လံာ်ယိၤနါ 3:2 - Sgaw Karen Common Bible

² “ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

လံာ်ယိၤနါ 3:2 Iomraidhean Croise

လံာ်နီၢ်အ့ၤစတၢ် 9:31

ဒီးသိၣ်လိနဲၣ်ယုၤအဝဲသ့ၣ်ဒီးအစၢၤအသွဲၣ်တဖၣ်လၢကတိၢ်န့ၢ်ဖံး ဃာ်ဘူၣ်ပူရံၣ်အမုၢ်နံၤတဖၣ်လၢအဆၢကတီၢ်ဒၣ်ဝဲ, ဒ်သိးဒၣ်အဝဲသ့ၣ်အိၣ်ဒီးတၢ်သိၣ်တၢ်သီတဖၣ် ဘၣ်ဃးဒီးတၢ်မၤတၢ်ဒုၣ်တၢ်အီၣ်တၢ်အီတဖၣ်ဒီးတၢ်သူၣ် အုးသးအုးအသိးအဆၢကတီၢ်တဖၣ်န့ၣ်လီၤ. တၢ်အံၤမ့ၢ်စီၤမၢ်ဒကဲၤဒီးနီၢ်ပၤမုၣ်အ့ၤစတၢ်ခံဂၤလိာ်အတၢ် မၤလိာ်န့ၣ်လီၤ.

လံာ်တၢ်ဟးထီၣ်ကွံာ် 4:28

တုၤနုၤတစုစီၤမိၤၡ့တဲဘၣ်စီၤအၤဟရိၣ်ကယဲၢ်တၢ်လၢယွၤစံး ဘၣ်အီၤခဲလၢာ်, ဒီးတၢ်လီၤလးတဖၣ်လၢယွၤမၢအမၤဝဲ န့ၣ်လီၤ.

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယဃ့းစက့လး 2:7

တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

လံာ်ယဃ့းစက့လး 3:17

“ပှၤကညီလၢ အသံသ့ဧၢ, ယဒုးကဲထီၣ်နၤလၢ ပှၤခိးကွၢ်တၢ်ဖိ တဂၤလၢ ကီၢ်အံၣ်စရ့လး အပှၤတကလုာ်အဂီၢ်လီၤ. တၢ်ပလီၢ် ပဒီတဖၣ်လၢ ယဟ့ၣ်လီၤနၣ်, နကဘၣ်ဟ့ၣ်ခီဟ့ၣ်နီၤဆူအဝဲသ့ၣ် အအိၣ်န့ၣ်တက့ၢ်.

လံာ်ယိၤနါ 1:2

“လဲၤဆူဝ့ၢ်နံၤနဝ့လၢအမ့ၢ်ဝ့ၢ်ဖးဒိၣ်တဖျၢၣ်န့ၣ်ခဲအံၤ, ဒီးကတိၤတၢ်ထီဒါအီၤတက့ၢ်. အတၢ်အၢတၢ်သီန့ၣ်ထီၣ်ဘးလံလၢယမဲာ်ညါလံန့ၣ်လီၤ.”

လံာ်ယိၤနါ 3:1

ဒီးယွၤအကလုၢ်လီၤဘၣ်စီၤယိၤနါခံဘျီတဘျီဒီးစံးဝဲဒၣ်,

လံာ်ယိၤနါ 3:3

အန့ၣ်သတးဒီးစီၤယိၤနါဒိကနၣ်ယွၤဒီးလဲၤဆူဝ့ၢ်နံၤနဝ့, ဝ့ၢ်လၢအဒိၣ်ဝဲလဲၢ်ဝဲတုၤဒၣ်လဲာ်တၢ်ဘၣ်လဲၤခီဝဲလၢခီၣ်သၢသီ န့ၣ်လီၤ.

လံာ်မးသဲ 3:8

အိၣ်မူဒီးမၤတၢ်မၤလၢအကြၢးဒီးတၢ်ပီၢ်ယၢ်ဒီးတၢ်ဃၣ်လိၤက့ၤ သုသးန့ၣ်တက့ၢ်.

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”