လံာ်ယိၤအ့လး 2:23 - Sgaw Karen Common Bible

²³ စံယိၣ်အပှၤဂီၢ်မုၢ်ဧၢ, သူၣ်ခုသးခုတက့ၢ်. သူၣ်ဖှံသးညီလၢယွၤ, သုကစၢ်ယွၤမၤတ့ၢ်တၢ်လၢသုဂီၢ်အဃိန့ၣ်တက့ၢ်. အဂ့ၢ်ဒ်အံၤ, အဝဲဒၣ်ဟ့ၣ်လီၤသုလၢတၢ်စူၤအထံလၢအကြၢးဝဲဘၣ်ဝဲ ဒီးဒုးစူၤလီၤန့ၢ်သုတၢ်စူၤထံအါအါကလဲာ်, တၢ်စူၤထံလၢအဆိဒီးလၢခံ, ဒ်လၢညါအသိးန့ၣ်လီၤ.

လံာ်ယိၤအ့လး 2:23 Iomraidhean Croise

လံာ်စီၤပၤအခီၣ်ထံးတဘ့ၣ် 8:36

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်စီၤပၤဒီးကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် ဒီးသိၣ်လိအဝဲသ့ၣ်လၢကမၤတၢ်လၢအဘၣ်န့ၣ်တက့ၢ်. အန့ၣ်ဒီးယွၤဧၢ, ဒုးစူၤလီၤတၢ်လၢနကီၢ်အံၤအဖီခိၣ်, ကီၢ်လၢနဟ့ၣ်တ့ၢ်နပှၤဂီၢ်မုၢ်ဒ်အတၢ်န့ၢ်သါအဂၢၢ်အကျၢၤအသိးန့ၣ် တက့ၢ်.

လံာ်စီၤယိၤဘး 33:23

ဘၣ်သ့ၣ်သ့ၣ် ကလူးတဂၤ, လၢအမ့ၢ်ကစၢ်ယွၤအကလူးအကထိ တဖၣ်အကျါတဂၤ ကဟဲမၤစၢၤအီၤဒီး ဒုးသ့ၣ်နီၣ်ပှၤကညီ လၢအမူအဒါန့ၣ်လီၤ.

လံာ်စီၤယိၤဘး 37:13

ကစၢ်ယွၤဆှၢလီၤတၢ်စူၤထံဒ်သိးကမၤဘၣ်စီၣ်ဟီၣ်ခိၣ်န့ၣ်လီၤ. ဒီးလၢတၢ်သိၣ်ဃီၣ်ပှၤကညီမ့ၢ်ဂ့ၤ, တၢ်ဒုးထံၣ်အီၤလၢအတၢ် ဘၣ်အသးမ့ၢ်ဂ့ၤအဝဲကဆှၢလီၤဝဲလီၤ.

စံးထီၣ်ပတြၢၤ 104:34

မ်ယတၢ်ဆိကမိၣ်န့ၣ်ဘၣ်အသးတက့ၢ်. ဒီး, ယကသးခုလၢယွၤအပူၤလီၤ.

စံးထီၣ်ပတြၢၤ 147:8

အဝဲဒၣ်မၤဘၢမူခိၣ်လၢတၢ်အၢၣ်, ကတဲာ်ကတီၤတၢ်စူၤလၢဟီၣ်ခိၣ်အဂီၢ်, ဒီးဒုးမဲထီၣ်နီၣ်ဧိၤမံၤဧိၤလၢ ကစၢၢ်ကလိအလိၤန့ၣ်လီၤ.

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

စံးထီၣ်ပတြၢၤ 28:7

ယွၤမ့ၢ်ယဂံၢ်ယဘါ, ဒီးယကတီၤတဘ့ၣ်လီၤ. ယသးသန့ၤအသးလၢအီၤ, သတးဒီးယဘၣ်တၢ်မၤစၢၤယၤ, ဒီးယသူၣ်ခုယသးခု, ဒီးယစံးထီၣ်ပတြၢၤအီၤလၢယတၢ်သးဝံၣ်န့ၣ်လီၤ.

စံးထီၣ်ပတြၢၤ 32:11

သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 84:6

ဖဲအဝဲသ့ၣ်လဲၤခီဂာ်မဲာ်ထံအကစၢၢ်ကဆူး တြီၤလၢအဃ့ထီန့ၣ်, တၢ်လီၢ်န့ၣ် ကဲထီၣ်ထံထီၣ်ပၢၢ်တဖၣ်လီၤ. တၢ်ဟဲစူၤဆိမၤပှဲၤတၢ်လီၢ်န့ၣ် ဒီးကမါတဖၣ်လီၤ.

တၢ်ကတိၤဒိ. 16:15

စီၤပၤအကွၢ်မဲာ်တၢ်န့ၣ်မၤသးဒ်တၢ်အၢၣ်တဖၣ်လၢအဟဲစိာ်မူခိၣ် ထံလၢတၢ်စူၤလီၤသီအကတီၢ်န့ၣ်လီၤ. တၢ်မူအိၣ်ဖဲန့ၣ်, န့ၣ်လီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယံးရမံယၤ 3:3

လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

လံာ်သးသယုၢ်တၢ် 4:2

ဝ့ၢ်စံယိၣ်အပှၤသးစၢ်ပိာ်ခွါတဖၣ်မ့ၢ်တ့ၢ်တၢ်လုၢ်ဒိၣ်ပှ့ၤဒိၣ် ဒ်ထူအသိးလၢပဂီၢ်, မ့မ့ၢ်ခဲအံၤအဝဲသ့ၣ်ဘၣ်တၢ်မၤအီၤဒ်သပၢၤဟီၣ်ခိၣ်ပတီၢ်မုၢ် တဖၣ်အသိးလီၤ.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:4

ယကဟ့ၣ်လီၤသုလၢတၢ်စူၤလၢအကတီၢ်ဒၣ်ဝဲဒ်သိးဟီၣ်ခိၣ်ကဟ့ၣ်ထီၣ် အတၢ်အါထီၣ်ဒီးသ့ၣ်ကသၣ်ထီၣ်အဂီၢ်လီၤ.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်စကၤရယၤ 10:1

ဃ့တၢ်စူၤထံလၢယွၤ, တၢ်စူၤထံလၢနံၣ်တနံၣ်န့ၣ်အတၢ်မဲထီၣ်အကတီၢ်အဂီၢ်တက့ၢ်. အဂ့ၢ်ဒ်အံၤ, ယွၤမ့ၢ်ပှၤလၢအဟ့ၣ်လီၤတၢ်စူၤအတၢ်အၢၣ်တဖၣ်ဒီးတၢ် စူၤအထံတဖၣ်လၢကဒုးလါဟ့ထီၣ်စံာ်ပျီတဖၣ်လၢပှၤကိးဂၤဒဲး အဂီၢ်န့ၣ်လီၤ.

လံာ်စကၤရယၤ 10:7

ကီၢ်အံၣ်စရ့လးအပှၤဂီၢ်မုၢ်ကဂံၢ်ဆူၣ်ဘါဆူၣ်ထီၣ်ဒ် ပှၤသုးဖိတဖၣ်အသိး, ကသူၣ်ခုသးခုဒ်ပှၤတဖၣ်လၢအအီစပံးထံအသိးလီၤ. အဝဲသ့ၣ်အစၢၤအသွဲၣ်သ့ၣ်တဖၣ်ကသ့ၣ်နီၣ်ထီၣ် တၢ်မၤနၢၤအံၤ, ဒီးကသးခုဝဲလၢတၢ်လၢယွၤမၤတ့ၢ်ဝဲအဃိန့ၣ်လီၤ.

လံာ်စကၤရယၤ 9:13

ယကသူကီၢ်ယူဒၤဒ်ပှၤသုးဖိတဂၤအချံၣ်အသိးဒီး ကီၢ်အံၣ်စရလးဒ်ပျၢ်တဖၣ်အသိးန့ၣ်လီၤ. ယကသူဝ့ၢ်စံယိၣ်အပှၤကညီတဖၣ်ဒ်နးတဘ့ၣ်အသိးလၢ တၢ်ဒုးကီၢ်ကြံး(စ်) အပှၤကညီတဖၣ်အဂီၢ်န့ၣ်လီၤ.”

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

လံာ်သိၣ်လီၤသီလီၤတၢ် 11:14

သုမ့ၢ်မၤဒီး, အဝဲကဆှၢလီၤတၢ်စူၤထံလၢကီၢ်အဖီခိၣ်ဖဲအလိၣ် ဘၣ်ဝဲအခါ, လၢတၢ်ယီၤထီၣ်သီအကတီၢ်ဒီးလၢတၢ်မဲထီၣ်သီ အကတီၢ်, ဒ်သိးဘုဧိၤဟုဧိၤ, စပံးထံဒီးသ့ၣ်စၤယံးအသိ ကအိၣ်ဝဲလၢသုဂီၢ်,

လံာ်သိၣ်လီၤသီလီၤတၢ် 28:12

အဝဲကဒုးစူၤလီၤတၢ်လၢအဆၢကတီၢ်ဒၣ်ဝဲအပူၤ, လၢအတၢ်ပာ်ဖှိၣ်အဟံၣ်အထူးအတီၤလၢအအိၣ်ဝဲလၢမူကပိာ်လိၤန့ၣ်, ဒီးဆိၣ်ဂ့ၤသုတၢ်မၤခဲလၢာ်တုၤဒၣ်လဲာ်, သုကဒုးလိၢ်ဘၣ်တၢ်ဆူပှၤအါကလုာ်, ဘၣ်ဆၣ်သုလိၢ်န့ၢ်တၢ်လၢအဝဲ သ့ၣ်တကလုာ်ဂ့ၤတကလုာ်ဂ့ၤအအိၣ်, အလီၢ်တအိၣ်ဘၣ်န့ၣ်လီၤ.

လံာ်သိၣ်လီၤသီလီၤတၢ် 32:2

ယတၢ်သိၣ်လိကမၤအသးဒ်တၢ်စူၤထံအလီၤစီၤတဖၣ်လၢအဟဲလီၤတဲာ်အသိး, ဒီးဒုးအိၣ်ထီၣ်ပစီၤထံလၢဟီၣ်ခိၣ်လိၤအသိးန့ၣ်လီၤ. ယတၢ်ကတိၤတဖၣ်ကမၤအသးဒ်ထံလူလီၤအသးအါအါဂီၢ်ဂီၢ် လၢတၢ်မုၢ်တၢ်ဘိမဲထီၣ်သီတဖၣ်အလိၤအသိး, လီၤဂာ်ဒ်တၢ်လီၤသဖှံၣ်လၢတပံာ်လၢအစၢ်အလိၤအသိးန့ၣ်လီၤ.

ဖံလံးပံၤ 3:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သူၣ်ခုသးခုလၢသုတၢ်မ့ၢ်တၢ်တမံၤဃီဒီးကစၢ်ခရံာ်အဃိ န့ၣ်တက့ၢ်. ယကတဲကဒီး တၢ်လၢယကွဲးတ့ၢ်လံလၢညါန့ၣ်တမ့ၢ်တၢ်တံာ်တာ်လၢ ယဂီၢ်ဘၣ်, ဒီးယမ့ၢ်မၤဒ်န့ၣ်မးဒီးတၢ်လီၤဘၣ်ယိၣ်လၢသုဂီၢ် ကစှၤလီၤဝဲလီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.