လံာ်ယိၤနါ 2:6 - Sgaw Karen Common Bible

⁶ ယလဲၤလီၤဆူကစၢၢ်ဂံၢ်ထံး ကီၢ်လၢတြဲၤကးတံာ်ဃာ်အသးအစိၤစိၤ အဃၣ်ဃၣ်န့ၣ်လီၤ. ဘၣ်ဆၣ်နဲဒၣ်ယွၤယကစၢ်ဧၢ, နထုးထီၣ်ကွံာ်ယၤလၢတၢ်ယိာ်ပူၤဒီးမၤမူထီၣ်ယၤလီၤ.

လံာ်ယိၤနါ 2:6 Iomraidhean Croise

လံာ်စီၤယိၤဘး 33:24

လၢတၢ်သးကညီၤအပူၤ, ကလူးန့ၣ်ကစံးဘၣ်အီၤ, “ပျၢ်ဖျဲးအီၤတက့ၢ်. အဝဲတဘၣ်လဲၤလီၤဆူ တၢ်သံအကီၢ် ဘၣ်. အအံၤမ့ၢ်တၢ်ပှ့ၤထီၣ်က့ၤတၢ်လၢ ကမၤထူၣ်ဖျဲးအီၤအဂီၢ်လီၤ.”

လံာ်စီၤယိၤဘး 33:28

အဝဲတပျဲယလဲၤဆူ တၢ်သံအကီၢ်ပူၤဘၣ်. ဒီးယအိၣ်မူဒံးယဲလီၤ.”

စံးထီၣ်ပတြၢၤ 104:6

နမၤဘၢအီၤဒီးပီၣ်လဲၣ် ဒ်ဆ့ကၤဖးဒိၣ်တဘ့ၣ်အသိး ဒီးထံအိၣ်ထီၣ်ထီလၢဝဲလၢကစၢၢ်ကလိတဖၣ် အဖီခိၣ်လီၤ.

စံးထီၣ်ပတြၢၤ 104:8

အဝဲသ့ၣ် ယွၤလီၤဝဲလၢ ကစၢၢ်တဖၣ်အလိၤဒီး ဆူတၢ်တြီၤတဖၣ်အပူၤ, ဆူတၢ်လီၢ်လၢနပာ်လီၤလၢ အဝဲသ့ၣ်အဂီၢ်န့ၣ်လီၤ.

စံးထီၣ်ပတြၢၤ 116:3

တၢ်သံအတၢ်ပျံၤတၢ်ဖုးအိၣ်ဝးတရံးယၤ, တၢ်သွၣ်ခိၣ်အတၢ်လီၤပျံၤလီၤဖုး အိၣ်ဘူးဒီးယၤန့ၣ်လီၤ. ယပှဲၤလုာ်ကွံာ်ဒီးတၢ်ပျံၤတၢ်ဖုး ဒီးတၢ်ဘၣ်ယိၣ်ဘၣ်ဘီန့ၣ်လီၤ.

စံးထီၣ်ပတြၢၤ 143:7

ယွၤဧၢ, မၤချ့ချ့လၢနကမၤစၢၤယၤန့ၣ်တက့ၢ်. ယတၢ်မုၢ်လၢ်လၢာ်ကွံာ်လံ. ဒ်သိးယသုတကဲထီၣ်ဒ်ပှၤလၢအလဲၤလီၤဆူ တၢ်သံအကီၢ်ပူၤတဂ့ၤဒီး, ပာ်တဒၢနမဲာ်ဒီးယၤတဂ့ၤ.

စံးထီၣ်ပတြၢၤ 16:10

အဂ့ၢ်ဒ်အံၤ, နကဟုကယာ်ယၤလၢ တၢ်သံအစိကမီၤလံန့ၣ်လီၤ. ယမၤနတၢ်လၢ တၢ်ကလုာ်တီ, ဒီးနတစူးကွံာ်ညိကွံာ်ပှၤလၢအအဲၣ်နၤ, ဆူတၢ်သံအကီၢ်ပူၤန့ၣ်ဘၣ်.

စံးထီၣ်ပတြၢၤ 18:5

တၢ်သံအပျံၤတဖၣ်ဘံဘူယၤ ဒီးတၢ်သွၣ်ခိၣ်ပာ်လီၤပျံၤသကွီၤလၢယဂီၢ်လီၤ.

စံးထီၣ်ပတြၢၤ 30:3

ယွၤဧၢ, နထုးထီၣ်လံယသးသမူလၢတၢ်သံအကီၢ်, နဒုးမူဒံးယၤလၢ ယသုတလဲၤလီၤဘၣ်ဆူ တၢ်သံအကီၢ်ပူၤတဂ့ၤန့ၣ်လံ.

စံးထီၣ်ပတြၢၤ 30:9

“ယမ့ၢ်လဲၤလီၤဆူတၢ်သံအကီၢ်ပူၤဒီး လၢယတၢ်သံအဃိန့ၣ် နကဒိးန့ၢ်ဘၣ် တၢ်ဘျုးမနုၤတမံၤလဲၣ်. ဟီၣ်ခိၣ်အကမူၣ် ကစံးထီၣ်ပတြၢၤနၤစ့ၢ်ကီးဧါ. ကတဲဖျါထီၣ်နတၢ်သးတီစ့ၢ်ကီးဧါ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

စံးထီၣ်ပတြၢၤ 65:6

နပာ်လီၤကစၢၢ်ကလိသ့ၣ်တဖၣ်လၢအလီၢ်ဒၣ်ဝဲ ခီဖျိနဂံၢ်နဘါ, ပာ်ဖျါထီၣ်နတၢ်စိတၢ်ကမီၤဖးဒိၣ်န့ၣ်လီၤ.

စံးထီၣ်ပတြၢၤ 69:2

ယလီၤဘျၢလၢကပံာ်ယိာ်အကျါ, ဒီးဆၢထၢၣ်အလီၢ်တအိၣ်ဘၣ်. ယဟဲနုာ်တ့ၢ်လၢထံယိာ်အကျါ, ဒီးထံလုၣ်ဘၢယၤလီၤ.

လံာ်ယၡါယၤ 38:10

ယဆိကမိၣ်တ့ၢ်လၢ, လၢတၢ်အိၣ်မူမုၢ်ထူၣ်အကတီၢ်န့ၣ်, ယလဲၤလီၤတ့ၢ်ဆူပှၤသံတဖၣ်အကီၢ်ပူၤဒီးတအိၣ်မူဘၣ်လၢၤ ယတၢ်အိၣ်မူနီတစုဘၣ်န့ၣ်လီၤ.

လံာ်ယၡါယၤ 38:17

ယတၢ်သးခၣ်ကဃၣ်က့ၤအသးဆူတၢ်ဃူတၢ်ဖိးလီၤ. နအုၣ်က့ၤခီၣ်က့ၤယသးသမူလၢတၢ်လီၤပျံၤ လီၤဘၣ်ယိၣ်ခဲလၢာ် ဒီးနပျၢ်ယတၢ်ဒဲးဘးခဲလၢာ်လီၤ.

လံာ်ယၡါယၤ 40:12

မ့ၢ်ပှၤထိၣ်ပီၣ်လဲၣ်လၢအစုညါသးတဖၣ်အပူၤ သ့တဂၤဂၤဧါ, မ့တမ့ၢ်ဘၣ်ဒီးထိၣ်မူခိၣ်လၢအစုတဖၣ်သ့တဂၤဂၤဧါ. မ့ၢ်ပှၤစိာ်ဟီၣ်ခိၣ်ဒီဘ့ၣ်အကမူၣ်လၢလီခီတဖျၢၣ်အပူၤ မ့ၢ်ဂ့ၤ, စီၤဝဲကစၢၢ်တဖၣ်ဒီးတၢ်လူၢ်တဖၣ်လၢစီၤပီၢ်ပူၤမ့ၢ်ဂ့ၤ သ့တဂၤဂၤဧါ.

လံာ်ယဃ့းစက့လး 26:20

ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 31:14

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်, ထံမ့ၢ်ဂ့ၤထဲအံၤ ထဲနုၤနာ်သက့, သ့ၣ်လၢကဒိၣ်ထီၣ်ဒီးထီကဒီးထဲသိးန့ၣ်, ဒီးဖှိး ထီၣ်အသးဆူတၢ်အၢၣ်တဖၣ်အကျါတုၤအထီဝဲထဲသိးန့ၣ်, တအိၣ်ဘၣ်နီတထံးဘၣ်. အဝဲသ့ၣ်ခဲလၢာ်ဘၣ်တၢ်စံၣ်ညီၣ်သံ ဃါမနၤဒ်ပှၤကညီတဖၣ်လၢအသံသ့ဝဲအသိးန့ၣ်, ဘၣ်တၢ်စံၣ်ညီၣ် ဃါမနၤလၢကလဲၤသကိးဃုာ်ဒီးပှၤတဖၣ်လၢအလဲၤလီၤဆူ တၢ်သံအကီၢ်ပူၤန့ၣ်လီၤ.”

လံာ်ဃဘးကူာ် 3:10

တုၤကစၢၢ်ကလိတဖၣ်ထံၣ်ဃီၤနၤဒီးကနိးကစုာ်တ့ၢ်ဝဲ, ဒီးထံဂၢ်လီၤတ့ၢ်အသးလၢ မူခိၣ်အလီၢ်တဖၣ်အပူၤန့ၣ်လီၤ. ထံလၢဟီၣ်ခိၣ်လာ်တဖၣ်သီၣ်ထီၣ်ရုၢ်ရုၢ် ဒီးအလပီတဖၣ်ထီၣ်ထီဝဲလီၤ.

လံာ်ဃဘးကူာ် 3:6

တုၤအအိၣ်ကတီၢ်ဒီးဟီၣ်ခိၣ်ဟူးဝးဝဲ, ကွၢ်ဃီၤတၢ်ဒီးပှၤကလုာ်တဖၣ်ကနိးကစုာ်န့ၣ်လီၤ. ကစၢၢ်ကလိအထူအယိာ်တဖၣ်သ့ၣ်ဖးလီၤကလဲ, တၢ်စိခိၣ်အထူအယိာ်တဖၣ်, တၢ်စိခိၣ်လၢအယီၢ်လီၤတ့ၢ်ဝဲလၢပျၢၤလၢကစၢၤ သ့ၣ်တဖၣ်လီၤယၢၣ်ကွံာ်ဝဲလီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.