လံာ်ယိၤအ့လး 3:14 - Sgaw Karen Common Bible

¹⁴ ပှၤအကထိဒီးအကထိတဖၣ် အိၣ်ဝဲလၢတၢ်စံၣ်ညီၣ်အတြီၤပူၤန့ၣ်လီၤ. အဂ့ၢ်ဒ်အံၤ, ယွၤအမုၢ်နံၤကဟဲတုၤဝဲဖဲန့ၣ်ဘူးထီၣ်လံန့ၣ်လီၤ.

လံာ်ယိၤအ့လး 3:14 Iomraidhean Croise

စံးထီၣ်ပတြၢၤ 37:13

ဘၣ်ဆၣ်ယွၤနံၤဘၣ်ပှၤအၢပှၤသီ, အဂ့ၢ်မ့ၢ်လၢအဝဲထံၣ်သ့ၣ်ညါဝဲလၢ အမုၢ်နံၤဟဲလံလီၤ.

လံာ်ယၡါယၤ 13:4

ဒိကနၣ်တၢ်သီၣ်တၢ်သဲလၢကစၢၢ်တဖၣ်အဒီခိၣ်လၢအမ့ၢ်ပှၤဂီၢ် မုၢ်ဖးဒိၣ်တဖုအတၢ်သီၣ်တၢ်သဲ, ပှၤကလုာ်ဒီးဘီမုၢ်တဖၣ် အတၢ်ပာ်ဖှိၣ်သးအတၢ်သီၣ်တၢ်သဲန့ၣ်တက့ၢ်. တၢ်သုးမုၢ်ဂီၢ်မုၢ် အယွၤကတဲာ်ကတီၤအသုးမုၢ်သံၣ်ဘိတဖၣ်လၢတၢ်ဒုးအဂီၢ်လီၤ.

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်ယိၤအ့လး 1:15

ကစၢ်အမုၢ်နံၤ, မုၢ်တနံၤလၢသ့တၢ်လၢာ်ကစၢ်ကဟဲမၤဟးဂူာ်ဟးဂီၤတၢ်န့ၣ်ဘူး ထီၣ်လံ. မုၢ်နံၤအဝဲန့ၣ်မ့ၢ်တၢ်လီၤပျံၤလီၤဖုးအမုၢ်နံၤလီၤ.

လံာ်ယိၤအ့လး 2:1

အူထီၣ်ကွဲၤဒီးဒုးသီၣ်ထီၣ်တၢ်ဟ့ၣ်ပလီၢ်လၢကစၢ်ယွၤ အကစၢၢ်စီဆှံစံယိၣ်အလိၤန့ၣ်တက့ၢ်. ယူဒၤအပှၤဂီၢ်မုၢ်သ့ၣ်ဧၢ, ကနိးကစုာ်ဒီးပျံၤတၢ်တက့ၢ်. အဂ့ၢ်ဒ်အံၤ, ကစၢ်အမုၢ်နံၤကဟဲဘူးထီၣ်လံ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

လံာ်ယိၤအ့လး 3:12

ပှၤကလုာ်တဖၣ်ကဘၣ်အိၣ်ကတဲာ်ကတီၤအသး ဒီးဟဲဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်, ယၤ, ယွၤကဆ့ၣ်နီၤဒ်သိးကစံၣ်ညီၣ်ပှၤ ကလုာ်အိၣ်ဝးတရံးခဲလၢာ်န့ၣ်လီၤ.

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်စဖါနယၤ 1:14

ယွၤအမုၢ်နံၤဖးဒိၣ်အံၤဘူးထီၣ်လံ. ဘူးထီၣ်ဝဲဖးဒိၣ်လံဒီးဟဲဝဲ ချ့ချ့လီၤ. မုၢ်နံၤအဝဲန့ၣ်ကမ့ၢ်မုၢ်နံၤအခၣ်တနံၤန့ၣ်လီၤ. အဂ့ၢ်ဒ်အံၤ, ပှၤသုးဖိလၢအဒူကတၢၢ်တဖၣ်ဒၣ်လဲာ်ကကိးပသူ ထီၣ်လၢတၢ်သူၣ်ဟးဂူာ်သးဟးဂီၤအပူၤန့ၣ်လီၤ.

ဖံလံးပံၤ 3:2

ပလီၢ်သုသးလၢပှၤတဖၣ်လၢအမၤတၢ်အၢတၢ်သီ, ထွံၣ်တဖၣ်န့ၣ်, ပှၤလၢအမၢဆူၣ်ပှၤကူးတဲာ်အနီၢ်ခိတဖၣ်န့ၣ်တက့ၢ်.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.