လံာ်ယိၤနါ 1:17 - Sgaw Karen Common Bible

¹⁷ ဒီးယွၤမၤလိာ်ညၣ်ဖးဒိၣ်တဘ့ၣ်လၢကယူၢ်လီၤကွံာ်စီၤ ယိၤနါလီၤ. ဒီးစီၤယိၤနါအိၣ်ဝဲလၢညၣ်ဖးဒိၣ်အဟၢဖၢပူၤ န့ၣ်သၢနံၤဒီးသၢနၤလီၤ.

လံာ်ယိၤနါ 1:17 Iomraidhean Croise

လံာ်တၢ်ကဲထီၣ်အခီၣ်ထံး 1:21

မၤသးဒ်န့ၣ်ဒီးကစၢ်ယွၤတ့လီၤပီၣ်လဲၣ်အတၢ်မုၢ်ဃၢ်ဖးဒိၣ်တဖၣ်, ကယဲၢ်တၢ်ဘၣ်တ့လၢအအိၣ်လၢထံကျါဒီးကယဲၢ်ထိၣ်ဧိၤလံာ်ဧိၤတဖၣ် န့ၣ်လီၤ. ဒီးကစၢ်ယွၤအသးမုာ်သးခုဝဲလၢတၢ်လၢအထံၣ်ဝဲဘၣ်ဝဲအဃိလီၤ.

လံာ်ယိၤနါ 2:10

တုၤနုၤတစု, ယွၤမၤလိာ်ညၣ်, ဒီးညၣ်န့ၣ်ဘှိးထီၣ်ကွံာ်စီၤယိၤနါဆူ ထံကၢၢ်ခိၣ်န့ၣ်လီၤ.

လံာ်ယိၤနါ 4:6

ဒီးကစၢ်ယွၤပာ်လီၤမာ်တိတထံးဒီးဒုးကဟုအီၤလၢစီၤယိၤနါအဖီခိၣ်, ဒ်သိးအကလီၤကဒုလၢအခိၣ်, ဒီးကမၤမုာ်အီၤလၢအတၢ်သူၣ်တမုာ်သးတမုာ်န့ၣ်လီၤ. အန့ၣ်ဒီးစီၤယိၤနါသးခုဒိၣ်ဒိၣ်ကလဲာ်လၢမာ်တိတထံးန့ၣ်အဃိလီၤ.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

လံာ်မးသဲ 12:40

အဂ့ၢ်ဒ်အံၤ, ဒ်စီၤယိၤနါအိၣ်လၢညၣ်ဖးဒိၣ်အဟၢဖၢပူၤသၢနံၤသၢနၤ အသိးန့ၣ်, ပှၤကညီဖိခွါအံၤကအိၣ်လၢဟီၣ်ခိၣ်အသးကံၢ်ပူၤသၢနံၤသၢနၤ စ့ၢ်ကီးလီၤ.

လံာ်မးသဲ 16:4

ပှၤတစိၤလၢအအၢအသီဒီးအကလုၢ်တတီဒီးယွၤတဖၣ်ဃ့တၢ်လီၤလး, ဘၣ်ဆၣ်ဒီးတၢ်လီၤလးအဂၤတဘၣ်တၢ်ဟ့ၣ်လီၤအီၤဘၣ်. ကဘၣ်တၢ်ဟ့ၣ်လီၤအီၤထဲစီၤယိၤနါအတၢ်လီၤလးတမံၤဧိၤလီၤ.” စံးတၢ်န့ၣ်ဝံၤဒီးဟးဖးဒီးအဝဲသ့ၣ်လီၤ.

လံာ်လူၤကၣ် 11:30

ဒ်ဝံယိၤနါမ့ၢ်တၢ်ပနီၣ်တမံၤလၢပှၤနံၤနဝ့ဖိတဖၣ်အဂီၢ်အသိးန့ၣ်, ပှၤကညီဖိခွါကမ့ၢ်တၢ်ပနီၣ်လၢပှၤတစိၤအံၤအဂီၢ်လီၤ.