လံာ်ယိၤနါ 1:3 - Sgaw Karen Common Bible

³ ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်ယိၤနါ 1:3 Iomraidhean Croise

လံာ်တၢ်ကဲထီၣ်အခီၣ်ထံး 3:8

မုၢ်ဟါခီအဝဲန့ၣ်အဝဲသ့ၣ်နၢ်ဟူဝဲယွၤ, ကစၢ်ယွၤဟးလၢတၤသၣ်လီၢ်အပူၤ ဒီးအဝဲသ့ၣ်ပာ်တဒၢအသးလၢသ့ၣ်အကျါန့ၣ်လီၤ.

လံာ်တၢ်ကဲထီၣ်အခီၣ်ထံး 4:16

ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါဒီးလဲၤအိၣ်ဝဲဆိး ဝဲလၢကီၢ်နိာ်အခီပညီ “တၢ်ဟးဝ့ၤဝီၤ” အိၣ်လၢဧ့ၤဒ့ၣ်မုၢ်ထီၣ်တခီလီၤ.

လံာ်စီၤပၤအခီၣ်ထံးတဘ့ၣ် 19:3

စီၤအ့ၤလံယၤပျံၤတၢ်ဒီးဃ့ၢ်ပူၤဖျဲးလၢအသးသမူအဂီၢ်လီၤ. အဝဲကိးထီၣ်အခ့အပှၤဒီးလဲၤဝဲဆူဝ့ၢ်ဘ့ၢ်ၡဘၤလၢကီၢ်ယူဒၤ အပူၤန့ၣ်လီၤ. အဝဲပာ်တီၢ်အခ့အပှၤဖဲန့ၣ်,

လံာ်စီၤပၤအခီၣ်ထံးတဘ့ၣ် 19:9

ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 2:15

လၢတၢ်န့ၣ်အဃိ, ခဲကနံၣ်အံၤဆှၢလီၤန့ၢ်ပှၤဘုကၠူၣ်, ဘုမုယီၤ, စပံးထံဒီးသ့ၣ်စၤယံးအသိလၢနအၢၣ်လီၤတ့ၢ်ပှၤန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:16

ပကကူာ်လီၤကယဲၢ်သ့ၣ်ဆှိအ့ရ့းလၢနလိၣ်ဘၣ်, လၢကစၢၢ်တဖၣ်အလိၤလၢလဘၤနိၣ်, ဒီးစၢဖှိၣ်ထီၣ်အီၤဒ်ထိအသိး, ဒီးဟဲစိာ်အီၤခီဖျိပီၣ်လဲၣ်တုၤလၢဝ့ၢ်ယၤဖိၤန့ၣ်လီၤ. စးထီၣ်ဖဲန့ၣ်သုဟဲက့ၤစိာ်အီၤဆူဝ့ၢ်ယရူၤၡလ့ၣ်သ့ဝဲလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 9:21

အဝဲအိၣ်ဒီးတၢ်မၤကူၣ်မၤကၤအကဘီတဖုလၢအလဲၤဆူဝ့ၢ်တၢ်ၡံၣ် ဒီးကဘီဖိတဖၣ်မ့ၢ်စီၤပၤဃံရၣ်အပှၤတဖၣ်န့ၣ်လီၤ. သၢနံၣ်တဘျီန့ၣ်, ကဘီတဖၣ်အံၤဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတၤသွီၣ်တဖၣ်န့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤယိၤဘး 1:12

ဒီးယွၤစံးဘၣ်မုၣ်ကီၤလံၢ်, “ဂ့ၤလံ, ကယဲၢ်တၢ်လၢအအိၣ် ဒီးအီၤခဲလၢာ်န့ၣ်အိၣ်လၢနစိနကမီၤအပူၤလီၤ. ဘၣ်ဆၣ်တဘၣ် မၤဆါစီၤယိၤဘးအနီၢ်ကစၢ်န့ၣ်ဘၣ်.” အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါန့ၣ်လီၤ.

လံာ်စီၤယိၤဘး 2:7

အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါဒီးမၤနးမၤ ဖှီၣ်စီၤယိၤဘးလၢတၢ်ဝ့အၢစးထီၣ်လၢအခီၣ်ညါသးတုၤလၢ အခိၣ်ထံလီၤ.

စံးထီၣ်ပတြၢၤ 107:23

ပှၤတနီၤလဲၤတၢ်လၢကဘီတဖၣ်လၢပီၣ်လဲၣ်မိၢ်ပှၢ်အပူၤ ဒီးလုၢ်အီၣ်အသးသမူလၢ ပီၣ်လဲၣ်တဖၣ်အပူၤန့ၣ်လီၤ.

လံာ်ယၡါယၤ 2:16

အဝဲကမၤလီၤဘျၢကွံာ်ကဘီလၢအဒိၣ်ကတၢၢ်ဒီးအဃံလၤ ကတၢၢ်တဖၣ်ဒၣ်လဲာ်န့ၣ်လီၤ.

လံာ်ယၡါယၤ 23:1

အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်ယၡါယၤ 23:10

သုဝဲပှၤကီၢ်စပၤနံဖိသ့ၣ်ဧၢ, လဲၤဒီးထူစံာ်ထူပှဲၤတက့ၢ်. ပှၤလၢကဒီဒၣ်အိၣ်ပှိၤသုတအိၣ်လၢၤနီတဂၤဘၣ်.

လံာ်ယၡါယၤ 23:6

ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤဂီၢ်မုၢ်လၢကီၢ်ဖံၤနံက့ၤအပူၤသ့ၣ်ဧၢ, ကျဲးစၢးထွးထီၣ်ဃ့ၢ်ဆူကီၢ်စပၤနံတက့ၢ်.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 10:9

အဝဲသ့ၣ်အတၢ်ဂီၤတၢ်ဖီၣ်ဘၣ်တၢ်ကးဘၢအီၤလၢစ့လၢအဟဲလၢ ကီၢ်စပၤနံ ဒီးထူလၢအဟဲလၢအူဖစးလၢအမ့ၢ်ပှၤသိတၢ်ဖိ တဖၣ်အတၢ်မၤန့ၣ်လီၤ. အဝဲသ့ၣ်ဘၣ်တၢ်ဒုးကူဒုးသိးအီၤလၢတၢ်လါ ဒီးတၢ်လုးတကုာ် လၢပှၤထါတၢ်အသ့အဘၣ်တဖၣ်ထါဝဲန့ၣ်လီၤ.

လံာ်ယဃ့းစက့လး 2:8

ပှၤကညီလၢအသံသ့ဧၢ, ဒိကနၣ်တၢ်လၢယတဲဘၣ်နၤတက့ၢ်. ပူထီၣ်တၢ်ဒ်အဝဲသ့ၣ်အသိးတဂ့ၤ. အိးထီၣ်နကိာ်ပူၤဒီးအီၣ်တၢ် လၢယကဟ့ၣ်လီၤနၤန့ၣ်တက့ၢ်.”

လံာ်ယဃ့းစက့လး 27:12

နမၤပနံၣ်တၢ်ကၤအတၢ်မၤဒီး ကီၢ်စပၤနံဒီးနဟံးန့ၢ်စ့, ထး, ထးဝါဒီးပှာ်သူဒ်တၢ်အပှ့ၤအသိး လၢနတၢ်ဖိတၢ်လံၤအါအါ ကလဲာ်အဂီၢ်န့ၣ်လီၤ.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယိၤနါ 1:10

ဒီးပှၤတဖၣ်န့ၣ်ပျံၤတၢ်ဒိၣ်ထီၣ်ဝဲဒီးစံးဘၣ်အီၤ, “နမၤတၢ်အံၤမ့ၢ်မနုၤတမံၤန့ၣ်လဲၣ်.” အဂ့ၢ်ဒ်အံၤပှၤတဖၣ်န့ၣ်သ့ၣ်ညါဝဲလၢ အဝဲဃ့ၢ်ပူၤဖျဲးအသးလၢယွၤအမဲာ်ညါအဂ့ၢ်မ့ၢ်လၢအစံးဘၣ်တ့ၢ်လံ အဝဲသ့ၣ်အဃိန့ၣ်လီၤ.

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်လူၤကၣ် 9:62

ယ့ၣ်ၡူးစံးဘၣ်အီၤ, “ပှၤတဂၤဂ့ၤတဂၤဂ့ၤလၢအထူထီၣ်စံာ်ဒီး ကွၢ်ကဒါက့ၤဆူအလီၢ်ခံတလီၢ်လီၢ်န့ၣ်, အဘျုးအဖှိၣ်တအိၣ်ဝဲလၢ ကစၢ်ယွၤအဘီအမုၢ်အဂီၢ်နီတမံၤဘၣ်.”

မၤတၢ် 15:38

မ့မ့ၢ်စီၤပီလူးထံၣ်လၢအတကြၢးကိးအီၤဘၣ်, အဂ့ၢ်မ့ၢ်လၢအဝဲတလဲၤသကိးတ့ၢ်တၢ်ဒီးအဝဲသ့ၣ်တုၤလၢအတၢ်ဖံး တၢ်မၤဝံၤတစုဘၣ်, မ့မ့ၢ်က့ၤကဒါက့ၤဝဲဒီးပာ်တ့ၢ်အဝဲသ့ၣ်ဖဲကီၢ်ပၣ်ဖူၤလံ အဃိန့ၣ်လီၤ.

မၤတၢ် 26:19

ဒီးလၢတၢ်န့ၣ်အဃိ, စီၤပၤအကြံးပၤဧၢ, ယတိၢ်န့ၢ်ဒီးမၤထွဲတၢ်အကလုၢ်လၢယနၢ်ဟူဘၣ်ယဲခီဖျိတၢ်ထံၣ် တၢ်လၢညါခီလၢအဟဲလီၤလၢမူခိၣ်န့ၣ်လီၤ.

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

မၤတၢ် 9:42

တၢ်ကစီၣ်ဘၣ်ဃးတၢ်မၤအသးတမံၤအံၤဟူထီၣ်သါလီၤဝဲသကုၤ လၢဝ့ၢ်ယၤဖိၤအပူၤ, ဒီးပှၤစူၢ်က့ၤနာ်က့ၤကစၢ်တဘျုးဒံတဘျုးဂၤလီၤ.

မၤတၢ် 9:43

စီၤပ့းတရူးအိၣ်ဝဲဖဲဝ့ၢ်ယၤဖိၤအပူၤန့ၣ်တဘျုးနံၤတဘျုးသီ, လၢစီၤၡံမိၣ်, ပှၤလၢအဟံးန့ၢ်ဆၣ်ဖိကီၢ်ဖိအဖံးအဘ့ၣ်ဒီးမၤကဲထီၣ်ဝဲလၢ တၢ်ဖံးတဂၤန့ၣ်, အဟံၣ်လီၤ.

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

၂ သ့းစၤလနံ 1:9

အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.

လံာ်စီၤယိၤၡူ 19:46

မ့ယၢ်ကိၣ်, ရးကိၣ်, ဃုာ်ဒီးကီၢ်လၢအအိၣ်သဃီၤလိာ်အသးဒီးဝ့ၢ် ယၤဖိၤန့ၣ်လီၤ.