လံာ်ယိၤနါ 1:8 - Sgaw Karen Common Bible

⁸ ဒီးအဝဲသ့ၣ်စံးဘၣ်အီၤ, “တဲပှၤ, တၢ်အၢအံၤလီၤဘၣ်ပှၤလၢမတၤအဃိန့ၣ်လဲၣ်. နမ့ၢ်ပှၤမၤတၢ်မနုၤလဲၣ်. နဟဲလၢထံကီၢ်ဖဲလဲၣ်. ဒီးနမ့ၢ်ပှၤကလုာ်မနုၤန့ၣ်လဲၣ်.”

လံာ်ယိၤနါ 1:8 Iomraidhean Croise

လံာ်တၢ်ကဲထီၣ်အခီၣ်ထံး 47:3

စီၤပၤသံကွၢ်အဝဲသ့ၣ်, “သုတၢ်မၤမ့ၢ်တၢ်မနုၤလဲၣ်.” ဒီးအဝဲသ့ၣ်စံးဆၢဝဲ, “ကစၢ်ဧၢ, ပမ့ၢ်ပှၤကွၢ်သိတဖၣ်ဒ်ပမိၢ် ပၢ်ပဖံပဖုလၢပျၢၤတဖၣ်အသိးန့ၣ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

လံာ်စီၤယိၤၡူ 7:19

စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:43

တုၤနုၤတစု, စီၤစီလူးသံကွၢ်စီၤယိနၤသၣ်, “နမၤတ့ၢ်တၢ်မ နုၤလဲၣ်.” ဒီးစီၤယိနၤသၣ်စံးဆၢဝဲ, “ယအီၣ်ဘၣ်ကနဲစီ တစဲးလီၤ. ကွၢ်ကွၢ်, ယၤလီၤ. ယအိၣ်ကတဲာ်ကတီၤယသးလၢတၢ်သံအဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 30:13

စီၤဒၤဝံးသံကွၢ်အီၤ, “နကစၢ်မ့ၢ်မတၤလဲၣ်. ဒီးနဟဲလၢလဲၣ်ခီလဲၣ်.” အဝဲစံးဆၢဝဲဒၣ်, “ယမ့ၢ်ပှၤကီၢ်အဲၤကူပတူးဖိတဂၤလီၤ. ဒီးယမ့ၢ်ပှၤဧမၤလ့းဖိတဂၤအကုၢ်လီၤ. မ့ၢ်လၢယဆူးယဆါထီၣ်အဃိအပူၤကွံာ်သၢသီန့ၣ်ယကစၢ်ပာ်တီၢ်ကွံာ်ယၤလီၤ.