လံာ်ယိၤအ့လး 2:16 - Sgaw Karen Common Bible

¹⁶ ကိးဖှိၣ်ပှၤဂီၢ်မုၢ်တပူၤဃီ ဒီးကတဲာ်ကတီၤအဝဲသ့ၣ်လၢတၢ်အိၣ်ဖှိၣ်စီဆှံ တဘျီအဂီၢ်တက့ၢ်. ကိးဖှိၣ်ပှၤဂီၢ်မုၢ်သးပှၢ်, ပှၤဖိသၣ်ဒီး ဖိသၣ်အီနူၢ်ထံတဖၣ်တက့ၢ်. ပှၤဒိးတ့ဒိးဖျီအသးဝံၤသီသီတဖၣ်ဒၣ်လဲာ် ကဘၣ်ပာ်တ့ၢ်အဟံၣ်အဃီဒီးဟဲဝဲလီၤ.

လံာ်ယိၤအ့လး 2:16 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:13

ကယဲၢ်ပှၤပိာ်ခွါလၢကီၢ်ယူဒၤအပူၤခဲလၢာ်ဃုာ်ဒီးအမါတဖၣ်ဒီး အဖိတဖၣ်န့ၣ်, ဆၢထၢၣ်ဝဲဖဲန့ၣ်, လၢယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:5

အဝဲစံးဝဲ, “သုဝဲပှၤလ့ၤဝံဖိတဖၣ်သုကဘၣ်ပာ်စီဆှံထီၣ် သုသးဒီးမၤကဆှီထီၣ်ယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:17

မ့ၢ်လၢပှၤဂီၢ်မုၢ်အါဂၤတကဆှီဘၣ်ဒ်တၢ်ဘါအလုၢ်အလၢ်အိၣ်ဝဲ အသိးအဃိအဝဲသ့ၣ်မၤသံဘူၣ်လဲၤကပာ်အသိဖိတဖၣ်တသ့ဝဲဘၣ်. လၢတၢ်န့ၣ်အဃိပှၤလ့ၤဝံဖိတဖၣ်ဘၣ်မၤအီၤလၢအဝဲသ့ၣ်အဂီၢ်, ဒီးလုၢ်ထီၣ်သိဖိတဖၣ်ဆူယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:19

“အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, လၢနတၢ်ဂ့ၤတၢ်ဝါဒၣ်နဲအပူၤန့ၣ်, ပျၢ်လၢ်ပှၤတဖၣ်လၢအဘူၣ်ထီၣ် ဘါထီၣ်နၤလၢအသူၣ်ဒီဖျၢၣ်သးဒီဖျၢၣ်အတၢ်ကမၣ်, ဖဲအဝဲသ့ၣ်တကဆှီဘၣ်ဒ်တၢ်အလုၢ်အလၢ်အိၣ်ဝဲအသိးအခါဒၣ်လဲာ်န့ၣ် တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 35:6

သုကဘၣ်မၤသံဘူၣ်လဲၤကပာ်အသိတဖၣ်ဒီးမဲာ်တဲးလဲးတဖၣ်န့ၣ် လီၤ. ခဲကနံၣ်အံၤမၤကဆှီထီၣ်သုသးဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးကတဲာ်ကတီၤတၢ်လုၢ်တဖၣ်ဒ်သိးပှၤ အံၣ်စရ့လးဖိကဒဲကဒဲဒီးသုကပိာ်ထွဲတၢ်သိၣ်လိနဲၣ်ယုၤ တဖၣ်လၢယွၤဟ့ၣ်လီၤဝဲခီဖျိစီၤမိၤၡ့အဂီၢ်န့ၣ်တက့ၢ်.”

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

စံးထီၣ်ပတြၢၤ 19:5

လၢအဟဲထီၣ်လၢမုၢ်ဂီၤလီၤဂာ်ဒ် တလးမူးပိာ်ခွါလၢအဟဲထီၣ်လၢအဒၢးပူၤအသိး, အသူၣ်ခုသးခုဝဲဒ်ပှၤအဂံၢ်ဆူၣ်ဘါဆူၣ်လၢ အကဃ့ၢ်သတြီၤတၢ်တဂၤအသိး,

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:15

ဒီးစီၤမိၤၡ့တဲဘၣ်အဝဲသ့ၣ်, “အိၣ်ကတဲာ်ကတီၤသုသးလၢခဲ တဆ့ၣ်တနံၤအဂီၢ်, ဒီးလၢအကတီၢ်အပူၤအံၤဟးဆှဲးတၢ်အိၣ်ဃုာ်မံဃုာ်န့ၣ်တက့ၢ်.”

လံာ်တၢ်ဟးထီၣ်ကွံာ် 19:22

ပှၤလုၢ်တၢ်အခိၣ်တဖၣ်ဒၣ်လဲာ်လၢအဟဲဘူးဒီးယၤန့ၣ်ကဘၣ်မၤကဆှီ အသးလီၤ. မ့တမ့ၢ်ဘၣ်ဒီးယကစံၣ်ညီၣ်အဝဲသ့ၣ်လီၤ.”

လံာ်ယိၤအ့လး 1:14

ဘိးဘၣ်သ့ၣ်ညါလၢတၢ်ဒုၣ်တၢ်အီၣ်တၢ်အီအဂီၢ်, ကိးတၢ်အိၣ်ဖှိၣ်ရိဖှိၣ်, ကိးဖှိၣ်ပှၤခိၣ်ပှၤနၢ်တဖၣ် ဒီးယူဒၤအပှၤဂီၢ်မုၢ်ခဲလၢာ် ဆူယွၤအတၢ်လုၢ်ဟံၣ်အပူၤဒီးကိးထီၣ်ဆူ ယွၤအအိၣ်တက့ၢ်.

လံာ်မးသဲ 21:16

ဒီးအဝဲသ့ၣ်စံးဘၣ်ယ့ၣ်ၡူး, “အဝဲသ့ၣ်တဲတၢ်န့ၣ်နနၢ်ဟူဧါ.” ယ့ၣ်ၡူးစံးဆၢအဝဲသ့ၣ်, “ယနၢ်ဟူယဲသၢၣ်. မ့ၢ်သုတဖးဘၣ်တၢ်ကွဲးအသးစီဆှံလၢအစံး, ‘ယွၤကတဲာ်ကတီၤတၢ်စံးထီၣ်ပတြၢၤလၢဖိသၣ်တဖၣ်ဒီးဖိဆံးအီၣ် နုၢ်ထံဖိတဖၣ်အထးခိၣ်’ နီတဘျီဘၣ်ဧါ” (စံး. ၈:၂).

လံာ်မးသဲ 9:15

ယ့ၣ်ၡူးစံးဆၢဝဲ, “ဖဲတလးမူးပိာ်ခွါအိၣ်ဒံးဒီးအဝဲသ့ၣ် အဖၢမုၢ်ဒီးမ့ၢ်ပှၤသမှံၤလၢအဟဲဆူတၢ်တ့တၢ်ဖျီတဖၣ် သူၣ်အုးသးအုးကသ့ဧါ. ဘၣ်ဆၣ်ဒီးမုၢ်နံၤတဖၣ်ကဟဲဝဲဖဲတလးမူးပိာ်ခွါကဘၣ်တၢ်ထုးဖးကွံာ်အီၤ လၢအဝဲသ့ၣ်အအိၣ်လီၤ. တုၤနုၤတစုအဝဲသ့ၣ်ကဒုၣ်တၢ်အီၣ်လီၤ.

1 ကရံၣ်သူး 7:5

မ့တမ့ၢ်လၢသုအိၣ်ဒီးတၢ်အၢၣ်လီၤဆိပာ်သုသး, လၢသုကအိၣ်လီၤဖးတစိၢ်တလီၢ်ဒ်သိးသုကအိၣ်ဒီးတၢ်ဆၢ ကတီၢ်လၢတၢ်ထုကဖၣ်အဂီၢ်န့ၣ်, တဘၣ်အိၣ်လီၤဖးလိာ်သုသးတဂၤဒီးတဂၤတဂ့ၤ. ဘၣ်ဆၣ်ဒီးတၢ်န့ၣ်ဝံၤအလီၢ်ခံအိၣ်က့ၤဒီး တၢ်ဘၣ်ထွဲလိာ်သုသးဒ်နီၢ်ဒီမိဝၤအသိးတက့ၢ်. လၢကျဲဒ်အံၤအပူၤန့ၣ်, သုကပူၤဖျဲးဒီးတၢ်ဟ့ၣ်လီၤသုသးဆူမုၣ်ကီၤလံၢ်အတၢ်လ့ပစီ အပူၤလၢသုတၢ်ပၢၤသူၣ်ပၢၤသးတအိၣ်ဘၣ်အဃိန့ၣ်လီၤ.

လံာ်စီၤယိၤၡူ 7:13

မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.

လံာ်စီၤယိၤၡူ 8:35

စီၤယိၤၡူဖးထီၣ်စီၤမိၤၡ့အတၢ်မၤလိာ်ကိးထံၣ်ကိးဘီဒဲး လၢပှၤလၢအပာ်ဖှိၣ်သးခဲလၢာ်အမဲာ်ညါ, လၢအပၣ်ဃုာ်ဒီးပိာ်မုၣ်တဖၣ်ဒီးဖိသၣ်တဖၣ်, ဃုာ်ဒီးပှၤတခီဘီမုၢ်ဖိတဖၣ်လၢအအိၣ်လၢအဝဲသ့ၣ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:5

စီၤၡမူၤအ့လးစံးဆၢဝဲ, “မ့ၢ်လီၤ. ယဟဲဒ်သိးယကလုၢ်ထီၣ်တၢ် လုၢ်တၢ်ပာ်တမံၤဆူယွၤအအိၣ်လီၤ. မၤကဆှီသုသးဒီးဟဲပိာ်ယခံတက့ၢ်.” အဝဲတဲဘၣ်စ့ၢ်ကီးစီၤယံးၡဲဒီးအဖိခွါတဖၣ်လၢကမၤကဆှီ အသးဒီးကွဲမုာ်အဝဲသ့ၣ်တဖၣ်ဆူတၢ်လုၢ်တၢ်ပာ်န့ၣ်လီၤ.