လံာ်ယိၤအ့လး 2:6 - Sgaw Karen Common Bible

⁶ လၢအဝဲသ့ၣ်အမဲာ်ညါန့ၣ်ပှၤကိးဂၤဒဲးပျံၤတၢ်ဖုးတၢ်တုၤ အမဲာ်သၣ်လီၤဝါဝဲလီၤ.

လံာ်ယိၤအ့လး 2:6 Iomraidhean Croise

စံးထီၣ်ပတြၢၤ 119:83

အဂ့ၢ်ဒ်အံၤ, ယမၤယသးဒ်ထံဒၢတၢ်ဖံးလၢ မ့ၣ်အူခုၣ်အပူၤအသိးန့ၣ်လီၤ. နာ်သက့ယတသးပ့ၤနီၣ် နတၢ်မၤလိာ်တဖၣ်န့ၣ်ဘၣ်.

လံာ်ယၡါယၤ 13:8

အဝဲသ့ၣ်ခဲလၢာ်ကပျံၤတၢ်ဖုးတၢ်ဒီးတၢ်ဆိးကဲးကလုၣ်ဘၢအီၤ, ဒ်တၢ်ဆိးကဲးအိၣ်ဒီးပိာ်မုၣ်အဟုးဆါတဂၤအသိးန့ၣ်လီၤ. ကကွၢ်လိာ်အသးတဂၤဒီးတဂၤလၢတၢ်ပျံၤတၢ်ဖုးအပူၤ, ဒီးအမဲာ်သၣ်တဖၣ်ကကိၢ်ဝဲဒီးတၢ်မဲာ်ဆှးလီၤ.

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 8:21

ယသးလီၤသဘှံးကွံာ် မ့ၢ်လၢယပှၤဂီၢ်မုၢ်ဘၣ်တၢ်ဆီၣ်တံၢ်ဆီၣ်သနံးအီၤ အဃိလီၤ. ယဟီၣ်တၢ်ယၢၤတၢ်လီၤ. ယသးအုးဒီးသးလီၤကတုၤလၢာ်အခၢးလီၤ.

လံာ်သးသယုၢ်တၢ် 4:8

ခဲအံၤအဝဲသ့ၣ်လီၤဃံၤလၢကျဲတဖၣ်အပူၤဒီးတဘၣ်တၢ်သ့ၣ်ညါအီၤ ဘၣ်. အမဲာ်သၣ်တဖၣ်ထီၣ်သူဝဲလၢတၢ်သံအပူၤလီၤ. အဝဲသ့ၣ်အဖံးဃ့ထီဝဲဒ်သ့ၣ်အသိးဒီးလီၤသံးလၢအဃံတဖၣ်အလိၤ လီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်နၤဃူၣ် 2:11

ဝ့ၢ်လၢအလီၤဂာ်ဒီးခ့ယုၢ်တဖၣ်အတဝၢပူၤ, တၢ်လီၢ်ဖဲခ့ယုၢ်ဖိတဖၣ်အီၣ်တၢ်, ဖဲခ့ယုၢ်ဖါဒီးခ့ယုၢ်မိၢ်လဲၤဝဲဒီးအဖိတဖၣ်လၢကအိၣ်ပူၤဖျဲးဝဲ အဂီၢ်န့ၣ်, ခဲကနံၣ်အံၤအိၣ်ဖဲလဲၣ်.