လံာ်ယိၤနါ 1:12 - Sgaw Karen Common Bible

¹² ဒီးအဝဲစံးဘၣ်ပှၤတဖၣ်န့ၣ်, “ဟံးထီၣ်ယၤဒီးတ့ၢ်လီၤကွံာ်ယၤဆူပီၣ်လဲၣ်ပူၤတက့ၢ်. ဒီးပီၣ်လဲၣ်ကအိၣ်ဂၢၢ်တပၢၢ်လၢသုဂီၢ်လီၤ. အဂ့ၢ်ဒ်အံၤ, ယသ့ၣ်ညါလၢကလံၤမုၢ်ဖးဒိၣ်အံၤဘၣ်သုလၢယတၢ်ကမၣ်အဃိန့ၣ် လီၤ.”

လံာ်ယိၤနါ 1:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:17

စီၤဒၤဝံးထံၣ်ကလူးလၢအမၤသံပှၤဂီၢ်မုၢ်န့ၣ်ဒီးစံးဘၣ်ယွၤ, “ယမ့ၢ်ပှၤတဂၤလၢအတၢ်ကမၣ်အိၣ်လီၤ. ယမ့ၢ်ပှၤတဂၤလၢအမၤကမၣ်တၢ်လီၤ. ပှၤလၢအလီၤသးကညီၤတဖၣ်အံၤ မၤတ့ၢ်တၢ်မနုၤတမံၤလဲၣ်. နကြၢးစံၣ်ညီၣ်ယၤဒီးယပှၤဟံၣ်ဖိန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:17

စီၤဒၤဝံးဘါထုကဖၣ်တၢ်ဒီးစံးဝဲ, “ကစၢ်ယွၤဧၢ, ယမ့ၢ်ပှၤတဂၤလၢအမၤကမၣ်တ့ၢ်တၢ်န့ၣ်လီၤ. ယမ့ၢ်ပှၤတဂၤလၢအဟ့ၣ်လီၤတ့ၢ်အကလုၢ်လၢတၢ်ကထၢဒီးကွဲးနီၣ်ပှၤ ကညီအနီၣ်ဂံၢ်န့ၣ်လီၤ. ပှၤဂီၢ်မုၢ်အံၤမ့ၢ်ဒၣ်သိတဖုလီၤ. အဝဲသ့ၣ်မၤကမၣ်တ့ၢ်တၢ်မနုၤလဲၣ်. ယွၤ, ယကစၢ်ဧၢ, စံၣ်ညီၣ်ယၤဒီးယပှၤဟံၣ်ဖိဃီဖိတဖၣ်န့ၣ်တက့ၢ်. ဒီးပျဲပူၤဖျဲးနပှၤဂီၢ်မုၢ်အံၤတက့ၢ်.”

လံာ်စီၤယိၤဘး 35:8

လၢနတၢ်ဒဲးဘးတဖၣ်အဃိဒီးပှၤကညီကဒဲကဒဲဒ်နၤတူၢ်ဘၣ်တၢ်, ဒီးတၢ်အဂ့ၤလၢနမၤန့ၣ်, မၤစၢၤအီၤလီၤ.

လံာ်ပှၤစံၣ်တဲၤတဲလီၤတၢ် 9:18

တၢ်ကူၣ်သ့မၤဂ့ၤတၢ်သ့ဒိၣ်န့ၢ်ဒံးတၢ်စုကဝဲၤတဖၣ်လီၤ. မ့မ့ၢ်, ပှၤတၢ်ဒဲးဘးဖိတဂၤမၤဟးဂီၤတၢ်အဂ့ၤအါမးလီၤ.

လံာ်ယိၤနါ 1:11

ဒီးအဝဲသ့ၣ်စံးဘၣ်အီၤ, “ဒ်သိးပီၣ်လဲၣ်ကအိၣ်က့ၤဂၢၢ်တပၢၢ် လၢပဂီၢ်န့ၣ်မ့ၢ်ပကဘၣ်မၤနၤဒ်လဲၣ်.” အဂ့ၢ်ဒ်အံၤ, ပီၣ်လဲၣ်လပီစံၣ်စုးဝဲဒိၣ်ထီၣ်, ဒိၣ်ထီၣ်အဃိန့ၣ်လီၤ.

လံာ်ယိၤနါ 1:13

ဘၣ်ဆၣ်ဒီးပှၤကဘီဖိတဖၣ်န့ၣ်ကၢၢ်တၢ်ဆူၣ်ဆူၣ် ကလဲာ်ဒ်သိးကတုၤဆူထံကၢၢ်နံၤန့ၣ်, သနာ်က့, မ့ၢ်လၢပီၣ်လဲၣ်လပီစံၣ်စုးဒီးကလံၤမုၢ်တွၤအိၣ်ထီဒါ အဝဲသ့ၣ်အဃိမၤဝဲတန့ၢ်ဘၣ်.

လံာ်ယိၤဟၣ် 11:50

မ့ၢ်သုတသ့ၣ်ညါလၢ, တၢ်ပျဲပှၤတဂၤတူၢ်သံအသးလၢပှၤခဲလၢာ် အဂီၢ်အံၤဂ့ၤဒိၣ်န့ၢ်ဒံးပှၤဒီကလုာ်ညါကဟးဂီၤကွံာ်တက့ၢ်န့ၣ်ဘၣ် ဧါ.”

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

လံာ်စီၤယိၤၡူ 7:12

အဃိသတးဒီးပှၤအံၣ်စရ့လးဖိဆၢထၢၣ်လၢအဒုၣ်အဒါတဖၣ်အမဲာ်ညါ တသ့ဘၣ်. အဝဲသ့ၣ်ဂုၤက့ၤလၢအဒုၣ်အဒါတဖၣ်အအိၣ်န့ၣ်, မ့ၢ်လၢအဝဲသ့ၣ်အကစၢ်ဒၣ်ဝဲဘၣ်တၢ်စံၣ်ညီၣ်ဃၣ်အီၤဒ်သိးကတုၤဆူ တၢ်ဟးဂီၤအဃိလီၤ. မ့တမ့ၢ်လၢသုမၤဟးဂီၤကွံာ်တၢ်လၢအဘၣ်တၢ်ဆိၣ်အၢတ့ၢ်တဖၣ်ဒီး ယတအိၣ်လၢၤဒီးသုဘၣ်န့ၣ်လီၤ.”