လံာ်ယိၤအ့လး 3:13 - Sgaw Karen Common Bible

¹³ ဒီၣ်တဲာ်ကွံာ်အီၤဒ်ဘုဧိၤဟုဧိၤလၢကူးဘု အကတီၢ်အသိး, ဒီးမၤသဘှံးကွံာ်အဝဲသ့ၣ်ဒ်စပံးသၣ်လၢတၢ်ဂံာ်စပံးထံ အဆၢၣ်အပူၤအသိး, တုၤစပံးထံပှဲၤလုာ်ကွံာ်န့ၣ်တက့ၢ်. အဂ့ၢ်ဒ်အံၤအဝဲသ့ၣ်အၢဝဲသီဝဲဒိၣ်မးလီၤ.

လံာ်ယိၤအ့လး 3:13 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်တၢ်ကဲထီၣ်အခီၣ်ထံး 18:20

ဒီးယွၤစံးဘၣ်စီၤအၤဘြၤဟၣ်, “တၢ်ဆှိးထီၣ်လီၤပျံၤလီၤ ဖုးထီဒါဝ့ၢ်စဒိၣ်ဒီးဂမိရၤန့ၣ်အိၣ်ဝဲ, ဒီးအတၢ်ဒဲးဘးန့ၣ်ဒိၣ်နီၢ်မးလီၤ.

လံာ်ယၡါယၤ 17:5

ကီၢ်အံၣ်စရ့လးကလီၤဂာ်ဒ်စံာ်ပျီတပျီဖဲဘုချံဘၣ်တၢ်ကူးကွံာ် ဒီးပာ်ဖှိၣ်တ့ၢ်အီၤအသိးဒီးကလီၤဃီဒ်စံာ်ပျီလၢကစၢၢ်ရၤဖၤ အတြီၤပူၤလၢတၢ်ကူးကွံာ်အီၤလၢကလၤတၤကူၤအသိးလီၤ.

လံာ်ယၡါယၤ 63:3

ယွၤစံးဆၢဝဲဒၣ်, “ယယီၢ်တံၢ်တ့ၢ်ပှၤကလုာ်တဖၣ်ဒ်စပံးသၣ် တဖၣ်အသိး, ဒီးပှၤတဟဲမၤစၢၤယၤနီတဂၤဘၣ်. ယယီၢ်တံၢ်တ့ၢ်အဝဲသ့ၣ်လၢယတၢ်သးထီၣ်အပူၤဒီးအဝဲသ့ၣ် အသွံၣ်မၤဘၣ်အၢတ့ၢ်ယကူယကၤလီၤ.

လံာ်ယံးရမံယၤ 51:33

တယံာ်လၢၤဘၣ်န့ၣ်, ဒုၣ်ဒါကကျီလီၤကွံာ်အဝဲသ့ၣ်ဒီး ကယီၢ်တံၢ်အီၤဒ် ဘုဧိၤဟုဧိၤလၢကြဲၢ်ပူၤအသိးန့ၣ်လီၤ. ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်သးသယုၢ်တၢ် 1:15

ယွၤနံၤဘၣ်ဖၣ်လဲတ့ၢ်ကယဲၢ်ယသုးမုၢ်သံၣ်ဘိလၢအဆူၣ်ကတၢၢ်တဖၣ် လီၤ. ဆှၢလီၤတ့ၢ်ဝဲသုးမုၢ်တဖုဒ်သိးကမၤဟးဂီၤယပှၤသးစၢ်တဖၣ်န့ၣ် လီၤ. မၤဟးဂီၤတ့ၢ်ကီၢ်ယူဒၤအကဟုကညီၢ်ဒ်စပံးသၣ်တဖၣ်အိၣ်လၢနီၣ် စံၢ်စပံးသၣ်အကျိးပူၤအသိးန့ၣ်လီၤ.

လံာ်ဟိၤၡ့ 6:11

ဒီးလၢနဲဒၣ်, ကီၢ်ယူဒၤအပှၤဂီၢ်မုၢ်အဂီၢ်န့ၣ်, ယပာ်လီၤတၢ်ဆၢကတီၢ်လၢတၢ်ကစံၣ်ညီၣ်စ့ၢ်ကီးသုအဂီၢ်လၢတၢ်လၢ သုမၤသ့ၣ်တဖၣ်အဃိန့ၣ်လီၤ.

လံာ်မးသဲ 13:39

ဒီးဒုၣ်ဒါလၢအဖှံလီၤအဝဲသ့ၣ်န့ၣ်, မ့ၢ်မုၣ်ကီၤလံၢ်လီၤ. ကူးဘုအဆၢကတီၢ် မ့ၢ်မုၢ်နံၤခံကတၢၢ်အကတီၢ်, ဒီးပှၤကူးဘုဖိတဖၣ် မ့ၢ်ကလူးတဖၣ်လီၤ.

လံာ်မၢ်ကူး 4:29

တုၤအသၣ်တဖၣ်ဂီၤထီၣ်ဒီး အဝဲစိာ်ထီၣ်အထါဂဲာ်ဒီးလဲၤကူးဝဲဒၣ်, မ့ၢ်လၢကူးဘုအဆၢကတီၢ်ဘၣ်လံအဃိလီၤ.

လံာ်သိၣ်လီၤသီလီၤတၢ် 16:9

ဂံၢ်နွံနွံစးထီၣ်လၢသုစးထီၣ်ကူးဘုဧိၤဟုဧိၤ, ဝံၤဒီးမၤတၢ်ကူးက့ၤဝံၤအကတီၢ်အဘူၣ်လၢတၢ်မၤလၤကပီၤယွၤသု ကစၢ်ယွၤအဂီၢ်ခီဖျိတၢ်ဟဲစိာ်န့ၢ်အီၤတၢ်သးအိၣ်အတၢ်မၤဘူၣ်, ကၢကီၣ်သဃီၤဒီးတၢ်ဆိၣ်ဂ့ၤလၢအဟ့ၣ်တ့ၢ်သုန့ၣ်တက့ၢ်.

လံာ်လီၣ်ဖျါ 14:14

အန့ၣ်ဝံၤအလီၢ်ခံယကွၢ်တၢ်, ဒီးတၢ်အၢၣ်အဝါအိၣ်ဝဲတလိၣ်, ဒီးလၢတၢ်အၢၣ်အလိၤန့ၣ်ပှၤဆ့ၣ်နီၤဝဲတဂၤလၢအလီၤဂာ် ပှၤကညီ, အိၣ်ဒီးခိၣ်သလုးထူတဖျၢၣ်လၢအခိၣ်လိၤဒီးထးဂဲာ် အကနၣ်အ့ၣ်တဘ့ၣ်လၢအစုပူၤန့ၣ်လီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.