤတက့ၢ်. အတၢ်အၢတၢ်သီန့ၣ်ထီၣ်ဘးလံလၢယမဲာ်ညါလံန့ၣ်လီၤ.”

လံာ်ယိၤနါ 4:11

ဒီးမ့ၢ်တကြၢးယသးအိၣ်ဘၣ်နံၤနဝ့, ဝ့ၢ်ဖးဒိၣ်တဖျၢၣ်, လၢပှၤကညီတသ့ၣ်ညါအစုထွဲဒီးအစု စ့ၣ်အိၣ်ဝဲလၢတကလီၢ်ခံကလးအဘျဲၣ်ဒီးဆၣ်ဖိကီၢ်ဖိအါအါကလဲာ် န့ၣ်ဘၣ်ဧါ.”

၂ တံၤမသ့း 4:11

ပှၤအိၣ်ဒီးယၤထဲစီၤလူၤကၣ်တဂၤဧိၤန့ၣ်လီၤ. ကိးန့ၢ်စီၤမၢ်ကူးဒီးမၢအဟဲဒီးနၤတက့ၢ်. အဂ့ၢ်ဒ်အံၤ, အဝဲမၤစၢၤယၤလၢတၢ်မၤအပူၤသ့ဒီးကဲဘျုးလၢယဂီၢ်ဒိၣ်မး န့ၣ်လီၤ.