လံာ်ယိၤနါ 2:4 - Sgaw Karen Common Bible

⁴ အန့ၣ်တစုယစံး, ယဘၣ်တၢ်ဟီထီၣ်ကွံာ်ယၤလၢနမဲာ်ညါ, ယကထံၣ်ဘၣ်ကဒီးနတၢ်လုၢ်ဟံၣ်စီဆှံဒ်လဲၣ်.

လံာ်ယိၤနါ 2:4 Iomraidhean Croise

လံာ်စီၤပၤအခီၣ်ထံးတဘ့ၣ် 8:42

ဒီးမ့ၢ်ဟဲလၢကဘူၣ်ထီၣ်ဘါထီၣ်နၤအဂီၢ်ဒီးဘါထုကဖၣ်တၢ်လၢ ယွၤအတၢ်လုၢ်ဟံၣ်အံၤအပူၤန့ၣ်,

လံာ်စီၤပၤအခီၣ်ထံးတဘ့ၣ် 8:48

လၢကီၢ်တဖၣ်န့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးနီၢ်နီၢ် လၢတၢ်သူၣ်တီသးလိၤအပူၤဒီးဘါထုကဖၣ်ဆူနအိၣ်ဖဲ အဃၣ်ဃီၤအမဲာ်ဆူထံကီၢ်လၢနဟ့ၣ်လီၤတ့ၢ်ပမိၢ်ပၢ်ဖံဖု လၢပျၢၤတဖၣ်အံၤ, ဒီးဝ့ၢ်လၢနဃုထၢတ့ၢ်နဲအံၤ, ဒီးယွၤအတၢ်လုၢ်ဟံၣ်လၢယသူၣ်ထီၣ်လၢနဂီၢ်အံၤန့ၣ်ဒီး,

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:38

လၢထံကီၢ်အဝဲန့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးနီၢ် နီၢ်လၢတၢ်သူၣ်တီသးရၤအပူၤဒီးဃ့ဘါထုကဖၣ်ဆူနအိၣ်ဖဲ အမဲာ်ဃၣ်ဃီၤအသးဆူကီၢ်အံၤလၢနဟ့ၣ်လီၤတ့ၢ်ပမိၢ်ပၢ်ဖံဖု လၢပျၢၤတဖၣ်, ဒီးဆူဝ့ၢ်အံၤလၢနဃုထၢတ့ၢ်, ဒီးဆူယွၤအတၢ်လုၢ်ဟံၣ်အံၤလၢယသူၣ်ထီၣ်တ့ၢ်လၢနဂီၢ်န့ၣ်ဒီး,

စံးထီၣ်ပတြၢၤ 31:22

ယပျံၤတၢ်ဒီးယဆိကမိၣ်ယဲလၢ အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ. ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး နၢ်ဟူယတၢ်ကိးထီၣ်န့ၣ်လီၤ.

စံးထီၣ်ပတြၢၤ 42:8

ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ် ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ, တၢ်ထုကဖၣ်ဆူယသးသမူ အကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 5:7

မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

စံးထီၣ်ပတြၢၤ 88:6

နတ့ၢ်လီၤယၤဆူတၢ်ပူၤအယိာ်ကတၢၢ်အပူၤ, လၢတၢ်ခံးကျါဒီးတၢ်ယိာ်အပူၤန့ၣ်လီၤ.

စံးထီၣ်ပတြၢၤ 88:7

နတၢ်သးထီၣ်အိၣ်ဃၢလၢယလိၤ, ဒီးနဒုးလုၣ်ဘၢယၤလၢကယဲၢ်နလပီခဲလၢာ်န့ၣ်လီၤ. စ့လၤ

လံာ်ယၡါယၤ 38:17

ယတၢ်သးခၣ်ကဃၣ်က့ၤအသးဆူတၢ်ဃူတၢ်ဖိးလီၤ. နအုၣ်က့ၤခီၣ်က့ၤယသးသမူလၢတၢ်လီၤပျံၤ လီၤဘၣ်ယိၣ်ခဲလၢာ် ဒီးနပျၢ်ယတၢ်ဒဲးဘးခဲလၢာ်လီၤ.

လံာ်ယၡါယၤ 49:14

ဘၣ်ဆၣ်, ပှၤဝ့ၢ်ယရူၤၡလ့ၣ်ဖိတဖၣ်စံးဝဲ, “ယွၤပာ်တ့ၢ်ကွံာ်ပှၤလံ. အဝဲသးပ့ၤနီၣ်ကွံာ်ပှၤလံ.”

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 7:15

ယကနီၣ်ထီၣ်ဟီထီၣ်ကွံာ်သုလၢယမဲာ်ညါဒ်ယနီၣ်ထီၣ်ဟီထီၣ်ကွံာ် သုဘူးသုတံၢ်တဖၣ်လၢအမ့ၢ်အံၣ်စရ့လးအပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 3:54

ထံဟဲထီၣ်ဘၢယၤလၢယခိၣ်ဖီခိၣ်ဒီးယဆိကမိၣ်တ့ၢ်လၢတၢ်သံန့ၣ် အိၣ်ဘူးဝဲလီၤ.

လံာ်ယဃ့းစက့လး 37:11

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ယိၤနါ 2:7

တုၤယသးလီၤဘှါဝဲလၢယပူၤဘူးလၢယကသံန့ၣ်ဒီးယသ့ၣ် နီၣ်ထီၣ်နၤလီၤ. ဒီးယတၢ်ထုကဖၣ်လဲၤထီၣ်ဆူနအိၣ်ဆူနတၢ်လုၢ်ဟံၣ်စီဆှံ အပူၤန့ၣ်လီၤ.