လံာ်ယိၤအ့လး 3:1 - Sgaw Karen Common Bible

¹ ဒီးယွၤစံးဝဲဒၣ်, လၢအဆၢကတီၢ်ဖဲန့ၣ်, ယကဒုးအီၣ်ကုးအီပှဲၤက့ၤကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ.

လံာ်ယိၤအ့လး 3:1 Iomraidhean Croise

စံးထီၣ်ပတြၢၤ 14:7

မ်အံၣ်စရ့လးအတၢ်ပူၤဖျဲး ဟဲထီၣ်လၢစံယိၣ်န့ၣ်တက့ၢ်. ဖဲယွၤဒုးဘီၣ်ထီၣ်ညီထီၣ်က့ၤအပှၤဂီၢ်မုၢ်ဒီး ယၤကိာ်ကသူၣ်ဖှံသးညီ ဒီးအံၣ်စရ့လးကသးခုဝဲဆံးဒိၣ်လဲၣ်.

စံးထီၣ်ပတြၢၤ 85:1

ယွၤဧၢ, နသးကညီၤတ့ၢ်လံနထံနကီၢ် ဒီးနဒုးအီၣ်ကုးအီပှဲၤအံၣ်စရ့လးကဒီးန့ၣ်လီၤ.

တၢ်ကတိၤဒိ. 1:23

ဖဲယသိၣ်ဃီၣ်သုဒီးဒိကနၣ်တက့ၢ်. ယကဟ့ၣ်သုတၢ်ဟ့ၣ်ကူၣ် အဂ့ၤဒီးနီၤဟ့ၣ်သုလၢယတၢ်သ့ၣ်ညါလီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယံးရမံယၤ 16:15

အခိၣ်တလိာ်, အဝဲသ့ၣ်ကဆိၣ်လီၤအသး လၢယမံၤအပူၤဒ်ယမ့ၢ်ကစၢ်ယွၤလၢ အမူဝဲလၢအဟဲစိာ်ထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်လၢက လံၤစိးတခီဒီးလၢထံကီၢ်အဂၤတဖၣ်ဖဲယမၤပြံမၤပြါအဝဲသ့ၣ်န့ၣ်လီၤ. ယကဆှၢကဒါက့ၤအဝဲသ့ၣ်ဆူအထံအကီၢ်ဒၣ်ဝဲ, ကီၢ်တဘ့ၣ်လၢယဟ့ၣ်လီၤ တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 30:3

အဂ့ၢ်ဒ်အံၤ, တၢ်ဆၢကတီၢ်ဟဲဝဲဖဲ ယကပာ်ကဒါက့ၤယပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤလၢ အလီၢ်န့ၣ်လံ. ယကဟဲက့ၤစိာ် ကဒါက့ၤ အဝဲသ့ၣ်ဆူ ကီၢ်တဘ့ၣ်န့ၣ်လၢ ယဟ့ၣ်သါတ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်ကန့ၢ်ဘၣ်က့ၤကဒီးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:53

ယွၤစံးဘၣ်ဝ့ၢ်ယရူၤၡလ့ၣ်, “ယကဒုးဘီၣ်ထီၣ်ညီထီၣ်က့ၤကဒီး ဝ့ၢ်စဒိၣ်ဒီးအဒူသဝီတဖၣ်, ဒီးဝ့ၢ်ၡၤမရံဒီးအဒူသဝီတဖၣ်လီၤ. မ့ၢ်လီၤ. ယကဒုးဘီၣ်ထီၣ်ညီထီၣ်နၤစ့ၢ်ကီးလီၤ.

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ယိၤအ့လး 2:29

ဖဲတၢ်အဆၢအကတီၢ်အဝဲန့ၣ်, ယကလူလီၤဒၣ်လဲာ်ယသးစီဆှံလၢ ကုၢ်ပိာ်ခွါတဖၣ်ဒီးပိာ်မုၣ်တဖၣ်အလိၤစ့ၢ်ကီးန့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်တၢ်ဂံၢ် 11:29

စီၤမိၤၡ့စံးဆၢအီၤ, “မ့ၢ်နသးကါဘၣ်ဃးယတၢ်သူၣ်အိၣ်သး အိၣ်အဂ့ၢ်န့ၣ်ဧါ. ယဆၢမုၢ်လၢ်လၢယွၤကဟ့ၣ်အသးဆူအပှၤဂီၢ်မုၢ်ခဲလၢာ်ဒီးဒုးကိး ပသူထီၣ်အဝဲသ့ၣ်ဒ်ဝံဧိၤမီၣ်ဧိၤတဖၣ်အသိးန့ၣ်လီၤ.”

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.