လံာ်ယိၤအ့လး 2:2 - Sgaw Karen Common Bible

² ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ယိၤအ့လး 2:2 Iomraidhean Croise

စံးထီၣ်ပတြၢၤ 10:6

အဝဲသ့ၣ်စံးဝဲလၢအသးကံၢ်ပူၤ, “ယတဟူးတဝးဘၣ်. အစိၤစိၤအဃၣ်ဃၣ်န့ၣ် ယတဘၣ်ဘၣ်တၢ်ကီတၢ်ခဲဘၣ်.”

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်တၢ်ဟးထီၣ်ကွံာ် 10:14

အဝဲသ့ၣ်ဟဲဝဲအါဖုအါဂီၢ်ဒီးစီၢ်လီၤလၢကီၢ်အဲၤကူပတူးဒီ ဘ့ၣ်ညါန့ၣ်လီၤ. တၢ်န့ၣ်မ့ၢ်ဒွဲၣ်ဧိၤသကံၤဧိၤအဖုအဂီၢ်အဒိၣ်ကတၢၢ်လၢတၢ်တထံၣ် ဘၣ်တ့ၢ်အီၤနီတစုမ့ၢ်ဂ့ၤ, တဘၣ်တၢ်ထံၣ်ကဒီးအီၤနီတစုလၢၤမ့ၢ်ဂ့ၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 10:6

ဒီးကပှဲၤလၢနနီပူၤ, လၢနခ့နပှၤတဖၣ်အဟံၣ်ဒီးကယဲၢ်နပှၤဂီၢ် မုၢ်အဟံၣ်တဖၣ်ခဲလၢာ်အပူၤန့ၣ်လီၤ. ဒီးကအၢဝဲနးန့ၢ်ဒံးနပၢ်လၢပျၢၤတဖၣ်ထံၣ်ဘၣ်တ့ၢ်ဝဲဒၣ်န့ၣ်လီၤ.” ဒီးစီၤမိၤၡ့ဃၣ်အသးဒီးဟးထီၣ်ကွံာ်လၢစီၤပၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 20:21

ဘၣ်ဆၣ်ဒီးပှၤဂီၢ်မုၢ်အိၣ်ဆၢထၢၣ်ဒံးဝဲဖးယံၤန့ၣ်လီၤ. ထဲဒၣ်စီၤမိၤၡ့တဂၤဧိၤလဲၤဝဲဘူးဒီးတၢ်အၢၣ်ခံးသူဖဲကစၢ် ယွၤအိၣ်ဝဲအလီၢ်န့ၣ်လီၤ.

လံာ်ယၡါယၤ 5:30

ဖဲမုၢ်နံၤအဝဲန့ၣ်ဟဲတုၤဝဲဒီး, အဝဲသ့ၣ်ကညီၤဝဲလၢအံၣ်စရ့ လးအဖီခိၣ်ဒ်ပီၣ်လဲၣ်သီၣ်ဒိၣ်သီၣ်သွါအသိးလီၤ. ကွၢ်ထံကီၢ်အံၤတက့ၢ်. တၢ်ခံးတၢ်နၤဒီးတၢ်သူၣ်အုးသးအုးလီၤ. တၢ်ကပီၤဘၣ်တၢ်ယူၢ်လီၤကွံာ် အီၤလၢတၢ်ခံးတၢ်နၤလီၤ.

လံာ်ယၡါယၤ 8:22

မ့တမ့ၢ်, ကကွၢ်စူၢ်ဟီၣ်ခိၣ်, ဘၣ်ဆၣ်ဒီးတထံၣ်တၢ်နီတမံၤဘၣ်. ကထံၣ်ဒၣ်ထဲတၢ်ကီတၢ်ခဲဒီးတၢ်ခံးတၢ်နၤ, လၢတၢ်ခံးတၢ်နၤလီၤ ပျံၤလီၤဖုးတခါအဝဲသ့ၣ်ဘၣ်တၢ်နီၣ်နုာ်အီၤဆူအပူၤန့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယံးရမံယၤ 13:6

လၢခံတယံာ်ဘၣ်ဒီးယွၤတဲဘၣ်ယၤလၢယကလဲၤကဒါက့ၤဆူ ထံကျိဖးဒိၣ်ဖရၤသးဒီးဟံးန့ၢ်က့ၤဖျီၣ်ခံအဖုၣ်တဖၣ်န့ၣ်လီၤ.

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်ယဃ့းစက့လး 32:7

ဖဲယမၤဟးဂီၤကွံာ်နၤန့ၣ်, ယကကးဘၢမူကပိာ်လိၤဒီးတြီတံာ် ဃးဆၣ်ဧိၤဖီဧိၤတဖၣ်န့ၣ်လီၤ. မုၢ်န့ၣ်ကအိၣ်ခူသူၣ်လၢတၢ်အၢၣ်တဖၣ် အလီၢ်ခံဒီးလါန့ၣ်တဟ့ၣ်ထီၣ်ဘၣ်အတၢ်ကပီၤဘၣ်.

လံာ်ယဃ့းစက့လး 34:12

ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်ယဃ့းစက့လး 38:9

အဝဲဒီးအသုးမုၢ်ဒီးပှၤအါကလုာ်လၢအအိၣ်ဒီးအီၤ, ကလဲၤထီၣ် ဒုးတၢ်ဒ်ကလံၤမုၢ်အသိးဒီးကျၢၢ်ဘၢထံကီၢ်ဒ်တၢ်အၢၣ်အသိး န့ၣ်လီၤ.”

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ယိၤအ့လး 1:6

ဒွဲၣ်ဧိၤတြၤဧိၤတဖၣ်ဟဲထီဒါပထံပကီၢ်လီၤ. အဝဲသ့ၣ်အဂံၢ်အဘါဆူၣ်ဝဲဒီးအါဝဲဂီၢ်ဝဲလၢပကဂံၢ်အီၤအဂီၢ်န့ၣ်လီၤ. အဝဲသ့ၣ်အမဲအ့ၣ်ဒ်သိးခ့ယုၢ်အမဲအသိးန့ၣ်လီၤ.

လံာ်ယိၤအ့လး 2:25

တၢ်လၢအလီၤမၢ်တ့ၢ်ဖဲနံၣ်ဧိၤလါဧိၤလၢဒွဲၣ်ဧိၤ သကံၤဧိၤတဖၣ်အီၣ်ကွံာ်တ့ၢ်ဝဲသုတၢ်မုၢ်တၢ်ဘိန့ၣ်ယကဟ့ၣ်ကဒါ က့ၤသုလီၤ. မ့ၢ်လၢယမၢလီၤဒွဲၣ်ဧိၤသကံၤဧိၤတဖၣ်ဆူသုအိၣ် အဃိန့ၣ်လီၤ.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်ယိၤအ့လး 2:5

အဝဲသ့ၣ်စံၣ်ဝဲလၢကစၢၢ်ကလိတဖၣ်အဒီခိၣ် သီၣ်လီၤဂာ်ဒ်လ့ၣ်ကဟၣ်အသိး ဒီးမၤသီၣ်အကလုၢ်လီၤဂာ်ဒ်လီၢ်အဃ့လၢမ့ၣ်အူ အီၣ်ကွံာ်အီၤအသိးန့ၣ်လီၤ. အဝဲသ့ၣ်ရဲၣ်လီၤအသးဒ်သုးမုၢ်ဖးဒိၣ်တဖုလၢ အအိၣ်ကတဲာ်ကတီၤအသးလၢ တၢ်ဒုးအဂီၢ်အသိးန့ၣ်လီၤ.

လံာ်ယိၤအ့လး 3:4

ဝ့ၢ်ထါယၢၣ်, ဝ့ၢ်စံဒိၣ်ဒီးကယဲၢ်လီၢ်ကဝီၤလၢကီၢ်ဖလ့ၡသးသ့ၣ်ဧၢ, သုကမၤယၤဒ်လဲၣ်. သုကျဲးစၢးလၢသုကမၤဆၢကဒါက့ၤယၤလၢ တၢ်တမံၤမံၤအဂီၢ်န့ၣ်ဧါ. သုမ့ၢ်မၤဒီး, ယကမၤဆၢကဒါက့ၤသုချ့ချ့ ကလဲာ်လီၤ.

လံာ်ဧၤမိၣ် 4:13

အဂ့ၢ်ဒ်အံၤ, ကွၢ်ကွၢ်, ပှၤလၢအမၤကစၢၢ်ကလိ ဒီးတ့လီၤကလံၤသီၣ်ဂီၤ, လၢအဒုးသ့ၣ်ညါပှၤကညီလၢအတၢ်ဆိကမိၣ်, လဲလိာ်မုၢ်နံၤဆူမုၢ်နၤ ဒီးယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ်, မ့ၢ်ကစၢ်ယွၤ, တၢ်သုးမုၢ်ဂီၢ်မုၢ်အကစၢ်မ့ၢ်အမံၤလီၤ.

လံာ်စဖါနယၤ 1:7

မုၢ်နံၤလၢယွၤကဆ့ၣ်နီၤလၢတၢ်စံၣ်ညီၣ်အလီၢ်န့ၣ်ဘူးထီၣ်လံ. မၤသးဒ်န့ၣ်ဒီးအိၣ်ဘှီၣ်ကလာ်လၢအမဲာ်ညါန့ၣ်တက့ၢ်. ယွၤကတဲာ်ကတီၤလံတၢ်လုၢ်ထီၣ်ပာ်ထီၣ်အပှၤဂီၢ်မုၢ်ဒီးကွဲ ဃီၤဒုၣ်ဒါတဖၣ်လၢကဂုာ်ဆူၣ်ပျီဆူၣ်ဒီးမၤဟးဂီၤကီၢ်ယူဒၤန့ၣ်လီၤ.

လံာ်စကၤရယၤ 14:6

ဖဲတၢ်ဆၢကတီၢ်အဝဲန့ၣ်တုၤဃီၤန့ၣ်, တၢ်ဂိၢ်တၢ်ခုၣ်မ့ၢ်ဂ့ၤ, ပစီၤထံလီၤသကၤမ့ၢ်ဂ့ၤ, တၢ်ခံးတၢ်နၤမ့ၢ်ဂ့ၤတအိၣ်လၢၤဘၣ်.

လံာ်မးသဲ 24:21

အဂ့ၢ်ဒ်အံၤ, အကတီၢ်ဖဲန့ၣ်အတၢ်နးတၢ်ဖှီၣ်န့ၣ်ကလီၤပျံၤလီၤဖုးဒိၣ်န့ၢ်အါန့ၢ်ဒံးတၢ်လၢ အမၤတ့ၢ်အသး, စးထီၣ်လၢဟီၣ်ခိၣ်အိၣ်ထီၣ်သီတုၤလၢမုၢ်မဆါတနံၤအံၤ, ဒီးတၢ်နးမးဒ်သိးအံၤန့ၣ်ဆူညါစ့ၢ်ကီးတမၤအသးနီတဘျီလၢၤဘၣ်.

လံာ်မၢ်ကူး 13:19

အဂ့ၢ်ဒ်လဲၣ်န့ၣ်, တၢ်နးတၢ်ဖှီၣ်တကလုာ်လၢမုၢ်နံၤမုၢ်သီတဖၣ်န့ၣ်ကမ့ၢ်တၢ်လၢ အနးဒိၣ်မးတကလုာ်လၢအတမၤဒံးဘၣ်အသးနီတစုလၢ ယွၤတ့လီၤပာ်လီၤတၢ်လၢထံးလၢသီတုၤလီၤလၢအခါခဲအံၤ န့ၣ်လီၤ. ဒီးတမ့ၢ်လၢတၢ်ကမၤအသးဒ်သိးအံၤနီတစုလၢၤဘၣ်.

လံာ်သိၣ်လီၤသီလီၤတၢ် 32:7

ဆိကမိၣ်ထီၣ်တၢ်မၤအသးလၢအပူၤကွံာ်, လၢတၢ်ဆၢကတီၢ်လၢယံာ်တ့ၢ်မးလံ အဂ့ၢ်, မၢသုပၢ်တဖၣ်တဲဘၣ်သုတၢ်လၢမၤတ့ၢ်အသး, မၢပှၤသးပှၢ်တဖၣ်တဲသုတၢ်လၢအပူၤကွံာ်အဂ့ၢ် န့ၣ်တက့ၢ်.

ဧ့ၤဘြံၤ 12:18

အဂ့ၢ်ဒ်အံၤ, သုတဟဲဘၣ်သုဝဲဒ်ပှၤအံၣ်စရ့လးဖိတဖၣ်ဟဲဝဲဆူ ကစၢၢ်လၢတၢ်ထိးအီၤသ့, ဆူကစၢၢ်စံၤနါလၢအအိၣ်ဒီးမ့ၣ်အူလၢအကဲၤကပျီၤဒီးတၢ် အၢၣ်သူဒီးတၢ်ခံးဒီးကလံၤမုၢ်,

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.

လံာ်လီၣ်ဖျါ 9:2

ဆၣ်တဖျၢၣ်န့ၣ်အိးထီၣ်တၢ်ပူၤယိာ်, ဒီးမ့ၣ်အူလုၢ်ဟဲဖျိးထီၣ်ဒ်မ့ၣ်အူအလုၢ်ဟဲထီၣ်လၢ ဖၣ်ကပူၤဖးဒိၣ်တဖျၢၣ်အပူၤအသိးန့ၣ်လီၤ. မုၢ်အတၢ်ကပီၤဒီးတၢ်ဖးဖီခံးလီၤဝဲလၢမ့ၣ်အူလုၢ်လၢ အဟဲဖျိးထီၣ်လၢတၢ်ပူၤယိာ်အဃိန့ၣ်လီၤ.