လံာ်ယိၤနါ 1:10 - Sgaw Karen Common Bible

¹⁰ ဒီးပှၤတဖၣ်န့ၣ်ပျံၤတၢ်ဒိၣ်ထီၣ်ဝဲဒီးစံးဘၣ်အီၤ, “နမၤတၢ်အံၤမ့ၢ်မနုၤတမံၤန့ၣ်လဲၣ်.” အဂ့ၢ်ဒ်အံၤပှၤတဖၣ်န့ၣ်သ့ၣ်ညါဝဲလၢ အဝဲဃ့ၢ်ပူၤဖျဲးအသးလၢယွၤအမဲာ်ညါအဂ့ၢ်မ့ၢ်လၢအစံးဘၣ်တ့ၢ်လံ အဝဲသ့ၣ်အဃိန့ၣ်လီၤ.

လံာ်ယိၤနါ 1:10 Iomraidhean Croise

လံာ်တၢ်ကဲထီၣ်အခီၣ်ထံး 3:13

ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.” ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:3

ဘၣ်ဆၣ်ဒီးစီၤယိၤအာ်စံးဆၢစီၤပၤ, “နဲဒၣ်, တၢ်ဒိၣ်ကစၢ်စီၤပၤဧၢ, မ်ယွၤနကစၢ်ယွၤမၤအါထီၣ်ကီၢ်အံၣ်စရ့လးအပှၤဂီၢ်မုၢ်အစးတကယၤ, အါန့ၢ်ဒံးအဝဲသ့ၣ်အနီၣ်ဂံၢ်အိၣ်ခဲအံၤ, ဒီးမ်နကအိၣ်မူထံၣ်ဘၣ်အဝဲမၤတၢ်အံၤန့ၣ်တက့ၢ်. ဘၣ်ဆၣ်ဒီးဘၣ်မနုၤအဃိလၢနဲဒၣ်တၢ်ဒိၣ်ကစၢ်စီၤပၤသးအိၣ်မၤ တၢ်တမံၤအံၤန့ၣ်လဲၣ်.”

လံာ်စီၤယိၤဘး 27:22

ဖဲအဝဲသ့ၣ်ဂုၢ်ကျဲးစၢးသပှၢ်ပှၢ်လၢကပူၤဖျဲးအဂီၢ်န့ၣ်ကလံၤ ကလီၤဘၣ်အဝဲသ့ၣ်တအိၣ်ဒီးတၢ်သးကညီၤဘၣ်န့ၣ်လီၤ.

လံာ်ယိၤနါ 1:11

ဒီးအဝဲသ့ၣ်စံးဘၣ်အီၤ, “ဒ်သိးပီၣ်လဲၣ်ကအိၣ်က့ၤဂၢၢ်တပၢၢ် လၢပဂီၢ်န့ၣ်မ့ၢ်ပကဘၣ်မၤနၤဒ်လဲၣ်.” အဂ့ၢ်ဒ်အံၤ, ပီၣ်လဲၣ်လပီစံၣ်စုးဝဲဒိၣ်ထီၣ်, ဒိၣ်ထီၣ်အဃိန့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်ယိၤဟၣ် 19:8

တုၤစီၤပံၤလးနၢ်ဟူတၢ်အံၤဒီး, အဝဲပျံၤတၢ်ဒိၣ်န့ၢ်အလီၢ်တက့ၢ်လီၤ.

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.