လံာ်ယိၤအ့လး 2:21 - Sgaw Karen Common Bible

²¹ စံာ်ဧိၤပျီဧိၤသ့ၣ်ဧၢ, ပျံၤတၢ်တဂ့ၤ, မ့မ့ၢ်သူၣ်ဖှံသးညီဒီးသူၣ်ခုသးခုလၢတၢ်လၢယွၤမၤဝဲလၢ သုဂီၢ်ခဲလၢာ်အဃိန့ၣ်တက့ၢ်.

လံာ်ယိၤအ့လး 2:21 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

စံးထီၣ်ပတြၢၤ 71:19

ကစၢ်ယွၤဧၢ, နတၢ်တီတၢ်လိၤတုၤဃီၤဆူ မူခိၣ်လၢအထီန့ၣ်လီၤ. ပှၤလၢအမၤတၢ်အဒိၣ်တဖၣ်တဂၤဧၢ, မ့ၢ်မတၤမၤသးဒ်နၤအသိးန့ၣ်တဂၤလဲၣ်, ယွၤဧၢ.

စံးထီၣ်ပတြၢၤ 98:8

မ်ထံကျိတဖၣ်ဒဲအစုတက့ၢ်. မ်ကစၢၢ်ကလိတဖၣ်သးဝံၣ်တၢ်လၢ တၢ်သူၣ်ဖှံသးညီအပူၤ, လၢယွၤအမဲာ်ညါတက့ၢ်.

လံာ်ယၡါယၤ 35:1

မဲးမုၢ်ခိၣ်န့ၣ်ကသူၣ်ခုသးခု, ဒီးဖီတဖၣ်ကဖီထီၣ်ဝဲလၢပှၢ်မုၢ်ကနၢအပူၤလီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 44:23

ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

လံာ်ယၡါယၤ 54:4

ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်. နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်. နတၢ်သးတတီဒ်မါသးစၢ်တဂၤအသိး ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်ဟိၤၡ့ 2:21

ဖဲအကတီၢ်အဝဲန့ၣ်, ယကစံးဆၢယပှၤဂီၢ်မုၢ်အံၣ်စရ့လးအတၢ်ထုကဖၣ် တဖၣ်န့ၣ်လီၤ. ယကဒုးစူၤလီၤတၢ်လၢဟီၣ်ခိၣ်အဖီခိၣ်,

လံာ်ယိၤအ့လး 2:20

ယကသုးကွံာ်ဒွဲၣ်ဧိၤသကံၤဧိၤအဖုအဂီၢ်လၢအဟဲလၢကလံၤစိး ဒီးနီၣ်ကွံာ်အဝဲသ့ၣ်တနီၤဆူပှၢ်မုၢ်ကနၢလီၤ. ယကနီၣ်ကွံာ်အခိၣ်လၢတၢ်မဲာ်ညါတဖၣ်ဆူပီၣ်လဲၣ်သံအပူၤဒီး အခိၣ်လၢတၢ်လီၢ်ခံတဖၣ်ဆူပီၣ်လဲၣ်ဖးဒိၣ်အပူၤန့ၣ်လီၤ. အဝဲသ့ၣ်အစိာ်တဖၣ်ကနၢအုၣ်ဒီးယကမၤဟးဂီၤကွံာ်အဝဲသ့ၣ် လၢတၢ်လၢမၤဘၣ်တ့ၢ်သုခဲလၢာ်အဃိန့ၣ်လီၤ.

လံာ်ယိၤအ့လး 2:26

ဒီးခဲကနံၣ်အံၤ, သုကအိၣ်ဒီးတၢ်အီၣ်တၢ်အီအါအါ ဂီၢ်ဂီၢ်လၢသုကအီၣ်အဂီၢ်, ဒီးသုကသူၣ်မံသးမံန့ၣ်လီၤ. သုကစံးထီၣ်ပတြၢၤယွၤ, သုကစၢ်ယွၤ, ပှၤလၢအမၤတ့ၢ်တၢ်လီၤလိၢ်လီၤလးလၢသုဂီၢ်န့ၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်စကၤရယၤ 8:15

မ့မ့ၢ်ခဲကနံၣ်အံၤ, ယကူၣ်ကျဲၤလၢယကဆိၣ်ဂ့ၤဝ့ၢ်ယရူၤရှလ့ၣ်ဒီးကီၢ်ယူဒၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဒီးပျံၤတၢ်တဂ့ၤ.

လံာ်သိၣ်လီၤသီလီၤတၢ် 4:32

ဃုကွၢ်တၢ်မၤအသးလၢအလဲၤပူၤကွံာ်, တချုးဒံးဘၣ်လၢသုအိၣ်ဖျဲၣ်ထီၣ်ဒံးအကတီၢ်ဘၣ်, ဃုကွၢ်ကဒါက့ၤအီၤတုၤဆူတၢ်ဆၢကတီၢ်, ဖဲကစၢ်ယွၤတ့လီၤပှၤကညီလၢဟီၣ်ခိၣ်ချၢန့ၣ်တက့ၢ်. ဃုကွၢ်ဟီၣ်ခိၣ်ဒီဘ့ၣ်ညါတက့ၢ်. မ့ၢ်တၢ်အဒိၣ်အမုၢ်ထဲသိးအံၤတမံၤမံၤမၤတ့ၢ်အသးလၢညါတဘျီ ဘျီဧါ. မ့ၢ်ပှၤတဂၤဂၤနၢ်ဟူဘၣ်တ့ၢ်တၢ်ဒ်သိးအံၤတမံၤမံၤန့ၣ်တစုစု ဧါ.

လံာ်စီၤၡမူၤအ့လးအခီၣ်ထံးတဘ့ၣ် 12:16

မၤသးဒ်န့ၣ်ဒီး, ဆၢထၢၣ်ဖဲသုအိၣ်အလီၢ်, ဒီးသုကထံၣ်တၢ်အဒိၣ်အမုၢ်လၢ ယွၤကမၤအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.