လံာ်ယိၤနါ 1:14 - Sgaw Karen Common Bible

¹⁴ တုၤနုၤတစု, အဝဲသ့ၣ်ကိးထီၣ်ယွၤ, “ယွၤဧၢ, ပဃ့ကညးနၤ, မ်ပသုတတုၤလၢတၢ်ဟးဂီၤလၢပှၤတဂၤအံၤအသးသမူအဃိန့ၣ် တဂ့ၤ. ဒီးပာ်တၢ်သွံၣ်လၢတၢ်ဒဲးဘးတအိၣ်ဘၣ်န့ၣ်လၢပလိၤတဂ့ၤ. အဂ့ၢ်ဒ်အံၤ, နဲဒၣ်ယွၤဧၢ, နမၤတၢ်လၢအဘၣ်နသးလီၤ.”

လံာ်ယိၤနါ 1:14 Iomraidhean Croise

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

စံးထီၣ်ပတြၢၤ 107:28

အန့ၣ်ဒီးအဝဲသ့ၣ်ကိးထီၣ်ယွၤလၢ အတၢ်ကိၢ်တၢ်ဂီၤအပူၤ, ဒီးယွၤမၤပူၤဖျဲးအဝဲသ့ၣ်လၢ အတၢ်နးတၢ်ဖှီၣ်န့ၣ်လီၤ.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

စံးထီၣ်ပတြၢၤ 135:6

ယွၤမၤဝဲကယဲၢ်တၢ်ဘၣ်အသး လၢမူခိၣ်, ဒီးလၢဟီၣ်ခိၣ်ချၢ, ဒီးလၢပီၣ်လဲၣ်ပူၤ, ဒီးလၢထံယိာ်ပူၤခဲလၢာ်န့ၣ်လီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယိၤနါ 1:13

ဘၣ်ဆၣ်ဒီးပှၤကဘီဖိတဖၣ်န့ၣ်ကၢၢ်တၢ်ဆူၣ်ဆူၣ် ကလဲာ်ဒ်သိးကတုၤဆူထံကၢၢ်နံၤန့ၣ်, သနာ်က့, မ့ၢ်လၢပီၣ်လဲၣ်လပီစံၣ်စုးဒီးကလံၤမုၢ်တွၤအိၣ်ထီဒါ အဝဲသ့ၣ်အဃိမၤဝဲတန့ၢ်ဘၣ်.

လံာ်ယိၤနါ 1:16

တၢ်အံၤမၤပျံၤပှၤကဘီဖိတဖၣ်လၢယွၤဒိၣ်ဒိၣ်ကလဲာ်တုၤအဝဲ သ့ၣ်မၤတၢ်လုၢ်ဒီးအၢၣ်လီၤအသးလၢကမၤယွၤအတၢ်န့ၣ်လီၤ.

လံာ်ယိၤနါ 1:5

တုၤနုၤတစုပှၤကဘီဖိတဖၣ်ပျံၤတၢ်ဒီးကိးပသူထီၣ်ဝဲတဂၤဆူ အကစၢ်ဒၣ်ဝဲ, တဂၤဆူအကစၢ်ဒၣ်ဝဲအအိၣ်န့ၣ်လီၤ. အဝဲသ့ၣ်တ့ၢ်လီၤကွံာ်တၢ်ဖိတၢ်လံၤလၢအအိၣ်လၢက ဘီပူၤဆူပီၣ်လဲၣ်ပူၤဒ်သိးကမၤဖှံထီၣ်ကဘီအဂီၢ်န့ၣ်လီၤ. အကတီၢ်ဖဲန့ၣ်, စီၤယိၤနါလဲၤနုာ်မံနီၤတ့ၢ်လံလၢကဘီ အဒၢးပူၤဒီးမံဘၣ်အသးလံန့ၣ်လီၤ.

လံာ်ယိၤနါ 3:8

ပှၤကညီဒီးဆၣ်ဖိကီၢ်ဖိခဲလၢာ်ကဘၣ်သိးထီၣ်ဆ့ကၤထၢၣ်သွ့ဒီး အဝဲသ့ၣ်ကဘၣ်ဘါထုကဖၣ်ဆူၣ်ဆူၣ်ဆူကစၢ်ယွၤအအိၣ်န့ၣ်လီၤ. ကယဲၢ်ပှၤခဲလၢာ်ကဘၣ်ဃၣ်ကွံာ်အသးလၢအကျဲအအၢ အသီဒီးတၢ်မၤတၢ်လၢတၢ်စုဆူၣ်ခီၣ်တကးအပူၤန့ၣ်လီၤ.

လံာ်မးသဲ 11:26

မ့ၢ်လီၤပၢ်ဧၢ, တၢ်အံၤမ့ၢ်အမၤအသးဒ်နအဲၣ်ဒိးလၢအကမၤ အသးအသိးန့ၣ်လီၤ.

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

လံာ်သိၣ်လီၤသီလီၤတၢ် 21:8

ယွၤဧၢ, ပျၢ်ကွံာ်နပှၤဂီၢ်မုၢ်အံၣ်စရ့လး, ပှၤလၢနမၤပူၤဖျဲး တ့ၢ်အီၤလၢကီၢ်အဲၤကူပတူးန့ၣ်အတၢ်ကမၣ်တက့ၢ်. ပျၢ်ကွံာ်ပတၢ်ကမၣ်ဒီးတဘၣ်ပာ်ပှၤဒ်ပှၤအိၣ်မူအိၣ်ဒါလၢပှၤလၢ အတၢ်ကမၣ်တအိၣ်တဂၤဘၣ်တၢ်မၤသံအီၤအဃိန့ၣ်တဂ့ၤ.