လံာ်ယိၤအ့လး 2:22 - Sgaw Karen Common Bible

²² ဆၣ်ဖိကီၢ်ဖိသ့ၣ်ဧၢ, ပျံၤတၢ်တဂ့ၤ. တၢ်အီၣ်ဆၣ်အလီၢ်တဖၣ်လါဟ့ဝဲ, သ့ၣ်တဖၣ်သၣ်ထီၣ်ဝဲ, ချၢၣ်ဒၢအထူၣ်ဒီးစပံးမုၢ်တဖၣ်အိၣ်အါအါဂီၢ်ဂီၢ်န့ၣ်လီၤ.

လံာ်ယိၤအ့လး 2:22 Iomraidhean Croise

လံာ်တၢ်ကဲထီၣ်အခီၣ်ထံး 4:12

နမ့ၢ်ဂုာ်ကျဲးစၢးသူၣ်လီၤတၢ်မုၢ်တၢ်ဘိတဖၣ်ဘၣ်ဆၣ်ဒီးဟီၣ်ခိၣ် တဟ့ၣ်ထီၣ်တၢ်နီတမံၤဘၣ်. နကကဲထီၣ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢန့ၣ် လီၤ.”

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

စံးထီၣ်ပတြၢၤ 65:12

တၢ်အီၣ်ဆၣ်အလီၢ်တဖၣ်ပှဲၤဝဲဒီးသိအဖုတဖၣ်, ကစၢၢ်ကလိတဖၣ်ပှဲၤဒီးတၢ်သးခုန့ၣ်လီၤ.

စံးထီၣ်ပတြၢၤ 65:13

စံာ်ပျီတဖၣ်ဘၣ်တၢ်လုၣ်ဘၢအီၤလၢ သိတဖၣ် ဒီးတၢ်ပၢၤခိၣ်န့ၣ်အိၣ်ပှဲၤဒီး ဘုဧိၤဟုဧိၤလီၤ. အဝဲသ့ၣ်ကိးပသူထီၣ်ဒီးသးဝံၣ်သကိးတပူၤဃီလၢတၢ်သးခု အဃိန့ၣ်လီၤ.

စံးထီၣ်ပတြၢၤ 67:6

ဟီၣ်ခိၣ်ဟ့ၣ်ထီၣ်လံအတၢ်အါထီၣ်, ကစၢ်ယွၤပကစၢ်ယွၤဆိၣ်ဂ့ၤတ့ၢ်လံပှၤလံ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယဃ့းစက့လး 36:30

ယကဒုးသၣ်အါထီၣ်သုသ့ၣ်တဖၣ်လၢအသၣ်ထီၣ်သ့ဒီးသုစံာ်ဧိၤပှဲၤဧိၤ တဖၣ်ဒ်သိးတၢ်သၣ်ဝံၤလီၤဒိလၢအကမၤမဲာ်ဆှးသုလၢပှၤကလုာ် တဖၣ်အကျါသုတအိၣ်လၢၤနီတဘျီတဂ့ၤန့ၣ်လီၤ.

လံာ်ယဃ့းစက့လး 36:35

ပှၤကိးဂၤကစံးဝဲလၢကီၢ်အံၤ, တဘျီမ့ၢ်ပှၢ်မုၢ်ကနၢတပူၤ, ခဲကနံၣ်အံၤကဲထီၣ်ဒ်ဧ့ၤဒ့ၣ်တၤသၣ်လီၢ်အသိးဒ်လဲၣ်, ဒီးဝ့ၢ်တဖၣ် လၢအဘၣ်တၢ်မၤလီၤပှီၢ်ကွံာ်အီၤ, ဘၣ်တၢ်ဂုာ်ဆူၣ်ပျီဆူၣ်ဒီးဘၣ် တၢ်ပာ်လီၤတဲာ်ကွံာ်အီၤလၢတၢ်ဟးဂီၤတဖၣ်အပူၤန့ၣ်, ခဲအံၤ ပှၤအိၣ်ဝဲဆိးဝဲဒီးဘၣ်တၢ်မၤကျၢၤခၢၣ်သနၢၣ်ထီၣ်အီၤန့ၣ်ဒ်လဲၣ်.

လံာ်ယဃ့းစက့လး 36:8

မ့မ့ၢ်လၢကီၢ်အံၣ်စရ့လးအကစၢၢ်ကလိတဖၣ်အလိၤန့ၣ်သ့ၣ်တဖၣ် အလၣ်ကဒိးထီၣ်ကဒီး, ဒီးသၣ်ထီၣ်လၢသုဝဲယပှၤဂီၢ်မုၢ်အံၣ်စရ့ လးအဂီၢ်န့ၣ်လီၤ. တယံာ်ဘၣ်ဒီးသုကဟဲက့ၤကဒါက့ၤဆူဟံၣ်န့ၣ်လီၤ.

လံာ်ယိၤနါ 4:11

ဒီးမ့ၢ်တကြၢးယသးအိၣ်ဘၣ်နံၤနဝ့, ဝ့ၢ်ဖးဒိၣ်တဖျၢၣ်, လၢပှၤကညီတသ့ၣ်ညါအစုထွဲဒီးအစု စ့ၣ်အိၣ်ဝဲလၢတကလီၢ်ခံကလးအဘျဲၣ်ဒီးဆၣ်ဖိကီၢ်ဖိအါအါကလဲာ် န့ၣ်ဘၣ်ဧါ.”

လံာ်ဃးကဲ 2:16

သုကလဲၤတ့ၢ်ဆူဘုဧိၤဟုဧိၤပာ်ဖှိၣ်သးအလီၢ်တပူၤ ဒီးမုၢ်လၢ်ထံၣ်ဘၣ်တၢ်ဃီၣ်န့ၢ်, ခံဆံနာ်ဘၣ်ဆၣ်, ဖဲန့ၣ်ကအိၣ်ထဲတဆံ နာ်ဧိၤလီၤ. သုကလဲၤတ့ၢ်ဒ်သိးသုကဃီၣ်န့ၢ်စပံးထံလၢနီၣ်စံၢ်စပံးထံ အပူၤအခွးယဲၢ်ဆံဘၣ်ဆၣ်, ဖဲန့ၣ်ကအိၣ်ထဲခံဆံခွးဧိၤလီၤ.

လံာ်စကၤရယၤ 8:12

အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.

1 ကရံၣ်သူး 3:7

ပှၤတဂၤလၢအဖှံလီၤတၢ်ချံမ့ၢ်ဂ့ၤ, ပှၤတဂၤလၢအလူထံမ့ၢ်ဂ့ၤ, တမ့ၢ်တၢ်လၢအကါဒိၣ်နီၢ်နီၢ်ဘၣ်. ပှၤလၢအကါဒိၣ်န့ၣ်မ့ၢ်ကစၢ်ယွၤ, အဂ့ၢ်မ့ၢ်လၢအဝဲဒုးဒိၣ်ထီၣ်တၢ်မုၢ်တၢ်ဘိအဃိန့ၣ်လီၤ.