လံာ်ယိၤနါ 1:9 - Sgaw Karen Common Bible

⁹ စီၤယိၤနါစံးဆၢဝဲ, “ယမ့ၢ်ပှၤဧ့ၤဘြံၤဖိလီၤ. ယဘူၣ်ထီၣ်ဘါထီၣ်ယွၤ, မူခိၣ်အကစၢ်ယွၤလၢအတ့လီၤပီၣ်လဲၣ်ဒီးခိန့ၣ်လီၤ.”

လံာ်ယိၤနါ 1:9 Iomraidhean Croise

လံာ်တၢ်ကဲထီၣ်အခီၣ်ထံး 1:10

ဒီးခိန့ၣ်ကစၢ်ယွၤယုၢ်ဝဲအမံၤလၢဟီၣ်ခိၣ်, ဒီးထံလၢအပာ်ဖှိၣ်ထီၣ်အသးတပူၤဃီန့ၣ်ယုၢ်ဝဲအမံၤလၢပီၣ်လဲၣ်န့ၣ်လီၤ. ဒီးကစၢ်ယွၤအသးခုသးမုာ်ဝဲလၢတၢ်လၢအထံၣ်ဘၣ်ဝဲအဃိလီၤ.

လံာ်တၢ်ကဲထီၣ်အခီၣ်ထံး 14:13

ဘၣ်ဆၣ်ပှၤလၢအထူၣ်ဖျဲးတဂၤတဲဘၣ်တၢ်မၤအသးခဲလၢာ်လၢပှၤဧ့ၤ ဘြံၤဖိစီၤအၤဘြၣ် လၢအအိၣ်ဝဲဆိးဝဲဘူးဒီးသ့ၣ်စီဆှံ တဖၣ်လၢအဘၣ်ဃးဒီးပှၤအမိၢ်ဖိစီၤမးမရ့န့ၣ်လီၤ. စီၤမးမရ့ဒီးအဒီပုၢ်ဝဲၢ်စီၤအ့ၡကိၤလး, စီၤဧၤန့ၢ်တဖၣ်န့ၣ်မ့ၢ်စီၤအၤဘြၣ်အဒီသိၣ်ဒီမှံၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:7

ယွၤ, မူခိၣ်အကစၢ်ယွၤ, စိာ်ထီၣ်ယၤလၢယပၢ်အဟံၣ်ဒီးယဘူးယတံၢ် သ့ၣ်တဖၣ်အထံအကီၢ်ဒီးအၢၣ်လီၤယၤသညူးသပှၢ်လၢကဟ့ၣ်ဝဲကီၢ်တဘ့ၣ် အံၤလၢယစၢၤယသွဲၣ်တဖၣ်န့ၣ်လီၤ. အဝဲကဆှၢလီၤအကလူးလၢနမဲာ်ညါဒ်သိးနကမၤန့ၢ်မါတဂၤဖဲန့ၣ်လၢ ယဖိခွါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 39:14

ကိးဃီၤအဟံၣ်အတၢ်ခ့တၢ်ပှၤတဖၣ်ဒီးစံးဝဲ, “ကွၢ်တၢ်အံၤတက့ၢ်. ပှၤဧ့ၤဘြံၤဖိလၢယဝၤဟဲက့ၤကိးဆူဟံၣ် တဂၤအံၤ, မၤတရီတပါပှၤလီၤ. အဝဲဟဲနုာ်ဃီၤဆူယဒၢးပူၤဒီးကျဲးစၢး မၤဆူၣ်မၤစိးယၤလီၤ. ဘၣ်ဆၣ်ဒီးယကိးကလူထီၣ်လၢယကလုၢ်ဖးဒိၣ်လီၤ.

လံာ်စီၤပၤခံဘ့ၣ်တဘ့ၣ် 17:25

ဖဲအဝဲသ့ၣ်ဘၣ်တၢ်ပာ်လီၤအီၤသီသီန့ၣ်, အဝဲသ့ၣ်တဘူၣ်ထီၣ်ဘါ ထီၣ်ယွၤဘၣ်. ဒီးလၢတၢ်န့ၣ်အဃိ, ယွၤဆှၢလီၤခ့ယုၢ်တဖၣ်လၢအမၤသံပှၤတနီၤ လၢအဝဲသ့ၣ်အကျါန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:28

လၢတၢ်န့ၣ်အဃိကီၢ်အံၣ်စရ့လးအပှၤလုၢ်တၢ်အခိၣ်တဂၤလၢ, အဘၣ်တၢ်ဟဲကိးအီၤလၢၡၤမရံန့ၣ်, လဲၤဒီးအိၣ်ဆိးဝဲဖဲဝ့ၢ်ဘ့ၤသ့လး, တၢ်လီၢ်ဖဲအဝဲသိၣ်လိပှၤဂီၢ်မုၢ်လၢကဘူၣ်ထီၣ် ဘါထီၣ်ယွၤဒ်လဲၣ်န့ၣ်လီၤ.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤဧ့စြၤ 5:11

အဝဲသ့ၣ်စံးဆၢဝဲလၢပမ့ၢ်မူခိၣ်ဒီးဟီၣ်ခိၣ်အကစၢ်ယွၤအခ့ အပှၤတဖၣ်, ဒီးပဘှီထီၣ်ကဒါက့ၤတၢ်လုၢ်ဟံၣ်, လၢအဘၣ်တၢ်ဘှီထီၣ်တ့ၢ်ဒီးမၤပှဲၤတ့ၢ်အီၤအဂံၢ်ခိၣ်ထံးလၢကီၢ် အံၣ်စရ့လးအစီၤပၤဖးဒိၣ်တဂၤလၢအပူၤကွံာ်အါနံၣ်အါလါတ့ၢ်လံန့ၣ်လီၤ.

လံာ်စီၤနဃ့မယၤ 1:4

ဒီးတုၤယနၢ်ဟူတၢ်သ့ၣ်တဖၣ်အံၤခဲလၢာ်ဝံၤန့ၣ်ဒီးယဆ့ၣ်နီၤ ဟီၣ်ယဲလီၤ. ယဟီၣ်ဒီးယတအီၣ်တအီတၢ်နီတမံၤတဘျုးသီန့ၣ်လီၤ. ဒီးယဃ့ဘါထုကဖၣ်ဆူကစၢ်ယွၤအအိၣ်လီၤ.

လံာ်စီၤနဃ့မယၤ 2:4

ဒီးစီၤပၤဖးဒိၣ်သံကွၢ်ယၤ “နသးလီတၢ်မနုၤလဲၣ်.” ယဘါထုကဖၣ်တၢ်ဆူကစၢ်ယွၤလၢအအိၣ်လၢမူခိၣ်လီၤ.

လံာ်စီၤနဃ့မယၤ 9:6

ဒီးကီၢ်အံၣ်စရ့လးအပှၤဂီၢ်မုၢ်ဘါထုကဖၣ်ဝဲ, “နဲဒၣ်ယွၤဧၢ, နမ့ၢ်ယွၤထဲတဂၤဧိၤလီၤ. နတ့လီၤမူခိၣ်အလီၢ်တဖၣ်ဒီးဆၣ်တဖၣ်လၢမူခိၣ်ကပိၤလိၤန့ၣ်လီၤ. နတ့လီၤဟီၣ်ခိၣ်ဒီးပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲ လၢာ် ဒီးနဟ့ၣ်အဝဲသ့ၣ်ခဲလၢာ်လၢတၢ်မူန့ၣ်လီၤ. ဒီးမူခိၣ်အသုးမုၢ်ဂီၢ်မုၢ်တီၤလီၤဒီးဘူၣ်ထီၣ် ဘါထီၣ်နၤလီၤ.

လံာ်စီၤယိၤဘး 1:9

ဒီးမုၣ်ကီၤလံၢ်စံးဆၢယွၤဒီးစံး, “တၢ်ဘၣ်ဘျုးဘၣ်ဖှိၣ် အလီၢ်မ့ၢ်တအိၣ်ဘၣ်ဒီးစီၤယိၤဘးကဘူၣ်ထီၣ်ဘါထီၣ်ယွၤစ့ၢ်ကီး ဧါ.”

စံးထီၣ်ပတြၢၤ 136:26

စံးထီၣ်ပတြၢၤကစၢ်ယွၤလၢအအိၣ်ဝဲလၢမူခိၣ်န့ၣ်တက့ၢ်. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်တၢ်ဟးထီၣ်ကွံာ် 1:15

ဒီးကီၢ်အဲၤကူပတူးအစီၤပၤစံးဘၣ်နီၢ်ၡံးပရၤဒီးနီၢ်ပူၤ ဧၤလၢအမ့ၢ်ပှၤကွၢ်ဟုးလၢမၤစၢၤပှၤဧ့ၤဘြံၤမုၣ်တဖၣ်န့ၣ်,

လံာ်တၢ်ဟးထီၣ်ကွံာ် 2:13

လၢခံတနံၤန့ၣ်, စီၤမိၤၡ့လဲၤကဒီးဝဲ, ဒီးထံၣ်ပှၤဧ့ၤဘြံၤဖိခံဂၤအ့ၣ်လိာ်အသးန့ၣ်လီၤ. ဒီးစံးဘၣ်ပှၤလၢအမၤကမၣ်တၢ်တဂၤန့ၣ်, “ဘၣ်မနုၤလၢနဘၣ်တီၢ် နတံၤသကိးပှၤဧ့ၤဘြံၤဖိတဂၤန့ၣ်လဲၣ်.”

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

မၤတၢ် 14:15

“ဘၣ်မနုၤအဃိသုမၤတၢ်အံၤလဲၣ်. ပမ့ၢ်ဒၣ်ပှၤကညီဒ်သုဝဲအသိးလီၤ. ပဟဲပဝဲဖဲအံၤဒ်သိးပကဘိးဘၣ်သ့ၣ်ညါသုလၢတၢ်သးခုအကစီၣ်, ဒ်သိးသုကဃၣ်ကွံာ်သုသးလၢတၢ်တဂိာ်တသီၣ်တဖၣ်အံၤ, ဒီးဃၣ်ဃီၤသုသးဆူကစၢ်လၢအမူဝဲတဂၤန့ၣ်အအိၣ်, ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်ပီၣ်တြီၤ, ဒီးတၢ်အိၣ်လၢအပူၤခဲလၢာ်ခဲဆ့န့ၣ်လီၤ.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

ဖံလံးပံၤ 3:5

ယဘၣ်တၢ်ကူးတရံးယၤဖဲယသးအိၣ်တနွံအဆၢကတီၢ် န့ၣ်လီၤ. ယမ့ၢ်ပှၤအံၣ်စရ့လးဖိတဂၤလၢယအိၣ်ဖျဲၣ်ထီၣ်လံၤလံၤ, ယဘၣ်ဃးဒီးစီၤဘံၣ်ယၤမံၣ်အဒူၣ်, ဒီးမ့ၢ်ပှၤဧ့ၤဘြံၤဖိအသွံၣ် ဆှံဆှံတဂၤန့ၣ်လီၤ. ဖဲလၢအဘၣ်ဃးဒီးတၢ်အိၣ်မူပိာ်ထွဲပှၤယူဒၤဖိအတၢ်သိၣ် တၢ်သီန့ၣ်, ယမ့ၢ်ပှၤဖၤရံၤၡဲဖိတဂၤ,

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 16:11

ဒီးအဝဲသ့ၣ်ဆိၣ်အၢကစၢ်ယွၤလၢမူခိၣ်, လၢအတၢ်ဆူးတၢ်ဆါ, ဒီးတၢ်ပူၤလီၢ်ပူၤကျဲတဖၣ်အဃိလီၤ. ဘၣ်ဆၣ်ဒီးအဝဲသ့ၣ်တဃၣ်ကွံာ်လၢအကျဲအအၢအသီတဖၣ် န့ၣ်ဘၣ်.