လံာ်ယိၤအ့လး 3:10 - Sgaw Karen Common Bible

¹⁰ ပိာ်က့ၤသုထဲၣ်ကနၣ်ဆူနးတဖၣ်, ဒီးသုဒီပဲာ်ပျီတၢ်ဆူဘီတဖၣ်တက့ၢ်. ပှၤဂံၢ်စၢ်ဘါစၢ်ဒၣ်လဲာ်ကဘၣ်ဒုးတၢ်လီၤ.

လံာ်ယိၤအ့လး 3:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 25:8

နကဆိကမိၣ်လၢအဝဲသ့ၣ်ကမၤဂံၢ်ဆူၣ်ဘါဆူၣ်အါထီၣ်နၤလၢတၢ်ဒုး အပူၤ, ဘၣ်ဆၣ်ပှၤလၢအအိၣ်ဒီးတၢ်စိတၢ်ကမီၤလၢကဟ့ၣ်တၢ်မၤနၢၤမ့ၢ် ဂ့ၤ, တၢ်ဃၣ်ကွံာ်မ့ၢ်ဂ့ၤန့ၣ်မ့ၢ်ဒၣ်ကစၢ်ယွၤဒီးအဝဲကပျဲနဒုၣ်နဒါ တဖၣ်မၤနၢၤနၤန့ၣ်လီၤ.”

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်မံကၤ 4:3

ယွၤကမၤဃူမၤဖိးတၢ်ထီဒုၣ်ဒါလိာ်အသးလၢပှၤကလုာ်တဖၣ်အကျါ, ဒီးလၢတၢ်စိကမီၤဖးဒိၣ်အယံၤအဘူးတဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ်တဖၣ်ဒီးဘီတဖၣ်ဆူဒီ ပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤကဒီးဆူတၢ်ဒုးသုးဒီးတကတဲာ်ကတီၤကဒီး အသးလၢၤလၢတၢ်ဒုးအဂီၢ်နီတဘျီလၢၤဘၣ်.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်လူၤကၣ် 13:12

ဖဲယ့ၣ်ၡူးထံၣ်ဘၣ်အီၤန့ၣ်, အဝဲဒၣ်ကိးဃီၤအီၤဆူအအိၣ်ဒီးစံး, “ပိာ်မုၣ်ဧၢ, နထူၣ်ဖျဲးထီၣ်ကွံာ်လၢနတၢ်ဆူးတၢ်ဆါလံ.”

လံာ်လူၤကၣ် 22:36

အဝဲသ့ၣ်စံးဆၢဝဲ, “တအိၣ်နီတမံၤဘၣ်.” “ဘၣ်ဆၣ်ဒီးခဲကနံၣ်အံၤ,” ယ့ၣ်ၡူးစံးဆၢဝဲ, “ပှၤတဂၤလၢ်လၢ်လၢအအိၣ်ဒီးစ့ထၢၣ်တဖျၢၣ်မ့ၢ်ဂ့ၤ, တၢ်အီၣ်အထၢၣ်မ့ၢ်ဂ့ၤ, မ်အကဟံးန့ၢ်အီၤတက့ၢ်. ဒီးပှၤတဂၤဂၤလၢအတအိၣ်ဒီးနးတဘ့ၣ်န့ၣ် မ်အကဆါကွံာ်အဆ့ကၤဖီခိၣ်ဒီးပှ့ၤန့ၢ်အီၤတက့ၢ်.