လံာ်ယိၤအ့လး 2:20 - Sgaw Karen Common Bible

²⁰ ယကသုးကွံာ်ဒွဲၣ်ဧိၤသကံၤဧိၤအဖုအဂီၢ်လၢအဟဲလၢကလံၤစိး ဒီးနီၣ်ကွံာ်အဝဲသ့ၣ်တနီၤဆူပှၢ်မုၢ်ကနၢလီၤ. ယကနီၣ်ကွံာ်အခိၣ်လၢတၢ်မဲာ်ညါတဖၣ်ဆူပီၣ်လဲၣ်သံအပူၤဒီး အခိၣ်လၢတၢ်လီၢ်ခံတဖၣ်ဆူပီၣ်လဲၣ်ဖးဒိၣ်အပူၤန့ၣ်လီၤ. အဝဲသ့ၣ်အစိာ်တဖၣ်ကနၢအုၣ်ဒီးယကမၤဟးဂီၤကွံာ်အဝဲသ့ၣ် လၢတၢ်လၢမၤဘၣ်တ့ၢ်သုခဲလၢာ်အဃိန့ၣ်လီၤ.

လံာ်ယိၤအ့လး 2:20 Iomraidhean Croise

လံာ်စီၤပၤခံဘ့ၣ်တဘ့ၣ် 8:13

စီၤဃစ့လးသံကွၢ်ဝဲ, “ယအိၣ်ဒီးတၢ်စိတၢ်ကမီၤထဲထဲန့ၣ် ကသ့တဘျီဘျီဧါ. ယတမ့ၢ်တၢ်နီတမံၤဘၣ်.” စီၤအလံၤၡါစံးဆၢဝဲ, “ယွၤဒုးနဲၣ်တ့ၢ်ယၤလၢနကကဲထီၣ်ကီၢ် စူၤရံအစီၤပၤန့ၣ်လီၤ.”

စံးထီၣ်ပတြၢၤ 126:3

ယွၤမၤတၢ်အဒိၣ်တဖၣ်လၢပဂီၢ်, ဒီးပသးခုလၢအဃိလီၤ.

လံာ်တၢ်ဟးထီၣ်ကွံာ် 10:19

ဒီးယွၤလဲလိာ်ကွံာ်ကလံၤလၢမုၢ်ထီၣ်ဆူကလံၤအဆူၣ်လၢမုၢ်နုာ်, ဒီးစိာ်ကွံာ်ဒွဲၣ်ဧိၤသကံၤဧိၤတဖၣ်ဒီးအူကွံာ်အီၤတုၤအတုၤဆူ ပီၣ်လဲၣ်ဂီၤန့ၣ်လီၤ. ဒီးဒွဲၣ်ဧိၤသကံၤဧိၤတအိၣ်တ့ၢ်ဝဲနီ တဘ့ၣ်လၢကီၢ်အဲၤကူပတူးန့ၣ်ဘၣ်.

လံာ်တၢ်ဟးထီၣ်ကွံာ် 8:14

ဒီးပှၤအဲၤကူပတူးဖိတဖၣ်ပာ်ဖှိၣ်ဝဲဒၣ်တပူၣ်တပူၣ်တုၤကီၢ်ဒီဘ့ၣ်နၢအုၣ်ဝဲလၢအဃိန့ၣ်လီၤ.

လံာ်ယၡါယၤ 34:3

အဝဲသ့ၣ်အစိၣ်တဖၣ်တဘၣ်တၢ်ခူၣ်လီၤအီၤဘၣ်. ကအိၣ်ဒၣ်ဖဲန့ၣ်, အုၣ်သံကျၣ်သံနၢအုၣ်နၢပူး, ဒီးကစၢၢ်ကလိ တဖၣ်ကဂီၤဝဲဒီးတၢ်သွံၣ်လီၤ.

လံာ်ယဃ့းစက့လး 47:18

မုၢ်ထီၣ်အကီၢ်ဆၢန့ၣ်လဲၤဝဲဆူကလံၤထံးတကပၤစးထီၣ်လၢ တၢ်လီၢ်တတီၤလၢအအိၣ်လၢဒၤမ့ၤစ့းအလီၢ်ကဝီၤဒီးဝ့ၢ်ဃၤရၣ် အဘၢၣ်စၢၤအိၣ်ဒီးထံကျိယၢ်ဒ့ၣ်ဒ်ကီၢ်အဆၢ, လၢအံၣ်စရ့လးအကီၢ်မုၢ်နုာ်တခီ, ဒီးကီၢ်ကံးလဧးလၢမုၢ်ထီၣ်တခီယံၤဝဲ တုၤလီၤလၢဝ့ၢ်တၤမၣ်လၢပီၣ်လဲၣ်သံအနံၤန့ၣ်လီၤ.

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်စကၤရယၤ 14:8

ဖဲမုၢ်နံၤအဝဲန့ၣ်တုၤဃီၤန့ၣ်, ထံမူကယွၤလီၤဝဲဒၣ်လၢဝ့ၢ်ယရူၤၡလ့ၣ်, တဝာ်န့ၣ်ကယွၤလီၤဆူပီၣ်လဲၣ်သံ, ဒီးအဂၤတဝာ်န့ၣ်ကယွၤလီၤဝဲဒၣ်ဆူပီၣ်လဲၣ်ဖးဒိၣ်မဲးထံးထၢၣ် ရ့နယၢၣ်န့ၣ်လီၤ. ထံမူအံၤကယွၤလီၤဝဲဒၣ်လၢဒီတနံၣ်ညါအတီၢ်ပူၤ, လၢတၢ်ယီၤအကတီၢ်ဒီးတၢ်စူၤအကတီၢ်စ့ၢ်ကီးန့ၣ်လီၤ.

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.

လံာ်သိၣ်လီၤသီလီၤတၢ် 11:24

ကယဲၢ်တၢ်လီၢ်လၢသုခီၣ်ယီၢ်လီၤလၢအဖီခိၣ်န့ၣ်ကမ့ၢ်သု တၢ်လီၤ. သုလီၢ်ကဝီၤကလဲၢ်ဝဲစးထီၣ်လၢပှၢ်မုၢ်ကနၢလၢကလံၤ ထံးတခီတုၤဆူကီၢ်လဘၤနိၣ်အကစၢၢ်ကလိတဖၣ်လၢကလံၤစိးတခီ, ဒီးစးထီၣ်လၢထံကျိဖရၤသးလၢမုၢ်ထီၣ်တခီတုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်လၢမုၢ်နုာ်တခီန့ၣ်လီၤ.