လံာ်ယိၤအ့လး 2:14 - Sgaw Karen Common Bible

¹⁴ ဘၣ်သ့ၣ်သ့ၣ်ယွၤ, သုကစၢ်ယွၤကလဲလိာ်အတၢ်ပာ်လီၤသး ဒီးဆိၣ်ဂ့ၤသုလၢတၢ်မုၢ်တၢ်ဘိအါအါဂီၢ်ဂီၢ်န့ၣ်လီၤ. တုၤနုၤတစုသုလုၢ်ထီၣ်အီၤလၢဘုဧိၤဟုဧိၤဒီးစပံးထံကသ့ ဝဲန့ၣ်လီၤ.

လံာ်ယိၤအ့လး 2:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:22

စီၤဒၤဝံးစံးဆၢဝဲ, “မ့ၢ်လီၤ. ဖဲအဝဲအိၣ်မူဒံးဝဲအခါန့ၣ် ယဒုၣ်တၢ်အီၣ်တၢ်အီဒီးဟီၣ်တၢ်ယၢၤတၢ်လီၤ. ယဆိကမိၣ်လၢယွၤကသးကညီၤယၤဒီးတပျဲဖိသၣ်သံဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:12

ဘၣ်သ့ၣ်သ့ၣ်ယွၤကပာ်သူၣ်ပာ်သးလၢယတၢ်ကိၢ်တၢ်ဂီၤတဖၣ်ဒီးဟ့ၣ် လီၤယၤတၢ်ဆိၣ်ဂ့ၤတနီၤလၢကဟံးန့ၢ်ကွံာ်အဝဲအတၢ်ဆိၣ်အၢ အလီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 19:4

ကီၢ်အၤၡူၢ်အစီၤပၤဖးဒိၣ်ဆှၢလီၤအပှၤသုးခိၣ်ဖးဒိၣ်အဒိၣ် ကတၢၢ်ဒ်သိးကဒုၣ်ဒွဲၣ်ကစၢ်ယွၤလၢအမူဝဲတဂၤန့ၣ်လီၤ. မ်ယွၤ, နကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်ဒီးစံၣ်ညီၣ်ပှၤတဖၣ်လၢ အစံးတ့ၢ်တၢ်န့ၣ်တက့ၢ်. မၤသးဒ်န့ၣ်ဒီး, ဃ့ဘါထုကဖၣ်ဆူယွၤလၢပပှၤဂီၢ်မုၢ်လၢအအိၣ်လီၤတဲာ်ဒံးတဖၣ် အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 32:30

လၢခံတနံၤန့ၣ်စီၤမိၤၡ့စံးဘၣ်ပှၤဂီၢ်မုၢ်, “သုမၤတ့ၢ်တၢ်ဒဲးဘးအၢအၢသီသီတမံၤလီၤ. ဘၣ်ဆၣ်ဒီးခဲအံၤယကလဲၤထီၣ်ကဒီးဆူကစၢၢ်ဒီခိၣ်ဆူယွၤအအိၣ်လီၤ. ဘၣ်သ့ၣ်သ့ၣ်ယမၤန့ၢ်တၢ်ပျၢ်တၢ်ဒဲးဘးလၢသုဂီၢ်ကသ့ဝဲလီၤ.”

လံာ်ယၡါယၤ 65:8

ယွၤစံးဝဲဒၣ်, “စပံးသၣ်လၢအဂ့ၤတဖၣ်န့ၣ်ပှၤ တမၤဟးဂီၤကွံာ်နီတဂၤဘၣ်. အခိၣ်တလိာ်, အဝဲသ့ၣ်ဒုးကဲထီၣ်စပံးထံလၢစပံးသၣ်တဖၣ်အံၤလီၤ. ဒ်န့ၣ်အသိးယတမၤဟးဂီၤယပှၤဂီၢ်မုၢ်ခဲလၢာ်ဘၣ်, ယကအုၣ်က့ၤခီၣ်က့ၤပှၤသ့ၣ်တဖၣ်လၢအမၤန့ၢ်ယၤ လၢတၢ်ခ့တၢ်ပှၤအတၢ်မၤန့ၣ်လီၤ.

လံာ်ယံးရမံယၤ 18:8

ဘၣ်ဆၣ်ဒီး, ပှၤကလုာ်အဝဲန့ၣ်မ့ၢ်ဃၣ်ကွံာ်အသးလၢတၢ်အၢ တၢ်သီဒီး, ယတမၤတၢ်လၢယစံးတ့ၢ်လၢယကမၤအီၤန့ၣ်ဘၣ်.

လံာ်ယံးရမံယၤ 26:13

သုကဘၣ်လဲလိာ်ကွံာ်ကျဲလၢ သုအိၣ်မူအီၤဒီးတၢ်တဖၣ် လၢ သုမၤအီၤ, ဒီးသုကဘၣ်စူၢ်ယွၤ, သုကစၢ်ယွၤန့ၣ်လီၤ. သုမ့ၢ်မၤအီၤဒီး, အဝဲကလဲလိာ်ကွံာ် အတၢ်ပာ်လီၤသးဘၣ်ဃးတၢ်မၤဟးဂီၤလၢ အဝဲစံးတ့ၢ်ဝဲလၢ ကဒုးလီၤဘၣ်အီၤလၢသုလိၤန့ၣ်လီၤ.

လံာ်ယံးရမံယၤ 26:3

ဘၣ်သ့ၣ်သ့ၣ် ပှၤဂီၢ်မုၢ်ကဒိကနၣ်ဝဲဒီး ဃၣ်ကွံာ်အသးလၢ အကျဲ အအၢအသီတဖၣ်န့ၣ်လီၤ. အဝဲသ့ၣ်မ့ၢ် မၤဝဲဒီး, ယကလဲလိာ်ကွံာ် ယတၢ်ပာ်လီၤယသးလၢ တၢ်ဟးဂီၤလၢ ယကူၣ်ထီၣ်လၢ ယကဒုးလီၤဘၣ်လၢ အဝဲသ့ၣ်အလိၤလၢ အဝဲသ့ၣ်အတၢ်မၤအအၢအသီ တဖၣ်အဃိန့ၣ်လီၤ.”

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ယိၤအ့လး 1:16

ပကွၢ်တၢ်ဒ်ပှၤလၢတၢ်မၤစၢၤအီၤတအိၣ်ဘၣ်မ့ၢ်လၢ ပတၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤအဃိန့ၣ်လီၤ. ဒီးတၢ်သူၣ်ဖှံသးညီန့ၣ်တအိၣ်ဝဲဒၣ်လၢပကစၢ်ယွၤ အတၢ်လုၢ်ဟံၣ်အပူၤန့ၣ်ဘၣ်.

လံာ်ယိၤအ့လး 1:9

ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤလၢတၢ်လုၢ်ဟံၣ် အပူၤန့ၣ်ဘၣ်. ပှၤလုၢ်တၢ်အခိၣ်တဖၣ်သူၣ်အုးသးအုးဝဲဒၣ်လၢတအိၣ်ဘၣ်ဒီးတၢ် လုၢ်တၢ်ပာ်နီတမံၤလၢကလုၢ်ထီၣ်ဝဲလၢကစၢ်အဂီၢ်ဘၣ်အဃိလီၤ.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်ယိၤနါ 3:9

ဘၣ်တဘၣ်ကစၢ်ယွၤကလဲလိာ်က့ၤအသး, ဘၣ်တဘၣ်အဝဲကဆိ ကတီၢ်ကွံာ်အတၢ်သးဒိၣ်ဒီးပတတုၤလၢတၢ်ဟးဂီၤလၢၤဘၣ်.”

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

လံာ်စီၤယိၤၡူ 14:12

လၢတၢ်န့ၣ်အဃိ, အခဲအံၤဟ့ၣ်လီၤယၤလၢကစၢၢ်န့ၣ်လၢယွၤအၢၣ်လီၤတ့ၢ်ယၤတနံၤဃီ ဖဲယၤဒီးယပှၤတဖၣ်ပပာ်ဖျါက့ၤတၢ်ဂ့ၢ်န့ၣ်တက့ၢ်. ပစံးဘၣ်တ့ၢ်သုလၢပှၤ အနီၢ်ဒိၣ်လၢအဘၣ်တၢ်ကိးအီၤလၢပှၤဧနးဖိတဖၣ်အိၣ် ဖဲန့ၣ်လၢဝ့ၢ်တဖၣ်လၢအအိၣ်ဒီးအခိၣ်ဒူဖးဒိၣ်အပူၤန့ၣ်လီၤ. ယွၤမ့ၢ်အိၣ်ဒီးယၤဒီးယကဟီထီၣ်ကွံာ်အဝဲသ့ၣ်ဒ်ယွၤစံးဘၣ်တ့ၢ်အသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:5

သုကဘၣ်မၤတၢ်ဂီၤသိအသးတၢ်အချံထီၣ်ဒီးညိးဒီးယုၢ်ဖိ လၢအမၤဟးဂီၤသုကီၢ်ဒီးသုကဘၣ်ဟ့ၣ်တၢ်လၤကပီၤဆူ ကီၢ်အံၣ်စရ့လးအကစၢ်ယွၤအအိၣ်န့ၣ်လီၤ. ဘၣ်သ့ၣ်သ့ၣ်အဝဲကဆိကတီၢ်တၢ်စံၣ်ညီၣ်သု, သုကစၢ်တဖၣ်ဒီးသုကီၢ်လီၤ.