လံာ်ယိၤအ့လး 3:6 - Sgaw Karen Common Bible

⁶ သုစိာ်ထီၣ်ကွံာ်ဒီးဆါကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ဆူပှၤကြံးခ်ဖိတဖၣ်အအိၣ်လီၤ.

လံာ်ယိၤအ့လး 3:6 Iomraidhean Croise

လံာ်ယဃ့းစက့လး 27:13

နမၤပနံၣ်တၢ်ကၤအတၢ်မၤလၢကီၢ်ကြံး(စ်), ဝ့ၢ်တူၤဘလးဒီး ဝ့ၢ်မ့ၤၡးအပူၤ, ဒီးမၤတၢ်ဆါတၢ်ပှ့ၤ နတၢ်ဖိတၢ်လံၤတဖၣ် လၢကုၢ်တဖၣ်အဂီၢ်ဒီး လၢတၢ်ပီးတၢ်လီတဖၣ်လၢတၢ်မၤအီၤ လၢတိၢ်ဘီအဂီၢ်န့ၣ်လီၤ.

လံာ်ယိၤအ့လး 3:3

အဝဲသ့ၣ်ဖီၣ်တၢ်ဖးလၢ မတၤကမၤန့ၢ်ပှၤဘၣ်တၢ်စိာ်မၢကဲကုၢ်အီၤတဖၣ်လဲၣ်န့ၣ်လီၤ. အဝဲသ့ၣ်ဆါကွံာ်တ့ၢ်ဖိသၣ်ပိာ်ခွါဒီးဖိသၣ်ပိာ်မုၣ်တဖၣ်ဆူ ကုၢ်အလီၢ်ဒ်သိးကဟ့ၣ်တၢ်အပှ့ၤလၢပိာ်မုၣ်ဟးဂီၤတဖၣ် ဒီးစပံးထံအဂီၢ်န့ၣ်လီၤ.

လံာ်ယိၤအ့လး 3:8

ဒီးယကဆါကွံာ်သုဖိခွါဒီးသုဖိမုၣ်တဖၣ်ဆူပှၤယူဒၤဖိအစုပူၤ, ဒီးအဝဲသ့ၣ်ကဆါကွံာ်ကဒီးအီၤဆူပှၤစဘၤဖိလၢအအိၣ်ဝဲ လၢတၢ်လီၢ်အယံၤန့ၣ်လီၤ. ယၤ, ယွၤ, ကတိၤလံတၢ်လံန့ၣ်လီၤ.

လံာ်စကၤရယၤ 9:13

ယကသူကီၢ်ယူဒၤဒ်ပှၤသုးဖိတဂၤအချံၣ်အသိးဒီး ကီၢ်အံၣ်စရလးဒ်ပျၢ်တဖၣ်အသိးန့ၣ်လီၤ. ယကသူဝ့ၢ်စံယိၣ်အပှၤကညီတဖၣ်ဒ်နးတဘ့ၣ်အသိးလၢ တၢ်ဒုးကီၢ်ကြံး(စ်) အပှၤကညီတဖၣ်အဂီၢ်န့ၣ်လီၤ.”

လံာ်သိၣ်လီၤသီလီၤတၢ် 28:32

သုဖိခွါတဖၣ်ဒီးဖိမုၣ်တဖၣ်ကဘၣ်တၢ်ဟ့ၣ်လီၤကွံာ်အီၤဆူပှၤ ထံဂၤကီၢ်ဂၤတဖၣ်အစုပူၤဒ်ကုၢ်တဖၣ်အသိးဖဲသုကွၢ်အီၤအဖၢမုၢ်ဒၣ်လဲာ်လီၤ. ကိးမုၢ်နံၤဒဲးန့ၣ်သုမဲာ်ချံတဖၣ်ကလီၤဘှံးကွံာ်ကလီကလီလၢ တၢ်ခိးကွၢ်တၢ်ကလီကလီလၢသုဖိတဖၣ်အတၢ်ဟဲက့ၤကဒါက့ၤအဂီၢ် န့ၣ်လီၤ.

လံာ်သိၣ်လီၤသီလီၤတၢ် 28:68

ယွၤမ့ၢ်တစံးတ့ၢ်လၢကဆှၢကဒါက့ၤကဒီးသုဆူကီၢ်အဲၤကူပတူး ဒၣ်လဲာ်, အဝဲကဆှၢကဒါက့ၤသုဖဲန့ၣ်လၢကဘီတဖၣ်အပူၤလီၤ. ဖဲန့ၣ်သုကကျဲးစၢးဆါလီၤကွံာ်သုသးဆူသုဒုၣ်သုဒါတဖၣ် အစုပူၤဒ်ကုၢ်တဖၣ်အသိး, ဘၣ်ဆၣ်ပှၤလၢကအဲၣ်ဒိးပှ့ၤသု တအိၣ်ဘၣ်နီတဂၤဘၣ်.”